anpe, langue corse, lingua corsa, impiegu, emploi, corse, corsica, rinnovu, falce, discrimination, discriminazione,
Un prublema di discriminazione
À dilla franca, chì male ci saria à vulè ricrutà una sicritaria anglofona, italofona o arabofona? Per i travagli d'estate, ognunu si cerca qualchissia chì sappia parlichjulà à quandu u talianu, à quandu l'inglese. Hè nurmale ch'elle fussinu plurilingue e persone chì volenu travaglià in u turisimu.
In quantu à un impresa chì travaglia incù ghjente di u lucale, chì male ci seria da a so parte à prupone un ufferta chì dumandessi cumpetenze in fatti di lingua corsa? Quandu omu vole ricrutà qualchissia, face e so scelte, in funzione di u travagliu prupostu è di e cumpetenze di i candidati. Hè vera chì di regula, simu più avvizzati à vede ufferte d'impieghi nant'à e cumpetenze eletturale chè nant'à e perfurmenze linguistiche... Eppò l'ANPE, l'averebbe dinunziata a discriminazione s'è st'impresa avia dumandatu ch'ella fussi anglofona sta sicritaria? Ùn dumandanu micca ch'ella fussi bianca, bruna è cristina, nò? Averaghju capitu male?
In pulitica linguistica : fà scelte chjare !
Mentre l'Assemblea Naziunale cuntrasta nant'à a quistione di u statutu à dà à e lingue regiunali, chì i diputati Corsi sò à prò di a cuufficialisazione, mentre l'Assemblea di Corsica vole mette in piazza un "prugettu di sucetà bislingua", mentre l'Università di Corsica crea una certificazione di lingua corsa, ghjustu à puntu per chì i cursofoni pudessinu và valè e so cumpetenze nant'à u marcatu di u travagliu, st'affare casca à tappu da illustrà e cuntradizzione di e pulitiche linguistiche. Aiacciu è Parigi ùn dicenu micca listessu affare... Postu chì in Corsica ùn tenimu chè 4 diputati nant'à 577, ancu u cuncensu corsu nant'à a lingua ùn la face micca à cambià a situazione. A vuluntà di sviluppà u corsu ind'è l'aghja publica intoppa a custituzione è i fundamenti di a republica. A ci l'hà detta u diputatu Brard...
Postu chì a HALDE difende a pusizione di l'ANPE, a Francia, sottu à u pretestu di luttà contru à e discriminazione cuntinueghja a so pulitica universalista, centralista, assimilaziunista. Ma cusì, stu republicanisimu chjuccutu, accanitu è ghjacubinu, ghjè ellu chì crea a discriminazione. L'ugualità à l'usu francese, ghjè u duvere d'esse dissalivatu. In fatti d'ecunumia, a cursufunia ferma un artifiziu indarnu. Senza un statutu d'ufficialisazione, altru restu, tutte e miserette ch'omu a si pruverà di valurizà, sò chjachjare "di bassa taverna"...
Ancu di grazia chì di quandu in quandu, ci femu duie risate in corsu. Quessa pò, ùn ci la ponu ancu impedì. In privatu pò, Big Brother ùn pò sente...
tags: langue corse, discrimination, statut, officialisation, france, constitution
À dilla franca, chì male ci saria à vulè ricrutà una sicritaria anglofona, italofona o arabofona? Per i travagli d'estate, ognunu si cerca qualchissia chì sappia parlichjulà à quandu u talianu, à quandu l'inglese. Hè nurmale ch'elle fussinu plurilingue e persone chì volenu travaglià in u turisimu.
In quantu à un impresa chì travaglia incù ghjente di u lucale, chì male ci seria da a so parte à prupone un ufferta chì dumandessi cumpetenze in fatti di lingua corsa? Quandu omu vole ricrutà qualchissia, face e so scelte, in funzione di u travagliu prupostu è di e cumpetenze di i candidati. Hè vera chì di regula, simu più avvizzati à vede ufferte d'impieghi nant'à e cumpetenze eletturale chè nant'à e perfurmenze linguistiche... Eppò l'ANPE, l'averebbe dinunziata a discriminazione s'è st'impresa avia dumandatu ch'ella fussi anglofona sta sicritaria? Ùn dumandanu micca ch'ella fussi bianca, bruna è cristina, nò? Averaghju capitu male?
In pulitica linguistica : fà scelte chjare !
Mentre l'Assemblea Naziunale cuntrasta nant'à a quistione di u statutu à dà à e lingue regiunali, chì i diputati Corsi sò à prò di a cuufficialisazione, mentre l'Assemblea di Corsica vole mette in piazza un "prugettu di sucetà bislingua", mentre l'Università di Corsica crea una certificazione di lingua corsa, ghjustu à puntu per chì i cursofoni pudessinu và valè e so cumpetenze nant'à u marcatu di u travagliu, st'affare casca à tappu da illustrà e cuntradizzione di e pulitiche linguistiche. Aiacciu è Parigi ùn dicenu micca listessu affare... Postu chì in Corsica ùn tenimu chè 4 diputati nant'à 577, ancu u cuncensu corsu nant'à a lingua ùn la face micca à cambià a situazione. A vuluntà di sviluppà u corsu ind'è l'aghja publica intoppa a custituzione è i fundamenti di a republica. A ci l'hà detta u diputatu Brard...
Postu chì a HALDE difende a pusizione di l'ANPE, a Francia, sottu à u pretestu di luttà contru à e discriminazione cuntinueghja a so pulitica universalista, centralista, assimilaziunista. Ma cusì, stu republicanisimu chjuccutu, accanitu è ghjacubinu, ghjè ellu chì crea a discriminazione. L'ugualità à l'usu francese, ghjè u duvere d'esse dissalivatu. In fatti d'ecunumia, a cursufunia ferma un artifiziu indarnu. Senza un statutu d'ufficialisazione, altru restu, tutte e miserette ch'omu a si pruverà di valurizà, sò chjachjare "di bassa taverna"...
Ancu di grazia chì di quandu in quandu, ci femu duie risate in corsu. Quessa pò, ùn ci la ponu ancu impedì. In privatu pò, Big Brother ùn pò sente...
tags: langue corse, discrimination, statut, officialisation, france, constitution
A Corsica dice à vedeci à Edmond
