INDUVINELLA

                                               INDUVINELLA
 
Induvinate quale sò…
Eccu, qualchì indiziu u vi dò
Sò appena stranu, a vi dicu
Chì di l’anatra aghju u bizzicu
                   …
È ci crederete po allora,
Aghju a coda di un castoru
                   …
Nantu à a terra è in l’acqua campu
Chì di a lontra aghju e zampe
                   …
Sottu à ognunu tengu ascosu
Un ancinellu velenosu
                   …
Nascu in l’ove, ma di a mo mamma
Beiu u latte è aghju u pelame
                   …
Eccu, l’indizii i v’aghju dati,
Averete po’ induvinatu…
 
    (SÒ L’URNITURINCU !!!)