VULEMU GHJUCÀ

VULEMU GHJUCÀ
 
Conta a zitelletta
Lampendu una petretta
Eppò salta à l’anchetta
È ghjunghje in celu chì serà ?
 
Ripigliu :      Serà a pampana, serà ?
                        Cun ella, vulemu ghjucà ?
 
Davanti à un murettu
Cù un altru zitellettu
Chì tira u chjuculettu,
È chì misura, chì serà ?
 
Ripigliu :      U battimuru serà ?
                        Cun ellu, vulemu ghjucà ?
 
Ecculi pè isse strette
Chì mandanu e pezzette
Nantu à un steccu, saette !
Ci hè ancu un chjerchju, chì serà ?
 
Ripigliu :      Serà a capretta, serà ?
                        Cun elli, vulemu ghjucà ?
 
À a pampana ghjuchemu
À a capretta, à u battimuru
Ad altri ghjochi è di sicuru
Tutti inseme ci campemu!
 
Ripigliu :      Serà u ghjocu, sera?
                        Cun elli vulemu ghjucà ?