Venneri u 20 d’ottobre, i zitelli di a scola di u CE2 sò andati in Muratu per fà una girandulata in muntagna.
Ghjunti à a chjesa San Michele di Muratu l’aspettava Francè Tomasi, guida di muntagna.
U scopu di sta spassighjata era di studià l’arburi, sopratuttu u castagnu, per fà a leia cù u nostru prugettu nantu à Pinochju.
Per quessa anu seguitatu u chjassu chjamatu « U giru di e Cappelle Rumaniche » sin’à a cappella San Cesariu, chì data di u 12simu seculu.
Francè ci hà cuntatu a legenda di A Biscia : nantu à a cappella San Cesariu si trova una ripresentazione di a Biscia, intagliata natu à una petra :
I zitelli anu assaghjatu bachi rossi è anu coltu castagne.
Sò andati sinu à una posta di cacciadori. Da quì, si vidia propiu bè à San Fiurenzu è ancu à una bella parte di u Capicorsu. Era una maraviglia !
Per istrada, anu scupertu parechje arburi : U QUERCIU, u fruttu : a ghjanda
Ghjè un arburu maestosu chì sfronda. A LECCIA, u fruttu : a ghjanda
St’arburu ùn sfronda micca. U PINU, u fruttu : u pignottu
Ùn hà micca fronde, hà ache è hè un arburu persistente. ALBITRU, u fruttu : u bacu
Ghjè un arburellu chì cresce ind’ a machja. U so frundame hè persistente. D’autornu è d’iguernu si pò manghjà i bachi.
I bachi, tempi fà, s’addupravanu per fà decurazione di natale. A SCOPA, ùn hà micca fruttu
Si facia spazzole è pippe.
Sta pianta face fiori ma micca frutti. U CASTAGNU, fruttu : a castagna
Ghjè un arburu chì sfronda.
E castagne so accolte in duie o trè in un ingutuppu prunicosi (u ricciu). Cù u fruttu si face a farina castagnina.
Dapoi pocu tempu u castagnu hè minacciatu da u « cynips ». Ghjè una piccula mosca chì face e so ove nentru à u bucciu è impedice u fruttu di svillupassi.
Ma avà anu trovu un predatore di u « cynips ».Si chjama u « torymus ».
Per vede i ritratti, pichjate nant'à a leia :
http://www.wmaker.net/subissi/photos/MURATU-CE2-2017_ga430662.html