Primu ghjornu in Italia : Livorno è Pisa
Avemu po pigliatu u carru per andà in Tuscana, in Pisa. Ci simu spartuti in dui gruppi cù ognunu una guida : Maria o Claudia. Noi, eramu cùn Claudia.
Avemu vistu u Duomo, a Torra di Pisa è u Battisteru. Avemu fighjatu e sculture è i simbuli nantu à e facciate : u griffone, per esempiu, chì rapresenta a pace trà regione è paesi. Dopu avè visitatu a catedrale, simu entrati ind’è u Battisteru. Era bughju è impressiunante. L’acustica era tremenda : u sonu ribumbava fendu u giru di l’edifiziu sanu !
Dopu, simu andati sin’à a Piazza dei Cavalieri. Ci sò munumenti à a gloria di i Medici. Ci si trova ancu u bastimentu induv’ellu hè statu imprigiunatu Ugolino della Gherardesca, un traditore riputatu crudele è evucatu da u pueta Dante ind’è a Divina Commedia.
Avemu rimarcatu chì i carrughji portanu nomi in leia cù a nostra Storia : a Via Corsica è a Via Pasquale Paoli. Trà i dui, ci hè a chjesa San Sisto, un santu festighjatu u 6 d’agostu. I Pisani ci pregavanu per vince e so battaglie, sinu à u ghjornu ch’elli anu persu contru à i Genuvesi à a Meloria.
Avemu finitu a nostra visita cù una spassighjata nantu à u Ponte di Mezzo.
Hè stata una ghjurnata magnifica è avemu fattu assai leie trà a Corsica è e Cità Stati « taliane ».
Chjara C., Ryan, Asmae, Mehdi, Enzo, Andréa è Léa
Luni, u 9 d’aprile, ind’è a matina, avemu pigliatu u battellu per andà in Italia.
Simu scalati in Livorno à principiu di dopumeziornu. Hè un portu maiò, unu di i trè più famosi d’Italia. Avemu po pigliatu u carru per andà in Tuscana, in Pisa. Ci simu spartuti in dui gruppi cù ognunu una guida : Maria o Claudia. Noi, eramu cùn Claudia.
Avemu vistu u Duomo, a Torra di Pisa è u Battisteru. Avemu fighjatu e sculture è i simbuli nantu à e facciate : u griffone, per esempiu, chì rapresenta a pace trà regione è paesi. Dopu avè visitatu a catedrale, simu entrati ind’è u Battisteru. Era bughju è impressiunante. L’acustica era tremenda : u sonu ribumbava fendu u giru di l’edifiziu sanu !
Dopu, simu andati sin’à a Piazza dei Cavalieri. Ci sò munumenti à a gloria di i Medici. Ci si trova ancu u bastimentu induv’ellu hè statu imprigiunatu Ugolino della Gherardesca, un traditore riputatu crudele è evucatu da u pueta Dante ind’è a Divina Commedia.
Avemu rimarcatu chì i carrughji portanu nomi in leia cù a nostra Storia : a Via Corsica è a Via Pasquale Paoli. Trà i dui, ci hè a chjesa San Sisto, un santu festighjatu u 6 d’agostu. I Pisani ci pregavanu per vince e so battaglie, sinu à u ghjornu ch’elli anu persu contru à i Genuvesi à a Meloria.
Avemu finitu a nostra visita cù una spassighjata nantu à u Ponte di Mezzo.
Hè stata una ghjurnata magnifica è avemu fattu assai leie trà a Corsica è e Cità Stati « taliane ».
Chjara C., Ryan, Asmae, Mehdi, Enzo, Andréa è Léa