Ekkes-iyi akin Leqbayel-agi !
Yuzzel wawal ɣef tmesbaniyin mgal ibeddi n uselway n Lezzayer n tura i tikkelt tis 4 ar tefranin i d-iteddun, maca yuzzel kan di kra n yiǧernanen yettaken tayet i udabu imi ttamnen s turagt n udabu.
Turagt d tin i steɛerfen yes-s yiǧernanen-agi xas s tsusmi; teǧǧa-ten ad sezzin awal ɣef umussu n Barakat amzun d taqacuct n tugdudt i yewweḍ udabu.
Barakat meẓẓi ɣef tsertit acku d taseqqamut n kra kan n yilmeẓyen, fkan i yiman-nsen isem n Barakat, yessedhuy yes-sen udabu urfan akked ufelleq n Yizzayriyen.
Adabu, d netta i d aqerru n tsertit, amzun d amsuffeɣ n usaru i deg tturaren wid i s-yehwan, dɣa gar wid yextar yella Barakat i wumi yefka aḥric n umezgun uqbel ad as-yegzem timiṭ.
Ma nuɣal-d ar tɣuri deg wannar n tsertit, adabu yessebεed tanekra n Yizzayriyen ma nekkes Tamurt n Leqbayel seg usaru; adabu yekkat ad yesεeddi tifranin nebla aṭerḍeq, maca ihegga-d Benflis ma bdan lecɣal teffɣen-as afus.
Am akken d asumm ar isum zzεafat deg sin iberdan:
Amezwaru d win n 15 iseggasen-aya (akemmel deg ubrid n Lεaziz Butefliqa), d ayen ara iεeddin s wefran n Butefliqa sɣur azgen n cceεb neɣ ugar.
Wis sin d afran n Benflis; meḥsub ma ṭṭuqtent tmesbaniyin ara d-yinin 15 iseggasen Barakat ! din ara yaɣ udabu abrid n wadda i cceɛb-is s tsusmi ɣef Butefliqa ahat ula d ankar ad t-nekren d ayen ara yeǧǧen Benflis d awḥid deg temsizzelt yezdel ɣef 3 yiwtal akked tḍeggalt-nsen, syin ad εeddint tefranin s tugdudt d wawal n Yizzayriyen.
D wagi i d asaru yetturaǧun ad ikemmel s usinaryu n 1999 neɣ s win n tuzzya i umadaɣ ara ikemmlen asaru s Benflis.
Ihi ! akken i d-nniɣ iwsawen, leḥsab-agi, iga-t udabu nebla ma ad ttikkin Leqbayel acku yella uẓar n umennuɣ ɣur-sen; yettuḥettem fell-as ad tt-ireẓ si tama n tedrimt, tadamsa, taɣlist, idles akked tsertit, ladɣa taneggarut-agi tettban s wekraf akked uḍerref n yiɣallen isertanen dɣa ma nebder-d amek yessekcem FFS di tsusmi akked teɣzi n leεmer, isub-d RCD ar weswir n yikabaren ifessasen yettraǧun wid ara sen-d-yaǧǧwen lɣaci; yegra-d umussu n MAK, yekkat ad t-yeεzel ula s webdar n yisem, aya, nebla ma nettu rekku i yerka udabu n Lezzayer zdat umussu-yagi.
Di lεada n tsertit, d tamiwin tixsimin i d-yettarran ɣef kra iqeddec udabu deg umaḍal akken ma yella, tikkelt-a, yewḥel udabu n Lmuradiya imi yufa-d MAK yezwar-it ar wannar (mgal tifranin s lekmal-nsent) d ayen yeǧǧan leḥkem amesbaṭli n Lezzayer yekkes-d ciṭuḥ si Barakat akken ad t-yeḍlu i Tizi Wezzu ladɣa di tseddawit; si tama-nniḍen, yeεreḍ ad d-yexleq ccwal s wid yeqqaren di tesnawiyin n Bgayet akken ad ten-yezdi ar tseddawit-is akken ad d-tban Tmurt n Leqbayel tettnaɣ ɣef tukksa n Butefliqa.
Akka-gi d-yerra udabu abeεti ɣef tikli n Umussu i Wefraniman i Tmurt n Yiqbayliyen deg wannar, u mazal ad yeεreḍ ad yawi aɣref teḥkem tejmaεt ar wasif i deg yessekcem Izzayriyen.
D asteqsi kan !
Barakat yezga deg yisallen amzun d Lamin n tsertit, maca takemmict-nni d-yeffɣen ass amenzu ur tennerna ur texsi.Yewwet udabu ad yesselḥu Barakat-ines di Tizi Wezzu, maca ur yessaweḍ ara; ayen yessewhamen: ayɣer teqqim kan tmussut-agi di Lezzayer tamaneɣt ?
Mulud Yunsi
SIWEL 211116 MARS 14
Yuzzel wawal ɣef tmesbaniyin mgal ibeddi n uselway n Lezzayer n tura i tikkelt tis 4 ar tefranin i d-iteddun, maca yuzzel kan di kra n yiǧernanen yettaken tayet i udabu imi ttamnen s turagt n udabu.
Turagt d tin i steɛerfen yes-s yiǧernanen-agi xas s tsusmi; teǧǧa-ten ad sezzin awal ɣef umussu n Barakat amzun d taqacuct n tugdudt i yewweḍ udabu.
Barakat meẓẓi ɣef tsertit acku d taseqqamut n kra kan n yilmeẓyen, fkan i yiman-nsen isem n Barakat, yessedhuy yes-sen udabu urfan akked ufelleq n Yizzayriyen.
Adabu, d netta i d aqerru n tsertit, amzun d amsuffeɣ n usaru i deg tturaren wid i s-yehwan, dɣa gar wid yextar yella Barakat i wumi yefka aḥric n umezgun uqbel ad as-yegzem timiṭ.
Ma nuɣal-d ar tɣuri deg wannar n tsertit, adabu yessebεed tanekra n Yizzayriyen ma nekkes Tamurt n Leqbayel seg usaru; adabu yekkat ad yesεeddi tifranin nebla aṭerḍeq, maca ihegga-d Benflis ma bdan lecɣal teffɣen-as afus.
Am akken d asumm ar isum zzεafat deg sin iberdan:
Amezwaru d win n 15 iseggasen-aya (akemmel deg ubrid n Lεaziz Butefliqa), d ayen ara iεeddin s wefran n Butefliqa sɣur azgen n cceεb neɣ ugar.
Wis sin d afran n Benflis; meḥsub ma ṭṭuqtent tmesbaniyin ara d-yinin 15 iseggasen Barakat ! din ara yaɣ udabu abrid n wadda i cceɛb-is s tsusmi ɣef Butefliqa ahat ula d ankar ad t-nekren d ayen ara yeǧǧen Benflis d awḥid deg temsizzelt yezdel ɣef 3 yiwtal akked tḍeggalt-nsen, syin ad εeddint tefranin s tugdudt d wawal n Yizzayriyen.
D wagi i d asaru yetturaǧun ad ikemmel s usinaryu n 1999 neɣ s win n tuzzya i umadaɣ ara ikemmlen asaru s Benflis.
Ihi ! akken i d-nniɣ iwsawen, leḥsab-agi, iga-t udabu nebla ma ad ttikkin Leqbayel acku yella uẓar n umennuɣ ɣur-sen; yettuḥettem fell-as ad tt-ireẓ si tama n tedrimt, tadamsa, taɣlist, idles akked tsertit, ladɣa taneggarut-agi tettban s wekraf akked uḍerref n yiɣallen isertanen dɣa ma nebder-d amek yessekcem FFS di tsusmi akked teɣzi n leεmer, isub-d RCD ar weswir n yikabaren ifessasen yettraǧun wid ara sen-d-yaǧǧwen lɣaci; yegra-d umussu n MAK, yekkat ad t-yeεzel ula s webdar n yisem, aya, nebla ma nettu rekku i yerka udabu n Lezzayer zdat umussu-yagi.
Di lεada n tsertit, d tamiwin tixsimin i d-yettarran ɣef kra iqeddec udabu deg umaḍal akken ma yella, tikkelt-a, yewḥel udabu n Lmuradiya imi yufa-d MAK yezwar-it ar wannar (mgal tifranin s lekmal-nsent) d ayen yeǧǧan leḥkem amesbaṭli n Lezzayer yekkes-d ciṭuḥ si Barakat akken ad t-yeḍlu i Tizi Wezzu ladɣa di tseddawit; si tama-nniḍen, yeεreḍ ad d-yexleq ccwal s wid yeqqaren di tesnawiyin n Bgayet akken ad ten-yezdi ar tseddawit-is akken ad d-tban Tmurt n Leqbayel tettnaɣ ɣef tukksa n Butefliqa.
Akka-gi d-yerra udabu abeεti ɣef tikli n Umussu i Wefraniman i Tmurt n Yiqbayliyen deg wannar, u mazal ad yeεreḍ ad yawi aɣref teḥkem tejmaεt ar wasif i deg yessekcem Izzayriyen.
D asteqsi kan !
Barakat yezga deg yisallen amzun d Lamin n tsertit, maca takemmict-nni d-yeffɣen ass amenzu ur tennerna ur texsi.Yewwet udabu ad yesselḥu Barakat-ines di Tizi Wezzu, maca ur yessaweḍ ara; ayen yessewhamen: ayɣer teqqim kan tmussut-agi di Lezzayer tamaneɣt ?
Mulud Yunsi
SIWEL 211116 MARS 14