À a ricerca di l'Obama corsu...

A simana passata, u mondu sanu avia l'ochji girati versu l'America. Dopu 8 annate troppu longhe sott'à Georges W Bush, Barack Hussein Obama, u figliolu d'un emigratu chenianu l'hà fatta à esse elettu in un paese duve i neri ùn anu avutu u dirittu di vutà chè dipoi u 1965. Oramai, passata l'allegria di l'elezzione, ogni paese pare aspettà u so Obama. È in Corsica? L'averemu u leader, l'Obama corsu chì serà capace à unisce e nostre forze ?

A maledizzione
À u sonniu americanu risponde a maledizzione d'Arrigo Bel Messere. Arricurdate vi! L'avia detta 1000 anni fà :"A Corsica serà di male in peghju". Accidenti, sò 1000 anni ch'ella dura a falata !

Di listessa manera chè Nietzsche hà tombu à Diu, sarebbe ora per noi di tumbà à Arrigo, a so maledizzione è u nostru fatalisimu cronicu.

A speranza hè u pane di i povari ma ahù, pane è speranza, n'avemu pocu è micca quì! Eppuru, l'Obama corsu, ancu s'ellu pare esse una burla o una cacciata, esiste, ma ùn l'avemu ancu trovu!

Aiò, dite la, quale hè u vostru Obamucciu corsu?

u 17 di Nuvembre 2008

Joe u funtanaghju

Accueil

Envoyer à un ami

Version imprimable

1.mandatu da yes we can u 17/11/2008 00:15

in Gilles Simeoni WE TRUST !!!!

2.mandatu da Corsican Scrukery u 17/11/2008 09:30

In Zucca WE FUCK !!!

3.mandatu da Urelianu u 17/11/2008 11:34

Ah, un avemu micca trovu l'Obama corsu, ma u Georges W Bush l'avemu, ghjè Zuccarelli. A cunnerìa un li manca micca a u mere di Bastia. Vive les Courges!

4.mandatu da circinelludiguagnènativupèliguagnesusosanguaversatu u 17/11/2008 11:36

b[in Jean Guy WE PRAY, but ùn aspetteremu micca centu anni, hurry up o John Gaiii !

5.mandatu da estrimei u 17/11/2008 17:36

circad'ellu bè, e po quand'e vo l'averete trovu mandatellu in ...America.
qui avemmu bisognu di corsi chi si sentenu corsi e chi volenu sta corsi

6.mandatu da CK u 17/11/2008 17:51

!!! Tamanta scrizzata ! Quellu chi hà fattu sti ritratti hè un lione !

7.mandatu da fucilata u 17/11/2008 18:36

riflettimu un pocu...

l'Obamà corsu saria un tippu giovanu, chi presenta è chi parla bè, piuttostu bell'omu, capace di riunisce nant'à u so nome e sperenze di cambiamentu d'una generazione sana...

ALEXANDRE-GUILLAUME TOLLINCHI 2010 YES WE CAN !!!!!

8.mandatu da Ghjuvanni McCain u 17/11/2008 18:48

L'Obama nustrale ùn sò micca (Jean-Charles Orsucci ? Gilles Simeoni ?)

ma u Mickael Vendetta l'avemu ancu noi : Jean-Christophe Angelini

9.mandatu da John Findus u 17/11/2008 19:05

Dopu a un discorsu cusi, site voi oh Joe !!!

10.mandatu da FRONTEDILIBERAZIONEDIISUMERI u 17/11/2008 19:42

Mettite puru un sumeru (neru) farà sempre megliu chè tutti l'eletti attuali...

O un urdinatore, un Mac di preferenza ...lol

11.mandatu da AL u 17/11/2008 19:53

Mc Cain l avemu digià : Paupaul Natali di Borgu

12.mandatu da Zighizon u 17/11/2008 21:23

Mac cumu ? Popaul Natali ? è di Paul "u nostru", Paulu Quastana, strada diritta, chì ne fate?

13.mandatu da omu seriu u 17/11/2008 22:46

avà basta i scherzi annant'a i notsri eletti !!

Chi so tutti cusi bè, bravi ,onesti, chi si movenu pà u bè publicu , senza capatoghji parsunali !! innò

Allora lasciateli campà in pace , ch'elli (o elle)facennu ciò ch'elli(elle) ponu....

14.mandatu da Dandysiu u 18/11/2008 02:10

U veru prublemu, in fattu, ghjè a dimucrazia... Ci vole a piantà u suffraghju universale, e mette in piazza una "aristucrazia" intelletuale. A pleba a u capu di e decizionne pulitiche, hè un sbagliu maiò... Nidu di curruzionne, clintelisimu è populisimu periculosu...

15.mandatu da frontediliberazionediisumeri u 18/11/2008 11:41

In GFB we trust.

Sà parlà, sà cantà, tuttu u mondu (o guasi) u tene caru, hè cunnisciutu in u mondu sanu (infine, guasi...) Eccu!
Li ci vole ghjustu à taglià i so capelli è à vestesi di modu più "brancatu" , "clean", è l'avemu u nostru Obama. Sè in più avessi una moglia di culore è una bella zitella negruccia, a puderia fà ancu megliu! nò?

16.mandatu da Zorba u grecu u 18/11/2008 18:19

Eo vogliu à Jacques Bastianeeesi !!!

17.mandatu da casinchese u 18/11/2008 18:34

eo vogliu i cantadori di corsica terra! s'elli sò capaci in pulitica quant'elli sò capaci per cantà canzone nustrale a Corsica ùn teme più nunda!
Corsica terra forever

18.mandatu da ZIU ANTO U PURCAGHIU u 18/11/2008 18:43

Ma sara pussibulè di leghiè tutè stè cunariè per un di che male di i nostri eleti cusi cari ! ! ! ava basta .Mi prepunerghiu eiù per assumiglia a Obama.E sed'un vi piacenu micca i neri tantu peghiu per voi altri corsi . Eiu mi so dicisu mi presentu a l'eletione di Presidente di a Corsica .. . . .

19.mandatu da Mirvella u 20/11/2008 00:49

Ancu no avali pudemu sunnià à u nosciu indipendence day !

Iè ! We can ancu nò o ziteddi !!!

(infini ùn ci credu manc'appena, ma era solu pà piazzà a me tuntia)

IÈ WE CAN !

20.mandatu da piratella u 20/11/2008 11:57

God Save trhe queen, euh, vogliu dì " Diu vi salvi Regina" : solu à a Santa Vergine ci pudemu fidà, è ùn ci darà tantu fastidiu, un'apparizione di quandu in quandu è basta...

alè, a santa vergine à u capu di a Corsica è preghemu puru!!

21.mandatu da FRONTEDILIBERAZIONEDIISUMERI u 20/11/2008 21:13

U Papa!! eccu u nostru salvadore.

Sappiate chì u Papa hè u nostru veru suvrenu, dipoi a dunazione di a Corsica à u Papa da Carlumagnu in u 774 ! (da leghje u JDC di sta simana , è una decina d'altri numari, hè un articulu "recurrente" in stu settimanale...)

Allora a Corsica Vaticana ? What, ye' can!

22.mandatu da Piratella u 21/11/2008 21:45

È Alan MOSCONI, l'ete sminticatu?

Ùn era una azzione ardita, quella di scruccà un battellu per fallu vultà in casa soia?

Alan is tostu! Hè l'omu chì ci vole!

Alè Alan! Piglia u Grand Hotel avà!

23.mandatu da Blaccu Bloccu u 22/11/2008 10:16

...à l'usu Musconu d'Avretu ?

24.mandatu da Piratella u 07/12/2008 01:21

Avà l'"effettu Obama" hà ghjucatu ancu in l'elezzione di "Miss France", a miss hè sanguimischiata ed hè bella, quessa hè certa, ma`duie o trè cose mi sò parse strane :
- Mma De Fontenay, ssu spavechju, avia dettu a so brama d'avè una Miss black, "vistu l'attualità" .Chì ci entre l'attualità? si ghjudicheghja a più bella o nò?
- À Miss Corsica, sta sera pudiate circalla, ùn la mustravanu guasi mai...
- Solu certe Miss anu pruvatu i vistiti di e 12 finaliste ...Certe ùn l'anu visti 'ssi vistiti in e repetizione. Listessa pè e curegrafie : ùn insistianu nantu à e curegrafie di e 12 o di e 5 finaliste : cum'è sì certe fussinu eliminate capunanzu...
Ùn mi stona manc'appena, diceraghju.

Cusì a Francia sta sera si vede più bella, razzista micca, và bè, s'ella fussi vera...

25.mandatu da Carughjiu u 10/12/2008 17:38

S'elli so 1000 anni c'ella dura a falata di a Corsica, se Diu vole e li da saluta ci n'hè, quantu a mè, dino a u minimu minimu pà 1000 anni. Un c'hè ch' a guardà e a sente...U cumplessu di u culunizzatu mi pare d'un esse mai statu cusi forte et li pare, a tutti i nostri eleti, di fa tamante prove quand'elli francanu "porte spalancate" (parlanu ancu di fà un "tram" in Aiacciu" o mettanu una tassa anantu a l'essence). E quelli francesi si campatu, manghjianu quant'elli ponu (cabinets de consultants) e ci vendanu"tutti i so caretti" (centrale au fioule, tram, trottoirs aux normes).
A a prossima chi rivenaremu.
Carughjiu.

26.mandatu da Joe l'Indianu u 13/02/2009 14:33

Sate à sente, hè vera chì, cum'è l'hà detta quellu scemu di Berlusconi, Obama hè : bello, giovane, abbronzato. Quessi sarebbenu i trè criterii per un Obama corsu, nò? E sè invece d'Obama, ancu di più legittimu di tutte l'altre populazione d'America, fussi statu elettu un Indianu? Quessa sì chì sarebbe una bella vittoria per i populi culunizati. Dunque l'Obama corsu sarebbe : bellu, giovanu, moru, Indianu. Di quessi, in Corsica, ci n'hè pocu è micca…

27.mandatu da Sgaiuffa u 14/02/2009 17:23

E parchi micca una donna ?

28.mandatu da Culomba1 u 14/02/2009 17:38

innò, a prova in Corsica seria d'avè un Presidente Arabu.

Nè?

Dunque evviva l'americani, anu quantunque francatu un bellu passu, quì ùn hè ancu u casu...

29.mandatu da fratellu ficatellu u 14/02/2009 21:46

Un bellu passu per i bobo si ! C'hè u putenziale anc'inde noi, un v'inchetate...
Basta à fà u giru di li "bar a tapas" o di li "salons de thé" per buscà "benpensendu" cuistri è pedanti, pront'a lampà u primu metecu a u capu di l'assemblea, solu per fà "umanistu"...

30.mandatu da Piratella u 15/02/2009 01:26

Allora i Stati Uniti, una nazione di "bobo"? E a gioia di tanti americani di u populu, Neru o nò, era una carnavalata di bobo?

Ùn s'agisce micca di vutà un tippu PERCHÈ hè "metecu" ! Ma un Corsu d'urigine araba s'ellu hè cumpetente è intelligente, cum'è Obama, a so urigine ùn deve micca esse un impedimentu... D'altronde a vera parità, si dice chì hè quandu si vutarà una donna incumpetente....Listessa pè i "metechi" (a to parolla cusì distinta), perchè quantu ci n'hè incumpetenti "naziunali" chì sò vutati!

31.mandatu da fratellu ficatellu u 15/02/2009 01:53

L'Americani, bobo ? innò, un pensu micca. Ma un paese di coni pieni di coca, panzuti stupiti, pritenziunuti allivati a u big mac, beaufs di tutte e sorte... Iè a pensu...
E pensu che cio che tu chjami "u populu", un deverebbe micca avè u dirittu di vutà. Sò ghjenti inculti, povari è senza cunscenza pulitica...
Per compie, aghju adupratu a parolla "metecu", chi ghjera piu simplice. Sarebbe statu un fastidiu di fà u giru di e cumunità... I yupini, i bambùlà, i meloni, e face di limone, i maccaroni, etc.

32.mandatu da a dilla franca u 15/02/2009 03:32

innnnnnno meloni hè quellu tipu chi corre appressu a i maccaroni in corsica hé hé hé
un ha mai avutu un bobo ellu ch un hé mai statu a l uspidale oups
arrestate e vostre tuntie o ghjente è venite a fà u BUZZ INTERNET per yvan colonna

33.mandatu da fratellu ficatellu u 15/02/2009 03:39

Ièèèèè O "A dilla franca", socu d'accunsentu cun tè ! Ma bon, si pò cuntinà di campà acantu, e fassi duie risate anant'astri sughjetti...

34.mandatu da Joe l'Indianu u 19/02/2009 12:18

Un hè ancu detta chè no l'averebbemu à truvà quellu Obama corsu. Sè mai, rallegremuci puru, chì inde noi, a testa mora, l'avemu nant'à a bandera da parechji seculi! E pigliati què per fichidì o Americà!

35.mandatu da Piratella u 01/03/2009 10:48

fratellu ficatellu i to detti sò fascisti...Quale sì per decide quale hè connu, quale hà u dirittu di vutà è quale micca? Per disprezzà a ghjente d'un'antra urigine chè tè cù numacci?

Certa a Demucrazia (chì dà u putere à a maiurità, dunque à i conni, inculti, ecc) hè u peghju sistema , cumu dicia quellu, "FORA DI TUTTI L'ALTRI" (Churchill)

36.mandatu da fratellu ficatellu u 01/03/2009 11:47

"Blog scherzosu, puliticamente scurrettu è certe volte appena gattivu..." ?
Socu sempre annant'a piazzetta, o mi so sbagliatu è so cascatu annant'u situ web di i franc-mac' di "La Corse progressiste" ?

37.mandatu da Piratella u 01/03/2009 16:57

Umbeh, forse mi sò sbagliata eiu di Blog, ùn ridimu micca di listesse cose...

38.mandatu da fratellu ficatellu u 01/03/2009 17:15

Solu per dì chi un ci vulerebbe micca a circà un "goebbels" darretu a la prima macagna appena... spiazzata...
I mio posti hanu per solu scopu di stuzzicà o pruvucà appenuccia, micca d'esse dispettosu. Curdialmente.
FF.
i[Ripassu in modu "cativu"
;-)

Novu cumentu :