Taswast n useggas-agi ad tili i lmend n wazal i tesɛa tmeṭṭut taqbaylit akked wayen akk i aɣ-yellan d lsas ama i tmetti, ama i tedyan-nneɣ.
Seg wasmi i d-tella yemma-s n ddunit argaz neɣ timetti s umata tettwali tameṭṭut s yiwet n tiṭ; tella i ccetla akked leqdic n uxxam... Ɣas akken timetti ɣer sdat tuẓ, ɣas akken tamuqli tenda tettbeddil cwiṭ, maca mazal ur tbeddel ara i lmend n wazal-is; tameṭṭut mazal tetteddu, mazal tettili akken i tt-ittwali urgaz mačči akken tella.
Beddel tamuɣli, ad tbeddel tudert!
D tameṭṭut i aɣ-d-yessawḍen ayen akka iɣef nettzuxxu ass-a, d tameṭṭu i yeṭṭfen idles di ccfawat.
Ɣef waya Aẓeṭṭa Anabaḍ yebɣa ad yer azal i tmeṭṭut s Taswast ara yilin deg yixxamen n yal yiwen, yal ass ad yili d asmekti, ɣas ur yettili ara d asmekti ɣer kra, maca ad yili d ccfawat.
Deg Taswast-agi ad tafem ussan s teqbaylit, yal ass deg useggas yerra ɣef yisem Ad tafem daɣen ussan yuɣalen d izumal di tnekkit taqbaylit am yennayer, yebrir...
Taswast, ur telli ara kan d lkaɣeḍ. D amezruy, d idles akked yimmal i iḍebɛen deg-s.
Tamawt: Tawllaft tettwaxdem deg useggas n 1946 di Tmurt n Yiqbayliyen
Sawlet ar wutun n UẒEṬṬA ANAVAD : 06 82 91 05 11
Nacer Tigrine ( Aselway UẒEṬṬA ANAVAD)
ASEGGAS AMEGGAZ !
SIWEL 151217 DEC 14