Cernobil : u nulu s'hè veramente piantatu à a fruntiera !

A ghjustizia l'hà detta : u nulu radioattivu di Cernobil hè statu senza cunsequenza nant'à a nostra salute.

25 anni dopu, e bugie cuntinuveghjanu. A corte d'appellu di Parigi hà datu u so ghjudicamentu : ùn si pò fà a leia trà u nulu di Cernobil è e malatie di a tirròida.

Dunque, quelli chì anu avutu prublemi di tirròida in Corsica, 117% di cunsultazioni in più (d'appressu à u duttore Fauconnier) sò tutti mittomani è bugiardoni.

Ma rassicuratevi ! U statu ùn averà à pagà e vìttime. In tempu di crisa è di dèbbite, hè una bona nutizia.
L'autorità sanitarie sò sempre cusì cumpetenti è u Statu ci prutege.

D'altronde, femuli puru cunfidenza. Sì un nulu radioattivu turnerà à vene, s'arresterà torna à a fruntiera.

Chì piacè di campà in a quinta putenza mundiale quantunque...

l'8 di Sittembre 2011

U Sgaiuffu

Accueil

Envoyer à un ami

Version imprimable

1.mandatu da U Palatinu u 08/09/2011 09:50

Una vergogna tamanta !
Quandu si cunosce a crescita tamanta di cancari diversi dapoi a catastroffa, è quandu si cunosce appena tutte e malatie ligate à a radioattività, tuttu u mondu, ancu i menu infurmati sannu ch'e u nulu di Cernobyl hà fattu disguasti cunsiderevuli, è puru, st'intelligentoni anu decisu ch'e ùn s'era passatu nunda. È chì forse u solu culpevulu era un vechju omu di 88 anni;
O bughjardi ! Vergogna à voi chì ci avete piattatu a verità, è chì ancu oghje, perseguitate e vostre bughjie à dì ch'ùn s'hè passatu nunda.
E vostre mani sò brutti di u sangue di tutti i morti.

http://cumpalliols-in-corsu.over-blog.com

2.mandatu da u miumese u 08/09/2011 10:37

Chì vergogna quessa ! U nulu s'hè piantatu à a fruntiera ! Simu tutti closcie ! A crescita di u numeru di cancari ùn si pò micca spiegà dà u nulu di Tchernobyl ! Dunque puderemu crepà chì ùn micca a colpa di u Statu nè di u prufessore Pellerin ! Aprite u ghjurnale d'oghje, ci si trova un bellisimu disegnu ind'è e pagine "France" : si vede u prufessore Pellerin chì dice "U nulu ùn cuncernerà micca a Francia" in 1986, è accantu un ghjudice, in 2011, chì dice "A ghjustizia ùn cuncernerà micca a Francia". Ecculu u riassuntu di issa parudia ghjustizia. Tuttu cuntinuveghja d'andà benissimu in Francia.

3.mandatu da ANTO u 08/09/2011 19:01

Era prévistu cusi in cu l'accordu di Camillou e Anghjulu ,aspitemmu cio ch'élli diceranu a manca chi guverna a Corsica oghje .Scumettu chi hannu da di :"on ne commente pas une décision de justice "...a dicila !

http://blog-anto.be

4.mandatu da Acqualacciu u 09/09/2011 09:55

A manca?
Induve?

5.mandatu da u miumese u 09/09/2011 11:24

Paupaul s'occupa di l'affare di a Caravelle, ùn pò micca fà tuttu, o zité nè dumandate di troppu !

6.mandatu da marieddu u 11/09/2011 03:41

Volevano anche metterle in Sardegna le centrali....

Novu cumentu :