Avemu un Bogdanov cun noi

Bon segnu ? O micca ? Un Bogdanov (ùn dumandate s'ellu hè Igor o Grichka) hà vulsutu testimunià ellu dinù u so sustegnu à u populu corsu, u pugnu alzatu.

Iè iè semu d'accordu cun voi, cun stu ritrattu entremu in a quarta dimensione.

Pocu impreme si l'affare s'hè passatu in una discuteca parigina dop'à parechji litri d'alcool, u ritrattu hè quì è circuleghja nant'à e rete suciale.

Ùn sapemu micca sì u Bogdanov hà una residenza segundaria in Corsica, s'ellu si sente "residente", s'ellu hè statu cummossu da l'interdizzione prefetturale... o s'ellu era simpliciamente in bomba nera.

Aspettemu sempre e precisioni di quelli chì anu passatu a serata cun ellu.