Afraniman n Tmurt n Yeqvayliyen
Asqamu Asdawan Tizi Wezzu
Mouvement pour l’Autodétermination de la Kabylie
I tikkelt tamenzut deg umezzruy n yiqvayliyen, kkren-d am yiwen n umdan akken ad d-svegnen lɣiḍ-nsen d usḥissef ɣef tedyanin id d-yeḍran deg tmurt n yiqvayliyen (tafsut taverkant) id d-yeglan s 127 n yilmezyen d telmezyin i yenɣa udavu azzayri, d aya i yesawḍen kra n isertanen akken ad ḥarken, u ad kemlen avrid n yimenɣi s tikti tamaynut.
Deg ass yecvan ass-a. Wis 05 seg aggur n yunyu, deg useggas n 2001, deg yiwen n usarag, deg uxxam n yizerfan n wmdan deg Tizi wezzu, ideg, mass Ferḥat At Sɛid (FERHAT MHENNI), yessutur timanit i tmurt n yiqvayliyen. Timanit ara d-yawin awanek win ara yesved uɣref aqvayli s yergazen d tlawin n tmurt-a, d win ara s-yefkken taɣerma i weɣref aqvayli i yuklalen leqder d wazal, d win ara d-yaren tudert i tarwa-is, macci d win ara d-tin-neqqen, d win ara ysehvivren ɣef tutlayt taqvaylit, ansayen d leɛwayed n tmurt n yiqvayliyen … atg. 13 n yiseggasen n uxeddim deg unnar, amussu yettnarni, tiktiwin tt-nernint, ayen id t-yeǧǧan akken ad d yefk talalit i umusu n ufraniman i tmurt n yiqvayliyen, ass wis 04 deg aggur n tuber 2013 deg At ḥemdun, Tuviret, deg yiwwet n temlilit n usqamu aɣelnaw. Amusu-agi, d win ara yesɛedlen ger iqvayliyen, ara yefkken tagnit i yiqvayliyen akken ad farnen ger timant d timunent n tmurt n yiqvayliyen, amussu n ufraniman d win yesdukulen iqvayliyen imerra.
Ass-a, 15 n yiseggasen n tlalit, iɛeddan ɣef umusu agi n tmurt n yiqvayliyen, yessaweḍ ad yeṭṭef amkan-is d wazal-is deg tmurt-nneɣ, amusu, yewwi-d avrid n yiseɣ, talwit, n tezdeg, i yesawalen i tdukli d tɣerma n tmurt n yiqvayliyen.
Amusu n ufraniman n tmurt n yiqvayliyen yessawal i tezdeg n twennaḍt nneɣ, ilaq ad yili d alug ara yettwaqadren, d win ara iɛawnen anegmu n tmurt-nneɣ, u yal yiwen deg-nneɣ yewwi-d fella-s, ad yesseḥviver ɣef twennaḍt, imi cvaḥa n tmurt, tettekka deg tezdeg, i d-yessevganen taɣerma n uɣref. A yiqvayliyen sizdeget, tawennaḍt ideg tettidirem !
Ihi s yisem n usqamu asdawan n Tizi wezzu, neḥya-d ass n tlalit n umusu-nneɣ, d wass agreɣlan n tezdeg n twennaḍt, ara d-igren tiɣri i kunwi i kunemti ay iqvayliyen d teqvayliyin, akken ad tecfum ɣef umezruy n tmurt-nneɣ, d usizdeg n twennaḍt, akken ad nili seg iɣerfan n tɣerma.
Ad Yidir Uɣlan Aqvayli s Tdukli di Tlelli.
Asqamu Asdawan Tizi wezzu.
Ass n 05/06/2016