A Piazzetta, blog in lingua corsa - blog en langue corse / apiazzetta.com informations, actualité of corsica
ATTUALITÀ CORSA FUTBOL BETTUNIZEMU MAGAGNA CULTURA SUCETÀ VIDEO GIURNALE CUMU SI DICE... CUNTATTU / PUBBA
Accueil
Envoyer à un ami
Version imprimable
Partager

A Corsica aspetta à Solène è Clara

I tanker chì ci portanu l'essenza sò diventati e star di l'auturnu.



A Corsica aspetta à Solène è Clara
Sin'à avà, ùn cunnisciate micca i nomi di i tanker chì ci portanu l'essenza.

Ci hè vulsutu à aspettà e greve di l'auturnu 2010 per sapè ch'ella ci hè una vita daretu à u gasoil o u senza piombu ch'è vo mettite in u vostru mutore.


I so nomi sò cusì dolci : Clara è Solène. Ma ci sò dinù Pauline è Philippine in a grande famiglia di i tanker francesi.

Solène è Clara sò diventate e nostre amiche, è cum'è tutte e donne si facenu aspettà. È noi, cum'è imbecilli, aspettemu...

D'altronde, ùn si puderia micca dumandà à a CTC di cursizà i so nomi ? Postu chì avà, i tanker sò i nostri ? Piuttostu ch'è di Solène è di Clara, ùn si puderia micca avè à Chjarastella è Nunzia Maria ? O Ghjasippina è Antuanetta ?

Almenu per avè l'illusione di cunsumà essenza nustrale...

In Aiacciu e pompe sò digià à seccu è in Bastia ùn si sà quandu vulterà a nostra cara essenza.

In tutti i casi a greva ci hà amparatu un insignamentu impurtante : a indipendenza di a Corsica sò pochi à vulè la. Ma a dipendenza à l'essenza l'avemu tutti...

u 27 d'Utrovi 2010
U Sgaiuffu



1.mandatu da spaisatu u 27/10/2010 13:28
Senza essenza micca indipendenza....!!

2.mandatu da manc'à dritta.. u 27/10/2010 17:37
Boutin (Cristina) o Aubry (Martina) cunvenerebbe megliu à sti batteloni (Tanker..) colmi di sta rubaccia di petroliu...

3.mandatu da per ride u 27/10/2010 19:15
Prupongu certi nomi , veri corsi, chì ùn ghjornu vultarenu à a moda:

MARFISA
RESTITUTA
NUNZIA
LIBERATA
SANTA

I veri corsi devenu chjama cù veri nomi corsi i so figlioli, cum'è l'arabi.
È micca dalli nomi americani o francesi.

4.mandatu da Blondin... u 27/10/2010 21:05
avà ghjè a moda di i nomi di "peoples" è di "stars" di e serie americane...allora ci vole à esse à a moda.

5.mandatu da imbecille u 28/10/2010 08:30
pacifica, bellu nome un'he?

6.mandatu da per ride u 28/10/2010 12:46
PACIFICA hè u nome di l'assicuranze di u Credit Agricole, è Pacific hè u nome di u pastizzu falzu. Pacifique est u nome di calcosa ma ùn mi n'arricordu piune.

7.mandatu da anto u 28/10/2010 13:24
Sarebbi statu megliu di chjama ssi batelli Ségolène e Clara .Cume nomi corsi u megliu saresti di sceglie nommi di sumeri ,cume NINA ,ZEFIRU ...o NOMI d'omi pulitichi cume Borloo ,assai facilè a empiè !
http://www.blog-anto.be

8.mandatu da Farfala... u 28/10/2010 14:42
"Erika" era un bellu nome....mà pè i sumeroni ci metterebbi eu Nazone cume JCA o ancu "traditore" cume Gilles S......

9.mandatu da MARCUCCIU u 28/10/2010 14:47
Anto so d' accunsentu cun' tè.Si battelli ci vuleria a chiamalli nomi corsi.Cumè Fajgianu,Grossu minutu,Sdrèga,Baullo' . E cusi tuttu aspettendu l'essenza,comu s'aspetta u panè, ci fariamu è nostrè dicursatè in nantu a sé panculé a a suliccia...

10.mandatu da Dédé u 28/10/2010 22:57
Tuttu stu petroliu di merda, avà nè simu dipendante, ùn si po mancu più attacà à l'arabi, spergu chi prestu truvaremu qualcosa in rimpiazzamentu..tandu i nostri guvernacci saranu forse più liberi è apre (infine ) l'occhji , è tandu priparà a risposta à tutti i Ben Laden di qui è d'altro...


PS : aghju guasi sempre vutatu a manca...pè quelli chi truvaranu torna à diciulà..
bona notte....

11.mandatu da orsucciu u 28/10/2010 23:55
L'ani ghjà truvatu O Dédé, mà facini tuttu ciò chèi hè pussibuli par ch'iddu sia ricunnisciutu u menu pussibuli, l'industria petrulaghja hè troppa impurtanti par risicà di mettela in periculu

12.mandatu da per ride u 29/10/2010 09:05
Tuttu stu petroliu di merda, avà nè simu dipendante, ùn si po mancu più attacà à l'arabi,
dettu da DèDè chì hà "guasgi sempre" vutatu à manca.

In Corsica , "l'arabi"(chì ùn sò micca sempre arabi, ma ancu berberi) sò guasgi tutti maruccani è tunisiani, è i so paesi d'origine petroliu ne anu pocu è micca micca.

A Francia, pà u più a so energia à tene da u nucleare è i paesi duv'ella piglia u petroliu sò l'Iraniu (sò Persi è micca arabi), l'Iraccu (sò arabi ATTACCATI) è l'Arabia Saudita (chì i so immigrati sò accolti in li palazzi di a Costa d'azzura è chì l'ostesriaghji corsi vularianu avè in casa soia).

PS: quì ùn ci entre nè a diritta nè a manca nè u prete carnale.

13.mandatu da Dédé u 29/10/2010 20:49
U petroliu hè a sola richezza di l'arabo-musulmani..prestu ùn averanu più, pazienza....
tandu ùn interesseranu più che burghesi parigino-bobo..e po, pare chi ci nè à buzzeffu in u paese vicinu "Israel Haaretz."... in quantu à i principe saoudiani hè vera chi ghjunghjenu in francia è in altro pè cumprà, fassi serve è dino carpighjà i so "valore" religiosi (Venenu pè putanisimu è beie alcool...)

14.mandatu da Cernobillu u 30/10/2010 08:40
L'indipendenza
senza l'essenza
u fiulu vincerà

Novu cumentu :
Seguitateci nant'à Facebook
L'articuli
Abbunatevi à a newsletter
Circà nant'à A Piazzetta
Ricerca avanzata
Galleria
A maledizzione di e buatte corse
A maledizzione di e buatte corse
1981 : a cuppa hè nostra !
1981 : a cuppa hè nostra !
Ponte Leccia city
Ponte Leccia city