Berlusconi hà da stallassi in Corsica ?

Silvio Berlusconi hà una piccula è simpàtica villà nant'à a Costa Smeralda, in Sardegna. 120 èttare, 2 piscine, un bunker anti-nuclearu, un teatru grecco-rumanu, un parc incù laghi artifiziali, una spiscina, un falsu vulcanu (!), cinque pizzerie, un gazon sempre verde è donne à pelu in tutti i scorni.

Ùn pare micca cusì, ma a vita di presidente talianu hè difficiule. È quandu Berlusconi organizeghja una festuccia cù i so amichi per ripusassi appena, scalanu i paparazzi.

L'affare avia fattu un scàndalu annu. Purtantu, chì ci hè di male à organizà una festuccia in casa soia cù una cinquantina di belle donne in string ?

Ste fottò avianu fattu u giru di u mondu. Tutti ghjelosi sì !

Azezu fràcicu da l'affare, Berlu era decisu à vende u so palazzu è à andassine di stu paese. Prezzu di a mudesta casetta : 450 millioni d'euro. Almenu d'avè un pozzu di petroliu in u vostru giardinu, serà difficile di pagavvila.

Allora per fughje a Sardegna, u passu à francà per a Corsica hè cortu. A voce corre in i media taliani chì u Cavaliere puderebbe vene in u meziornu di l'isula.

Berlusconi in Portovèk incù Camillou, Christophe Maé, Bob Sinclar, Jean-Pierre Pernaut è Jean-Marie Bigard ?

Forse u ritrattu ch'è vo viderete st'estate in Corse-Matin...