Chì sò diventate e 1000 cappotte di u CG2B ?

Tutti i ghjorni, si ne inventa una. Un funziunariu di u Cunsigliu Generale di Corsica Suprana hè messu in causa in un trafficu di... preservativi.

Quandu vi diciamu chì i scenaristi di "Mafiosa" eranu zucche è chì a realità hè peghju ch'è ciò ch'ellu si pò vede à a televisiò.

Dopu à u Gilbercopter, a fucilata di i Marronniers, u braquage di e casce di u Sporting, eccune un'altra sta settimana.

Sta volta si tratta di una storia di scruccunerie è di mercati trafficati à u Cunsigliu Generale di Corsica Suprana. Una di e manghjerie porta nant'à a compra di millaie di preservativi da u CG2B, dunque cù i soldi di i vostri impòsiti.

L'omi messi in causa sò stati trasferiti in Marseglia. Ùn ridite micca, ùn hè micca una magagna. Fidighjate u sugettu passatu à Corsica Sera.

A dumanda ch'è no ci pudemu pone hè quantunque di sapè induve sò passate ste "millaie" di cappotte ?

Voi straziate, è certi cuntinuveghjanu di ficcaccila...

l'11 di Nuvembre 2010

u webmaestru

Accueil

Envoyer à un ami

Version imprimable

1.mandatu da capotatuvunata u 11/11/2010 20:00

chi chjavoni a u cunsigliu generale , noi i vutemu e elli tiranu colpi a sfrumbera

2.mandatu da KÜG u 11/11/2010 20:10

a ci ficcanu ma ghjè "safe sex"

3.mandatu da Lupanar u 11/11/2010 20:12

Nurmale O capota...Fanfan u senatore è Paul-Emploi su cunisciuti pè esse "dunnaghji" è "caldetti, ùn hè vera.?!?

4.mandatu da corsu u 12/11/2010 09:02

per cortesia parlate francese eccu u cunsigliu di rcfm perche tuttu u mondu capisca
gjhe kiwi a morta di a lingua corsa .c'he sempre una personna chi un capisce u corsu
c'est un homicide assiste. pour que tout le monde comprenne

5.mandatu da estrimei u 12/11/2010 09:44

corsu :

per cortesia parlate francese eccu u cunsigliu di rcfm perche tuttu u mondu capisca
gjhe kiwi a morta di a lingua corsa .c'he sempre una personna chi un capisce u corsu..."

l'elletti naziunalisti chi eranu a sta riunione diceranu u so parè nantua stu fattu?

6.mandatu da cernobilu u 12/11/2010 16:56

Ancu s'è capiscu bè a so primura d'ùn piglià u sidà (perchè u sidà si piglia è si dà...), matematicamente, ùn vecu micca cum'ellu pò fà stu cristianu - scusate, stu disgraziatu - per chjavà tantu. Hè vera ch'ellu hè l'altu rispunsevule di i servizii suciali di u dipartimentu...
Ancu s'ellu si cunnosce bè e cumbriccule di u Cunsigliu Generale, chì hè sempre à ficca ficca, ùn s'hè ma intesu parlà di "partouzes" (cumu si dice partouze in corsu? ) in i scagni. Un' si sà s'ellu ci hè statu una distribuzione generale in Bastia.
Di pettu à tamantu misteru, dumanderaghju dunque à quelli chì mughjanu sempre libertà d'urganizà una manifestazione per stu disgraziatu.
Dumanderemu tutti inseme ch'ellu sia avvicinatu. Guardate ch'ellu hè u solu corsu chì pò pratende à entre in Casabianda. Hè più di 1000 scuse...
Un' feliciteremu micca a JIRS chì - pare fatta à posta - mette in prigiò un altu funziunariu ma micca quelli chì facenu i bugetti... Cù tanti peccati, stie cappotte li sò ghjuvate à "preservà" a so libertà. Tantu megliu. E' cusì sia.

7.mandatu da Paghjone u 13/11/2010 07:58

Almenu Paul è esciutu cupertu.....

8.mandatu da Coco u 13/11/2010 09:57

Liberta per u nostru fratellu Di lotta Petru Olmeta!!!! Evviva Giacobbi

Novu cumentu :