À nunda.
È s’è quessu testìculu s’arrestava quì, nimu ci puderebbe aghjunghje nunda. Ma chì talentu per esse cusì pènciulu è serve à cusì pocu affari ! Ci serebbe ancu da rìdene s'ellu ùn era ellu u sceffu di i Corsi... L'affare hè chì ghjè ellu, u Presidente di a CTC dipoi u 2004 ! Ancu voi vi n'èrate scurdatu ? Nurmale.
In cinqu'anni di serviziu, u tippu ùn hà pigliatu nisuna decisione è datu nisun' parè stagliatu senza esse statu à sente a prèdica di Padre Sarko.
Allora noi, cun l'aiutu di Jérôme Bonaldi emu circatu di truvà à u nostru capimachja qualch' interessu, una qualità, qualcosa chì ci possi serve. À Jérôme nù u cunniscite ? Hà trovu utulità pendente anni è anni nant'à Canal+ à unepochi di gadgets fràcichi chì ùn anu mai viaghjatu. Ebbè custì, pettu à tamanta prova, ancu Bonaldi s'hè ammutulitu, l'ochji crosci di vede chì per a prima volta di a so vita ùn ci l'avìa fatta à dà un sensu à un' invenzione. Ancu à Bonaldi l'averà dati u stumacheghju Camille !
Ma in tantu ch'è prufeziunale è spezialistu, Ghjilormu hà vulsutu dacci un listinu abbastanza precisu è argumentatu d'ogetti chì ci ghjuverèbbenu di più, à noi Corsi, à u capu di a CTC invece di tene à Cameddu. Allora avemu a scelta trà :
È s’è quessu testìculu s’arrestava quì, nimu ci puderebbe aghjunghje nunda. Ma chì talentu per esse cusì pènciulu è serve à cusì pocu affari ! Ci serebbe ancu da rìdene s'ellu ùn era ellu u sceffu di i Corsi... L'affare hè chì ghjè ellu, u Presidente di a CTC dipoi u 2004 ! Ancu voi vi n'èrate scurdatu ? Nurmale.
In cinqu'anni di serviziu, u tippu ùn hà pigliatu nisuna decisione è datu nisun' parè stagliatu senza esse statu à sente a prèdica di Padre Sarko.
Allora noi, cun l'aiutu di Jérôme Bonaldi emu circatu di truvà à u nostru capimachja qualch' interessu, una qualità, qualcosa chì ci possi serve. À Jérôme nù u cunniscite ? Hà trovu utulità pendente anni è anni nant'à Canal+ à unepochi di gadgets fràcichi chì ùn anu mai viaghjatu. Ebbè custì, pettu à tamanta prova, ancu Bonaldi s'hè ammutulitu, l'ochji crosci di vede chì per a prima volta di a so vita ùn ci l'avìa fatta à dà un sensu à un' invenzione. Ancu à Bonaldi l'averà dati u stumacheghju Camille !
Ma in tantu ch'è prufeziunale è spezialistu, Ghjilormu hà vulsutu dacci un listinu abbastanza precisu è argumentatu d'ogetti chì ci ghjuverèbbenu di più, à noi Corsi, à u capu di a CTC invece di tene à Cameddu. Allora avemu a scelta trà :
A famosa "Tong Caccia Tappu"
ma dinù a "Ghjaccera à mutore" per pudè beie è cunduce senza lampassi troppu in fùria...
L'apparechju à fondue nant'à port USB per pudè fà cena cù u vostru ordinatore
Incù a so brossa per i denti, sempre USB, per chjinavvi subitu dopu senza passà in sala di bagnu
Un telèfonu di casa branchèvule nant'à un telefuninu
Un custume di sumò ? Per fà paura à i pumataghji st'estate à u mare...
O Ellu ?
Astre pruposte ?
A Corsica dice à vedeci à Edmond
