Marti u 4 d’aprile , i zitelli di a scola di u CE2 sò antati in San Fiurenzu per fà una girandulata in bord’di mare.
Ghjunti à a Roya l’aspettava Francè Tomasi, guida di muntagna.
Tempi fà, nantu à sti lochi si facia u sale : c’eranu parechji salini chì davanu à sti lochi un culore rossu, chì hà datu u nome à sti lochi : Roya.
Cun ellu sò partuti nantu à u « Sentier du littoral ».
Per istrada, anu scupertu parechje piante, i so usi è prupietà : A FERLA (A FERULA) : S’assumiglia à u finochju ma attenti chì ghjè velenosa ! Si pò fà canne. A SAMBULA : Hè agliu selvaticu. Si usa in cucina.
U LUMINELLU : S’aduprava e so radiche per fà medicine. Cù u so fustu si facia fiaccula. E so radiche s’assumiglianu à i pomi. Si ponenu manghjà ma cotti ! U MUCHJU : Di veranu ci sò picculi insetti chjamati "succiu" (en français : "cicadelle") chì facenu ove nantu à e so fronde. Tandu ste fronde incollanu. St'insetti attaccanu e vigne.
L'ARECHJA CAPRUNA : Si pò manghjà.
Guarisce e punture di e bestie (insetti, ragni...) è di l'altre piante (lamaghja, puncicula...)
U RADICHJU :
Si ne manghjanu e fronde.
U CARNICCIULU :
Si cucineghja (suppa, torte...).
A ROMBICCIA : Si manghja ind’è a suppa o in insalata. Ma attenti à ùn manghjà ne micca troppu chì face andà à i gabbinetti è pò fà male à e rene !
Cuntene l'acide ossalicu, cum'è l'acetu. « GRIFFES DE SORCIERE » : vene d’africa di u nordu. Un ci vole micca à cogliela perchè ghjè una pianta chì si sparghje ogni locu. A BAIOCCA : Si mette nantu à e ferite o i brisgioli per guarì le. S’addopra per fà un impiastru.
Nantu à u chjassu si trova un cannone. Hè statu trovu sottu à l’aqua, data di u XVIIIesimu seculu, à u tempu di i genovesi.
Sò cullati sinu à a torra di u Fornali. Da quì, si vidia propiu bè una bella parte di u Capicorsu. Era una maraviglia ! Infine, anu amparatu à urientassi cù una carta di a Corsica è una bussula.
Per vede i ritratti, pichjate nant'à a leia :
http://www.wmaker.net/subissi/photos/A-ROYA-CE2-2017_ga301590.html
Ghjunti à a Roya l’aspettava Francè Tomasi, guida di muntagna.
Tempi fà, nantu à sti lochi si facia u sale : c’eranu parechji salini chì davanu à sti lochi un culore rossu, chì hà datu u nome à sti lochi : Roya.
Cun ellu sò partuti nantu à u « Sentier du littoral ».
Per istrada, anu scupertu parechje piante, i so usi è prupietà : A FERLA (A FERULA) : S’assumiglia à u finochju ma attenti chì ghjè velenosa ! Si pò fà canne. A SAMBULA : Hè agliu selvaticu. Si usa in cucina.
U LUMINELLU : S’aduprava e so radiche per fà medicine. Cù u so fustu si facia fiaccula. E so radiche s’assumiglianu à i pomi. Si ponenu manghjà ma cotti ! U MUCHJU : Di veranu ci sò picculi insetti chjamati "succiu" (en français : "cicadelle") chì facenu ove nantu à e so fronde. Tandu ste fronde incollanu. St'insetti attaccanu e vigne.
L'ARECHJA CAPRUNA : Si pò manghjà.
Guarisce e punture di e bestie (insetti, ragni...) è di l'altre piante (lamaghja, puncicula...)
U RADICHJU :
Si ne manghjanu e fronde.
U CARNICCIULU :
Si cucineghja (suppa, torte...).
A ROMBICCIA : Si manghja ind’è a suppa o in insalata. Ma attenti à ùn manghjà ne micca troppu chì face andà à i gabbinetti è pò fà male à e rene !
Cuntene l'acide ossalicu, cum'è l'acetu. « GRIFFES DE SORCIERE » : vene d’africa di u nordu. Un ci vole micca à cogliela perchè ghjè una pianta chì si sparghje ogni locu. A BAIOCCA : Si mette nantu à e ferite o i brisgioli per guarì le. S’addopra per fà un impiastru.
Nantu à u chjassu si trova un cannone. Hè statu trovu sottu à l’aqua, data di u XVIIIesimu seculu, à u tempu di i genovesi.
Sò cullati sinu à a torra di u Fornali. Da quì, si vidia propiu bè una bella parte di u Capicorsu. Era una maraviglia ! Infine, anu amparatu à urientassi cù una carta di a Corsica è una bussula.
Per vede i ritratti, pichjate nant'à a leia :
http://www.wmaker.net/subissi/photos/A-ROYA-CE2-2017_ga301590.html