Ilul ass n 06 ctember 1981, yensa ass n 30 mayyu 2013. Immut deg tudert-is 32 n yiseggasen. Ssebba n lmut-is d yiwen n waṭṭan n diri id yettef deg tefsut taberkant n 2001, imi yettwaṭṭef sɣur iǧadarmiyen n lɛar, netta d semmus (5) n yimdukal-is, anda samir yečča tiyita tsawed-it ɣer lmut s daxel n uxxam n iǧadarmiyen.
Lemmer mačči d yiwen n yimḍeber n tɣiwant n Ticci i d-yekkren issexdem lḥers ɣef iǧadarmiyen-nni, tili nɣan-t ass-ni.
Syin akkin, ceyyɛen-t ɣer sbiṭar n uweqqas, ackuyenṭer. Imejjayen n uweqqas ur as zmiren ara. Ceyyɛent srid ɣer sbiṭar n uɛemriw di Bgayet anida ikemmel adawi. D acu kan seg yimr-en ur yeḥli.
Tiyta-nni yečča teqqaz deg-s. Tkref tudert-is. Deg wass-en, ur yufi lehna. Tazmert-is tuɣ-itent. Rnu ɣer waya, ulac amejjay neɣ sbiṭar i yeǧǧa, i wakken ahat ad yehlu. Maca izuɣur ṛṛuḥ, almi yewweḍ anda ara naweḍ meṛṛa.
Ihi as-nni n sed 04 deg ayyur n yunyu 2016 imeɣnasen n umussu Afraniman i tmurt n iqbayliyen n tizi n berber,melbu,ayt smaɛel d yimezdaɣ n tizi waklan rrzan s-aẓekka-s anda iy-as sersen tameqqunt n yijeǧigen anda tella tedqiqt n tsusmi , u yezwar-d s kra nwalwal mas Buḥala Lḥusin aselway n tenmirgt n tizi n berber u ihedred izen n mas Buɛziz Ayt Cebib id yennan sḥasfeɣ imi udu siɣ ara maca ul-iw atan yidwen,ssin akken d akli n ayt zeyyan id yewwin yiwen usefru ɣef teqbaylit sumata,iḍefrit-id umedyaz niḍen n tizi waklan mas Sɛidi Ɛli s usefru id yewwi d tajmilt i Samir ak d wid yeɣlin d tiɣtas ɣef teqbaylit-nsen,yettunfek wawal d aɣen i mas Mibarki Lmulud aselway n useqqamu aɣelnaw n M.A.K, id yulsen kra seg tedyanin n tefsut taberkant,timenɣiwet n uɣewaɣ aqbayli Dda Lwennas, almi id yelfa ɣel tedyant n Samir,mi yekfa Lmulud awal d nuba n mas Farid Ǧennadi amaray amatu n umussu id yewwin ula d netta ameslay ɣef kra n tlufa i yeḍran d wamek id tifrat n twuɣa degi nettidir ass-a,tefuk temlilit s yiwet n usefru n lunsyan anda iyas yenna Abrid n tlelli yegguni aɣref,Sgunef deg talwit ay ameɣnas,ar tufat.
Sɣur Maklidir Iɣil wis
Asefru n tejmilt i Samir d wid yeɣlin ɣef tlelli-nsen sɣur umedyaz Sɛidi Ɛli (Tizi waklan-Ticci)
Acḥal d ilemẓi i yettwanɣan
Mmuten mebla tamijalt
Samir d yiwen deg-sen
Ula d netta di lbaṭṭel nɣan-t
Acu akka i yasen-d-sssuksen
Ssebba umdan timunent
Fella-asen tasa tegzem
S lǧerḥ ur nesɛi ḥellu
Γas leqriḥ i icuban ssem
Ur nufi win i wumi araz neḥku
Limer tamurt tesɛa leḥkem
Dili s ucetki ara neglu
Imi tcud s yimesbaṭliyen
Lbaṭṭel i tezzi-d irennu
Neqqen illaɣen yukin
D tmusni akka anda i tella
Sderɣilen allen yettwalin
Hudden lsas s tegduda
Qeflen abrid yettawin
Γer tudert n uzref d lḥerma
Qelɛen-d asirem yemɣin
Akken ur t-nketteb azekka
Γas ma yeḥwaj amennuɣ
Γas yettban-d ɣezzif
Cebḥit umecwar id-nuɣ
S wul ma yella neḍefr-it
Γer timunent n teqbaylit
Amedyaz Sɛidi Ɛli (Tizi waklan-Ticci)