"Stress": da a canzona à u filmu
Chjamata "Stress", sta canzona realista assai mette in scena unepochi di giovanotti Arabi è Neri chì scumbattenu per i carrughji bughjicosi di u circondu pariginu. Cazzotti, pugni, schjaffi è bastunate s'accatastanu à u filu di u filmucciu. Colpi è tambate accadenu senza mutivi speciali. I zumi nant'à i so sguardacci chjuccuti è determinati incalcanu nant'à a gravità di a situazione. Contr'à i Bianchi, contr'à giovani cantarini capellilonghi o contr'à u ritrospechju di vitture chì si ne stanu zitte è mute, pare chì a viulenza fussi u fundamentu identitariu, u ceppu di u pattu suciale di sta banda di sgaiuffi. Luntanu da l'ideale di u 1968, ùn si battenu elli per un ideale ma per edunisimu, per sfucà si in u piacè di u scabotochju.
Qualesse sò e mutivazione di u gruppu?
Allora a ghjente s'interrugheghja nant'à e mutivazione di u gruppu "Justice". L'averete capita, l'interessu di a "canzona" ùn hè micca tantu a musica chì vene à appughjà e fiure, e stonde di u filmu. Allora perchè l'averanu fattu stu filmu?
Serà per dì à i giovani di i circondi citadini quantu pò esse vana, indarna è niilista a so viulenza? Serà per dinunzià l'atti fatti da sti giovani? Serà à u cuntrariu per mette à palesu a so situazione di scaduta murale è suciale, quandu l'integrazione à u gruppu, quandu a sucialisazione, al di là di l'aghja di a famiglia passa per a viulenza. Un antra mutivazione, menu pulitica ma più prusaica, puderebbe esse solu di fà cunosce stu gruppu fendu ci riflette à sti giovani disgraziati è fendu li riflette à e vie chì li puderanu fà esce da a so situazione.
Per avà, stu filmu hè statu vistu da u mezu mondu è face nasce, s'ella ùn hè a viulenza, u cuntrastu!
Chjamata "Stress", sta canzona realista assai mette in scena unepochi di giovanotti Arabi è Neri chì scumbattenu per i carrughji bughjicosi di u circondu pariginu. Cazzotti, pugni, schjaffi è bastunate s'accatastanu à u filu di u filmucciu. Colpi è tambate accadenu senza mutivi speciali. I zumi nant'à i so sguardacci chjuccuti è determinati incalcanu nant'à a gravità di a situazione. Contr'à i Bianchi, contr'à giovani cantarini capellilonghi o contr'à u ritrospechju di vitture chì si ne stanu zitte è mute, pare chì a viulenza fussi u fundamentu identitariu, u ceppu di u pattu suciale di sta banda di sgaiuffi. Luntanu da l'ideale di u 1968, ùn si battenu elli per un ideale ma per edunisimu, per sfucà si in u piacè di u scabotochju.
Qualesse sò e mutivazione di u gruppu?
Allora a ghjente s'interrugheghja nant'à e mutivazione di u gruppu "Justice". L'averete capita, l'interessu di a "canzona" ùn hè micca tantu a musica chì vene à appughjà e fiure, e stonde di u filmu. Allora perchè l'averanu fattu stu filmu?
Serà per dì à i giovani di i circondi citadini quantu pò esse vana, indarna è niilista a so viulenza? Serà per dinunzià l'atti fatti da sti giovani? Serà à u cuntrariu per mette à palesu a so situazione di scaduta murale è suciale, quandu l'integrazione à u gruppu, quandu a sucialisazione, al di là di l'aghja di a famiglia passa per a viulenza. Un antra mutivazione, menu pulitica ma più prusaica, puderebbe esse solu di fà cunosce stu gruppu fendu ci riflette à sti giovani disgraziati è fendu li riflette à e vie chì li puderanu fà esce da a so situazione.
Per avà, stu filmu hè statu vistu da u mezu mondu è face nasce, s'ella ùn hè a viulenza, u cuntrastu!
I più belli tweets di François Fillon
