ASMEKTI (SIWEL) - I lmend n was agreγlan n tayri, ad nesmekti yiwen n unaẓur Aqbayli, i tewwi lmut d amecṭuḥ, yecna aṭas, aladγa γef tayri , wagi d Raḥim i yettwasnen s tezlit ‘‘eyya-d am iniγ’’ i yexdem netta d tcennayt Yasmina, i wugar n yisallen ddut-d yid-neγ deg kra n yijeṛiḍen n umagrad-a.
Anwa Aqbayli deg-neγ ur nesli i tezlatin-ines, ur nḥemmil ara, ur huzent ara deg temẓi-s, wayyi d acennay-neγ Muḥmed Raḥim i yettwasnen s yisem n tẓuri Raḥim, ilul deg as 7 deg ayyur n duğember aseggas n 1963 deg At Ʃisi Mimun, agezdu n Tizi wezzu, taddart n Imcekren, deg Tmurt n Yiqbayliyen. Yemmut as n 13 deg fuṛar 2010.
Asmi yesɛa sḍis n yiseggasen yekcem γer uγerbaz amenzu deg Iγil n wuccen (bwuccen). Deg akud-nni icennu i yinelmaden d yiselmaden, almi d aseggas n 1982 imi yessekles tizlit-is tamenzut umi yefka azwel «taɛkumt», yunef-as yerrat deg ṭerf. Almi d ayyur n meγres n useggas 1984 yunag γer fransa i tikelt tamenzu, dγa yessekles tasfift tamezwart γer tezṛigin Azwaw s uzwel ‘‘Lsas’’.
Seg yimiren ur yeḥbis aẓawan, d usufeγ n tesfifin, yecna deg xilla n tudrin d temnaḍin n tmurt-neγ, yewwid aṭas n yisental ama d tayri, amennuγ, timetti, idles, d wayen niḍen. Yettwasen mliḥ s tezlit-nni i yexdem netta d Yasmina ‘’Eyya-d am-iniγ’’, yeğğa-d ilem anect-it deg unnar n tezlit taqbaylit.
Tessaweḍ tmijalt-is deg as n 13 deg fuṛar 2010, imi yeḥbes wul-is deg ubrid, deg tudert-is 47 d aseggas, yeğğa-d deffir-s aqcic d teqcict ‘‘Massinissa d Tafat’’. Sgunfu deg talwit ay anaẓur.
Ayen yessekles yeffeγed:
1984 : Lsas (Les fondements) (Éditions Azwaw)
1986 : Zabala (Akfadou Music)
1990 : Aḥlili Aḥlili (Akfadou Music)
1995 : Eyya-d am-iniγ
1997 : Acimi Acimi
1999 : Ḥader Iman-im
2003 : Cerwen Tizemrin
2005 : Ay akal
Akli Muhubi
SIWEL 132245 FEV 17
Anwa Aqbayli deg-neγ ur nesli i tezlatin-ines, ur nḥemmil ara, ur huzent ara deg temẓi-s, wayyi d acennay-neγ Muḥmed Raḥim i yettwasnen s yisem n tẓuri Raḥim, ilul deg as 7 deg ayyur n duğember aseggas n 1963 deg At Ʃisi Mimun, agezdu n Tizi wezzu, taddart n Imcekren, deg Tmurt n Yiqbayliyen. Yemmut as n 13 deg fuṛar 2010.
Asmi yesɛa sḍis n yiseggasen yekcem γer uγerbaz amenzu deg Iγil n wuccen (bwuccen). Deg akud-nni icennu i yinelmaden d yiselmaden, almi d aseggas n 1982 imi yessekles tizlit-is tamenzut umi yefka azwel «taɛkumt», yunef-as yerrat deg ṭerf. Almi d ayyur n meγres n useggas 1984 yunag γer fransa i tikelt tamenzu, dγa yessekles tasfift tamezwart γer tezṛigin Azwaw s uzwel ‘‘Lsas’’.
Seg yimiren ur yeḥbis aẓawan, d usufeγ n tesfifin, yecna deg xilla n tudrin d temnaḍin n tmurt-neγ, yewwid aṭas n yisental ama d tayri, amennuγ, timetti, idles, d wayen niḍen. Yettwasen mliḥ s tezlit-nni i yexdem netta d Yasmina ‘’Eyya-d am-iniγ’’, yeğğa-d ilem anect-it deg unnar n tezlit taqbaylit.
Tessaweḍ tmijalt-is deg as n 13 deg fuṛar 2010, imi yeḥbes wul-is deg ubrid, deg tudert-is 47 d aseggas, yeğğa-d deffir-s aqcic d teqcict ‘‘Massinissa d Tafat’’. Sgunfu deg talwit ay anaẓur.
Ayen yessekles yeffeγed:
1984 : Lsas (Les fondements) (Éditions Azwaw)
1986 : Zabala (Akfadou Music)
1990 : Aḥlili Aḥlili (Akfadou Music)
1995 : Eyya-d am-iniγ
1997 : Acimi Acimi
1999 : Ḥader Iman-im
2003 : Cerwen Tizemrin
2005 : Ay akal
Akli Muhubi
SIWEL 132245 FEV 17