A cronaca di Federicu Poggi in u Meziornu

À chì cunosce a so voce bella per via di u so impegnu incù a squadra Voce Ventu, à chì u cunosce per via di u so impegnu prufessiunale, da prufessore di corsu, à chì u cunosce per via di a so prisenza ogni ghjovi à u Meziornu di France 3 Corse.

À tutti i quelli chì sò passiunati da a nostra cultura è a nostra storia, à tutti i quelli dinù chì approntanu un esame o un cuncorsu, li pudimu cunsiglià di stà à sente à e so cronache settimanale in lingua corsa. Ci parla di tuttu: i mazzeri, a lingua di Bonifaziu, e fate, l'impiccati di u Niolu è tira avanti è tocca!