BIANCHI È NERI

BIANCHI È NERI (carnavale in Corsica)
 
Ripigliu :                  Bianchi è neri, neri è bianchi
                                   Festighjemu à Carnavale
                                   Tutt’in neru o tutt’in biancu
                                   Noi feremu un grande ballu
                                   Ballu neru, ballu biancu
                                   Tutt’inseme femu stu ballu
                                   Bianchi è neri, neri è bianchi
                                   Salutemu à Carnavale
 
Venite in paese sta sera
Si pripara una strana guerra
Senza fucili nè pistole
Ma cù farina è paghjole
 
Aprruntate sacchi tamanti
Voi serete in l’armata bianca
Appruntate carbone è terra
Voi serete in l’armata nera
 
                                   Ripigliu
 
Attenzione chì per ste strette
Ci sò suldati in le cassette
Chì vi volenu fà cambià
Di culore senza piantà
 
È pò dopu a stu cumbattu
Quì a pace avemu fattu
È ritruvemu u nostru rè
In cantendu à più pudè
 
                                   Ripigliu