SPASSIGHJATA PÈ L'ALTA STRADA

SPASSIGHJATA PÈ L’ALTA STRADA
(15 tappe, 14 RIFUGI)
 

1. Partimu da Calinzana

Sin’à ORTU DI PIOBBU
L’alivu in Balagna
U piobbu à a nuttata
 

2. Da Ortu à CAROZZU

Scuntrimu à Bonifatu
 Mandriacca u stazzu
Ci porta cù u fiatu
 

3. In Carozzu u vitulu

Inditta a spasimata
Francata a Muvrella
ASCU STAGNU ci aspetta
 

4. Trà Ascu è TIGHJETTU

Attenti i Cascittoni
Bocca Minuta aspetta
Tenimu i bastoni
 

5. CIOTTULI À I MORI

Hè a prossima tappa
Tafunatu ci porta
Sin’à a Paglia Orba
 

6. MANGANU hè vicinu

Salutemu i cavalli
Prufittemu di Ninu
È di i so pozzini
 

7. PETRA PIANA  tocca à ellu

Si scopre I fratelli
Melu è Capitellu
Di muntagna i ghjuvelli
 

8. Da Petra Piana à L’ONDA

Ci guida Manganellu
Inciunfemu una stonda
Ghjargalu cusì bellu
 
 
 
 
 
 

9. Andemu in VIZZAVONA

Cullemu in Muratellu
Passemu per l’Agnone
L’altagna hè cusì bellu
 
 

10. CAPANELLE  hè vicinu

Si face a scuperta
Di lu stagnu d’Urbinu
Di u piazzile Alzeta
 

11. Trà Capanelle è PRATI

Si scambia di culore
A muvra face salti
Per andà bocca d’oru
 

12. Viaghjemu per USCIOLU

Sott’à Punta Cappella
Larice ùn hè solu
Ci hè pichjarina è stella
 

13. ASINAU  prossima

Cuscione hè u circondu
Bavella face a chjama
Incundine risponde
 

14. Hè l’ultimu rifugiu

PALIRI pare rossu
Sardegna pichja à l’usciu
Sciroccu hè in mossa
 

15. In Conca hè finita

Eccu  a punta di l’Ortu
Mare nostru c’invita
À fà festa à i monti