A magia di e cantunale Corse

Ind’è noi, a participazione à st’elezzioni hè stata tremenda. Nurmale, tutti vulemu esse à u primu rangu chì, e cantunali in Corsica, sò propiu màgiche !

Abracadabrà è... tuttu u mondu vince !
Nimu hà persu l’elezzioni : per i candidati chì pàssanu fàciule, hè statu una vittoria strepitosa. Quand'elli vìncenu di pocu, a vittoria hè ancu più bella, è quand’elli pèrdenu hè una vittoria... per preparà l’avvene. Camille de Rocca Serra, chì hà persu a so sedia dopu à tanti sèculi di domu Roccaserristu nant’à u rughjone Purtivechjacciu, hà ancu inventatu e "défaites prometteuses" !

Abracadabrà è... càmbianu i culori !
Dopu à avè intesu à Claude Flori amparacci chì à u Cunsigliu Generale di Cismonte ci èranu cinque eletti UMP « apparentati » PRG (!!!), i Corsi anu pussutu vede à Joseph Castelli (PRG) è à Stéphanie Grimaldi (UMP), disputassi a sera stessa di u segondu giru à France 3 Corsica, l’appartinanza di Pierre Siméon de Buochberg. U novu elettu di u Fiumorbu, candidatu di Diritta chì s’hè presentatu senza a ticchetta di l'UMP, sustenutu da Paul Giacobbi chì, officialmente hà sustenutu à François Tiberi, candidatu di Manca è di a magiurità dipartimentale, ma... "unicamente à u segondu giru".

Abracadabrà è... euh, cumu fà ?
Cunniscite a fìsica di u focu crosciu è di l’acqua secca ? Innò ?
L’esempiu u più dimustrativu hè quellu di Portivechju induve Jean-Christophe Angelini hà vintu cù u sustegnu di Corsica Lìbera, di u Front de Gauche è di u Partitu Sucialistu. Ùn ci serebbe mancu da stunassi chì a nova guardia di a Diritta Corsa l’appii datu una manu anch'ella, da cacciassi à Camgliù di tràmpalu…Cumu hà da fà avà u cunsiglieru generale vitturiosu à cuntentà à tutti quelli chì l’anu vutatu ? Da i Naziunalisti più duri, favurèvuli à a lotta armata, à i Republicani più fidi, cum’è Emmanuelle de Gentili, aghjunta di Emile Zuccarelli à a Merria di Bastia ?

A riturnella à a moda hè chì e ghjente di bona vuluntà ponu travaglià inseme. U risultatu di sta magia eletturale si presenta bè, ABRACADABRÀ è...

u 30 di Marzu 2011

Ben Lazezu

Accueil

Envoyer à un ami

Version imprimable

1.mandatu da Signaronu u 31/03/2011 15:18

Par una volta chì ci hè un naziunalistu chì riesci à fà qualcosa di bè, circchemu d'ùn criticalu micca tropu.

O si di nò, ùn vi lagneti micca chì u clan appii sempri tuttu in mani !

Bravu o Ghjuvan cristovanu !

2.mandatu da ochju u 31/03/2011 15:29

naziunalistu?

3.mandatu da militante anonimu u 31/03/2011 15:35

micca bravu ... bravissimu !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

e lascia racchjà tutti sti sbafacciuloni ghjelosi chi c'hanu fattu perde vint'anni di lotta à forza di cumbine , scrucconisimu o semplicemente incapacità cronica . o allora per esse ben vistu serà forse megliu cuntinuà à perde à tutte l'elezzioni (ma a corsica hà u tempu , no ?) , ma postu chi e disfatte so piene di sperenze ..

4.mandatu da KÜG u 31/03/2011 15:36

ha ha ha

5.mandatu da militante anonimu u 31/03/2011 15:40

à ochju :
o ochju , porti male u to nome chi u megliu serebbe chi tu ti compresse un paghju di spechetti per vedeci megliu . GCA è un vechju militante : CSC , CUNCOLTA , SCELTA NOVA , PNC . e u toiu u curiculum ?
ma forse vulie parlà di u to ochju merlinu ..

6.mandatu da estrimei u 31/03/2011 17:11

o ghjente ,
un vi fraiate micca !
chi vole di vechju militente ?
eu so un vechju militente , un zitellone serà un ghjovanu militente , ma un he micca detta chi u vechju sie piu militente che u ghjovanu. (per esse chjaru un so micca militente di i pertiti, so militente di a Corsica)
avà c'he un astra dumanda chi si merita riflessione: chi vole di naziunalistu ?
listessa cosa che naziunale?
per contu meu , un naziunalistu , o un naziunale , corsu -per falla a l'accorta , - he qualchissia chi un si ricunosce che una solla naziunalità (micca citadinità): a corsa (dunque , chi negga tutte l'astre ) ; e chi vole una Corsica induve i naziunali so ricunisciuti in casa soia e ch'elli hanu piu diritti -e duveri -che l'astri

7.mandatu da nuit bleue u 31/03/2011 18:51

A so andatura parlà da per ella, CSC, CUNCOLTA, SCELTA NOVA, PNC.... ha principiatu cume tutti i naziunalisti, e viaghjendu, ha lasciatu darettu a ellu une poche di rivendicazione, per accuncia a so pulitica a l'usu ripublicanu francese....
Sin'a scelta nova si pudia parlà di naziunalismu ma dopu he tornatu autonomistu, e oghje un si sa piu..

8.mandatu da nuit bleue u 31/03/2011 18:57

A so andatura parla da per ella; csc, cuncolta, scelta nova, pnc, ha principiatu cume tutti i naziunalistu, ma a so strada ha sviata in furia, lascendu darett'a ellu e rivendicazione naziunale di u principiu, per accuncia a so pulitica a l'usu autonomistu, in un tempu e po a l'usu ripublicanu francese per compie

9.mandatu da nuit bleue u 31/03/2011 18:59

Scusate ,aghju scritu duie volte e stesse cose.

10.mandatu da Kulturkampf... u 31/03/2011 20:05

o Estri Chi nè face di l'identità cuturale ? Solu a nostra spergu ??

11.mandatu da corsu mica clanistu u 31/03/2011 23:10

andeté a chinavi tutti quanté vo sitté !!!!ci volé ancu a capiscé a sitazioné.un simu piu a tempi di Pasqualé Paoli.L'armata corsa un'hé micca per dumané! per contu meiu,l'affaré hé a situazzioné di a Corsica hé l'evoluzzioné si fara in dé l'urna.Oghié ci so donné hé omi,ghjiuventu pronti a rispondé puliticamenté a e dumandé di u populu corsu.UN cié ché di vede u stumaghéghiu di sti barboni cusilieri clanisti in contru a angelini hé a caitucoli .Ci volé a cuntinua cusi.. hé ora!!!!!!

12.mandatu da estrimei u 01/04/2011 07:16

a corsu mica clanistu,
postu che tu capisci , spieggaci , nenzu che no vaimu a chjinacci :
un ermata per chi fà ?

a Kulturkampf...
l'aghju detta a l'accorta.
he capita chi " l'identità cuturale " he so chi face u Populu -per cultura ci'ole a capì , a lingua , ma dinnù , una manera d'esse e tuttu so chi face un Paese -

13.mandatu da SERRA u 01/04/2011 15:57

o nuit bleue , aghju lettu une pochi di i to cumenti e s'aghju capitu ben per esse naziunalistu ci vole à pensà esattamente cume te , bella cuncipitura di a democrazia chi tu ci prepari in casu chi a corsica diventi indipendente ; salutu dinò u to bellu spiritu di tulerenza ... ancu s'ella ti dispiace dumenica sera davant'à a permanenza di GCA eranu riprisentate tutte e tendenze di u naziunalisimu nu a listessa cuntentenza , ma tu ben intesu un ci pudie esse postu chi ti sereste rallegratu ch'ellu vincisse piuttostu Rocca Serra in bon adettu di a teuria di u votu rivoluzionariu di i cummunisti di i tempi quand'elli fecianu votà in sottu pè a diritta per addebulisce u partitu u più vicinu à elli (dunque u principale cuncurrente) . s'è vistu cio ch'elli so diventati ... si vede oghje cio ch'elli diventanu quelli (pochi) chi pensanu cume te . ch'ella ti dispiaci o no ci so i naziunalisti chi dopu avè praticatu a lotta armata stimanu oghje chi sta pratica è ghjunta à e so limite e porta più incuvenienti che sperenze . è dinò perch'elli un hanu più nunda à provà da stu puntu di vista (e d'altri) ch'elli si ponu permette di portà stu ghjudicamentu ; forse dino chi parlendu di "nuit bleue" sanu megliu che te di cio ch'elli parlanu senza avè bisognu di piattàssi daretu à cugnomi ridiculi e falzamente guerrieri ... ma ch'aspetti dunque per mette u to "pseudo" in pratica ? leghju u giurnale tutte e mane , forse seraghju ancu primu à sciaccamanà .. prevenici puru in casu chi n'aghjimu à comprà e boules quies ch'o facciamu a pruvista ..

14.mandatu da A magia di a communauté de destin u 02/04/2011 00:07

Mi ne'mpippu di JCA e di a so vittoria in Portoveck,ma s'omu mi da a voglia di rende.
D'altronde so chi ma fattu ride (o pienghjè) ghjè l'articulu di un ghjurnalistu di Torche Matin parlendu di quella famosa vittoria di JCA ,spieghendu chi si Camillou avia persu éra perchè un era mai statu capace d'apresi a "l'altri" e chi i portugesi ,l'arabi,i francesi ecc ..hanu preferitu u "nostru bobo ecolo mondialiste "

15.mandatu da acelludinotte u 02/04/2011 12:03

O magia, quant'è tù bischi ! Soga ai vutatu o fattu vutà à Rocca Serra. Ai persu è avemu vintu. Avemu vintu è ti sente forse l'ochju merlinu. Hè cusì, certi naziunalisti novi ùn supportanu micca a vitoria di i naziunalisti. I militenti di u PNC, u Partitu di a Nazione Corsa, sò naziunalisti, omancu quant'è tè. Hè cusì è ci vole à stacci. Eviva ANgelini è eviva Caitoculi !

16.mandatu da acelludinotte u 02/04/2011 12:07

Mi sminticava di u votu di Corsica LIbera. Giraschi hè cullatu in tribuna à fà un discorsu bellu chjaru per sustene à Angelini. Ma ùn si sò visti l'ecolo bobbo mondialisti à u meeting. Soca anu fattu vutà anch'elli à Camillou, per dispettu o per disprezzu. Si sò, una volta di più, sbagliati, cum'è tè chì sperava ch'elli perdi JCA contru a più grande famiglia clanista di Corsica, fundatore di a CFR.

17.mandatu da A magia di a communauté de destin u 02/04/2011 13:37

O malacelladinotte e vera chi ghjè Squarcini chi servia u champagne?Quante vo parlate d'ochju merlinu,in piu d'esse bobo écolo mondialiste sarète "gay"?
E l'articulu di Torche Matin l'ai lettu?
Sappia per compiè o malacelladinotte,chi parlendu d'anzianita di naziunalismu unu di i mio antenati à vutatu in1794 per a spichera incu a Francia e chi a tradizione di a famiglia è sempre stata quessa.

18.mandatu da acelludinotte u 02/04/2011 18:08

Ha avà ti cunnoscu. Ma tù ch'ai fattu.? U to antenatu hà forse fattu qualcosa di bè, ma tù? Eiu à Saurcini ùn lu cunnoscu è si passava, cum'elli dicenu i media, "sur les champs élysées". Per un incontru clandestinu si pò fà megliu nò? Ma tù chì sai tuttu, a sai ciò ch'ellu s'hè dettu? Dumanda à certi sindicalisti agriculi naziunalisti di CL s'ellu hè bonnu u cghampagne in prefettura d'Aiacciu o di Bastia. Dumanda quantu volte chjama i RG. Eviva u puttachju, eviva e pete di sumere, eviva u vomitu, eviva a tradizione di a to famiglia..

19.mandatu da Culombu......... u 02/04/2011 18:20

Eu vulerebbi ghjustu à puntu sapè cio ch'ellu s'hè dettu....( ùn faciu prucessi d'intenzione à nimu)....mà ùn averanu parlatu nè di Caccia,...nè a minaccia islamista in Francia ??

20.mandatu da nuit bleue u 03/04/2011 20:13

serra se i mio pruposti ti dispiaccenu, cambia di foru e va a leghje u to gjurnale preferitu torche matin, avale per e lezione di demucrazia ,sapia che a prima liberta d'un statu democraticu e quella di a parola, e un hai mica a pritenzione d'impediscemi di parlà o di scrive cio ch'ella mi pare, e "boules quies " e mi mette quandu Angelini face un discorsu, che e so parole faccenu piu disguasti che e nuit bleue, un c'hè che da leghje e cunnerie che tu scrivi.
Se un hai che quessi cume argumenti, capiscu meiu che tu hai vutatu per issu "naziunalistu" chi vole cambia a sorte di u Populu Corsu, cu a benedizione di u statu francese.
Pianteraghju , che un aghju l'asgiu di cuntrasta cun ghjente chi un hannu nulla a di.

21.mandatu da SERRA u 04/04/2011 15:05

o nuit bleue sappia chi un aghju micca bisognu di a to autorisazione per scrive nant'à a piazzetta (ne nimu d'altronde) , di listessa manera chi tu vorreste decide di quale è naziunalistu (senza l'alette) , si forse qualificatu per decide di qual'è ch'è corsu o micca postu chi no ci simu ...
in quant'à a discussione a piantu eo e ti lasciu cu u to fele , e to parafattule e i to discorsi sfondati per criaturi di quatr'anni .

22.mandatu da questione a jca u 04/04/2011 15:53

mi pudeti indica se jca he per a cursisazione di l'impieghj per l'officialita e l'ubligazione di a lingua corsa, per para a culunizazzione di pupulamentu?
l'aghju intesa parla pocu di issi sughjetti di fondu
esse naziunalistu dumanda di parla di u fondu :les habitants de la corse ou les corses ?c'he una bella differenza !!
jca he per a prima espressione o a sicunda?
basta che lu dicca a nanta su blog

23.mandatu da Quizz... u 05/04/2011 11:31

@ Corsu micca clanistu, Qualesse l'evoluzione ?? Qualesse e dumande di u populu corsu ??

24.mandatu da nuit bleue u 05/04/2011 11:53

JCA un ti rispondera mica, o s'ellu ti risponde ti dicera che cio che tu dumandi passa per a ricuniscenza di l'AUTONOMIA di a Corsica, e per quessu sempre piu voti per ellu e u so partitu.
Ghje cio ch'ellu dicia u so babbu spirituale Simeoni e L'UPC, assai liberta a u livelu lucale, ma sempre in lu quadru di a ripublica francese, e di sa manera capisci be che un si po impone ne l'amparera di a nostra lingua, ne a cursisazione di l'impieghi, e ancu di menu para a culunisazione di populamente chi hè diventata a so riserva d'eletori

25.mandatu da questione a jca u 05/04/2011 16:28

se capiscu be l'indipendenza sola speranza bravu o notte turchiiiiiina !

26.mandatu da nuit bleue u 05/04/2011 19:08

Inno, dipoi u 1768 campemu a l'usu francese, e mi pare ch'ellu cunvene a assai, dopu ognunu face a so scelta, ma eiu un vecu cumu si po esse, corsu e francese, ma so sicuru che jca a ti spiegara.
sperendu, sperendu, si more c...

27.mandatu da puttachju maiò u 09/04/2011 23:30

Ci hè un astutu chì dumandaia: mi pudeti indicà s'è jca hè per a cursisazione di l'impieghi per l'officialità è l'ubligazione di a lingua corsa, per parà a culunizazzione di pupulamentu? " risposta simplici: leghji u prugramma di Femu a Corsica, almenu chì tù preferischi à Camillou...
pà ciò chì ghjè a siconda rimarca, quidda di l'autunumia, ancu i naziunalisti duri duri duri sò pà i tappi transitorii.
Ma u più chì ti dispiacci ghjè ch'iddu appia vintu , nò? pena in corpu, pena in corpu à sti naziunalisti chì ùn supportani micca di veda un'altru naziunalistu (mudaratu) vinci ...

Novu cumentu :