L'eletti dinù anu u dirittu di fà a bomba in Ibiza (ritrattu nant'à a pagina Facebook di Marcel Francisci)
Durante anni è anni, i Corsi anu avutu a paura di a "balearizazione" di a so isula, vale à dì a bettunizazione di u liturale è a custruzzione di cumplessi turìstichi maiò "les pieds dans l'eau", cum'è in l'isule Baleare è nant'à e coste di Spagna.
Sta "balearizazione" hè stata più o menu evitata. I grandi casali ùn si sò mai fatti ancu sì i prugetti esistianu in l'anni 70 (in Capicorsu, in l'Agriate, in Bunifaziu...) è oghje u perìculu hè u "mitage", a custruzzione di case in ogni locu.
Quarant'anni dopu, a balearizazione s'hè fatta... ma piuttostu in i cerbelli di i Corsi.
Sò i spezialisti di a night chì dicenu chì "la Corse est un mini Ibiza français".
Serate nant'à u mare, "boat party", "soirée Ibiza", buatte di notte cù i DJ i più famosi... Hè vera, scambia a fiura di a Corsica chì diventa pocu à pocu un locu riputatu per e so feste nuttàmbule.
A moda hè ghjunta à u principiu di l'anni 90 cù l'apertura di e grosse buatte di Portivechju è di Balagna. D'un colpu, i Corsi anu scupertu a night è tutti i so eccessi. D'un colpu, di calmi è piuttostu azezi, i Corsi sò diventati fanatichi di e feste di notte.
Oghje, i Corsi si ritrovanu in sta nova identità. U so paese hè diventatu u locu di night è ne sò fieri. Ogni sabbatu, sò millaie à fà u pelerinagiu in i tempii di a notte è à pregà à David Guetta o à Bob Sinclar.
Ci hè obligazione di fà a festa o sinnò ùn site micca normale, ùn avete micca vita o site un azezu.
Ma sopr'à tuttu, ci vole à mustralla : mette i so ritratti di bomba nant'à Facebook. Omancu fà crede à l'altri chì voi almenu sapete amusavvi...
A nostra epica hè cusì. Ci vole à prufittà, fà a festa, è sopr'à tuttu mustralla à l'altri. Cusì, permette di scurdassi di tuttu u restu. Di u passatu, femu tabula rasa.
Alè, basta i discorsi di criticoni. A Corsica si sprufonda, ma last night a dj saved my life. Tutti nant'à u dancefloor !
Sta "balearizazione" hè stata più o menu evitata. I grandi casali ùn si sò mai fatti ancu sì i prugetti esistianu in l'anni 70 (in Capicorsu, in l'Agriate, in Bunifaziu...) è oghje u perìculu hè u "mitage", a custruzzione di case in ogni locu.
Quarant'anni dopu, a balearizazione s'hè fatta... ma piuttostu in i cerbelli di i Corsi.
Sò i spezialisti di a night chì dicenu chì "la Corse est un mini Ibiza français".
Serate nant'à u mare, "boat party", "soirée Ibiza", buatte di notte cù i DJ i più famosi... Hè vera, scambia a fiura di a Corsica chì diventa pocu à pocu un locu riputatu per e so feste nuttàmbule.
A moda hè ghjunta à u principiu di l'anni 90 cù l'apertura di e grosse buatte di Portivechju è di Balagna. D'un colpu, i Corsi anu scupertu a night è tutti i so eccessi. D'un colpu, di calmi è piuttostu azezi, i Corsi sò diventati fanatichi di e feste di notte.
Oghje, i Corsi si ritrovanu in sta nova identità. U so paese hè diventatu u locu di night è ne sò fieri. Ogni sabbatu, sò millaie à fà u pelerinagiu in i tempii di a notte è à pregà à David Guetta o à Bob Sinclar.
Ci hè obligazione di fà a festa o sinnò ùn site micca normale, ùn avete micca vita o site un azezu.
Ma sopr'à tuttu, ci vole à mustralla : mette i so ritratti di bomba nant'à Facebook. Omancu fà crede à l'altri chì voi almenu sapete amusavvi...
A nostra epica hè cusì. Ci vole à prufittà, fà a festa, è sopr'à tuttu mustralla à l'altri. Cusì, permette di scurdassi di tuttu u restu. Di u passatu, femu tabula rasa.
Alè, basta i discorsi di criticoni. A Corsica si sprufonda, ma last night a dj saved my life. Tutti nant'à u dancefloor !
A Corsica dice à vedeci à Edmond
