CANZONA DI U FUTURU

CANZONA DI U FUTURU
 
E nostre strane vitturette
Belle muderne, à tavuletta
Volanu sulchendu li celi
Lestre lestre cum’è l’acelli
 
Ripigliu :           Ind’è lu tempu viaghjemu
                            È cù voi altri ampareremu
                            À scopre la nostra cultura
                            Noi, i zitelli di u futuru
 
Palazzi di trecentu piani
À gallu nantu à l’oceani
Avemu, è li nostri musei
Sò pieni di e vostre fusee
 
                            Ripigliu
 
Scatulette di figatelli
È pulenda in li sacchittelli
Mancu un minutu in fornu, hè prontu
Chì pranzu ! Vi rendite contu ?
 
                            Ripigliu