POCU MEDICU (U LAMENTU D'ARGAN)

                                                  POCU MEDICU !
                                               (U lamentu d’Argan)
 
Cumu hè chì, corciu di mè
Aghju e pene à più pudè
Serà a melza, serà
O u fegatu, chì sà
 
Ne sò cum’è sturdulitu
Ùn sentu più e mo dite
Ghjunsenu più li tercani
À curà i mio malanni
 
Da tutti sò cunnisciutu
Quale averia cridutu
Ch’ellu fussi lu pulmone
A disse quellu capone
 
Ch’u bracciu mi vole taglià
U m’ochju drittu crepà
È lu mancu, in più di què
Pocu medicu, ohimè !
 
Di quelle l’operaziò
Mi ne passu, o sgiò duttò !
Preferiscu à Diafoirus
Ignorante, ignorantus