U museu si trova nentru à a citadella di Corti. Sta citadella hè statta custruita à u XVIIIesimu seculu, in giru à un castellu di u XVesimu seculu, chjamatu « Nid d’aigle ».
I zitelli hanu vistu una mostra chì si compia in dicembre : « U patrimoniu vivu, esse è trasmette ». Tratta di u patrimoniu culturale immateriale (PCI).
U patrimoniu culturale ùn hè micca solu i monumenti o l’oggetti. Ghjè ancu e tradizione eretitate di i nostri antenati è trasmesse à i più giovanni : ghjè u patrimoniu culturale immateriale, u patrimoniu ch’ùn pudemu micca tucca.
Dunque face parte di u PCI :
-u cantu : u cantu accumpagna a vita di i corsi da a nascita (a nanna) à a so morte (i lamenti, i voceri). A paghjella, cantata à parechje voce, face parte di u PCI di l’UNESCO ;
- a lingua : a lingua corsa ;
-e fole : ci hè sempre una murale à a fine, per esempiu « I trè purchetti » ;
-i ghjochi :, per esempiu « a morra » chì, par via di a so longa storia è i numerosi paesi induv’ellu hè praticata, face parte di u patrimoniu corsu mà dinù di u patrimoniu mediterraniu ;
-e feste
-i spettaculi : per esempiu spettaculi di mariunette ;
-e credenze populare : in Corsica ghjè un mischiu magicu religiosu cumu per esempiu l’oghju, i mazzeri, … ;
-cuniscenza di a natura : per esempiu cumu hè aduprata a murza ;
-i sapè fà : si trasmettenu cume per esempiu e palme trecciate chì si facenu per e feste di pasqua….
Per vere i ritratti pichjate nant'à sta leia :
http://www.wmaker.net/subissi/photos/Museu-di-a-Corsica-CE2-nuvembre-2016_ga273452.html
