Torna un PLU annulatu... è chì face u Statu ?

U PLU di a cumuna di A Sarra di Ferru avia previstu di rende cunstruttìbili 450 èttare di terreni. Stu paese conta purtantu più di 75% di residenze segundarie.

Dop'à Sartè, Bunifaziu è Ulmetu, u tribunale amministrativu di Bastia hà annulatu u PLU di A Sarra di Ferru.

Dui sciffri bastanu per capisce :

- u pianu d'urbanisimu cuntava rende cunstruttìbili 450 èttare di spazii naturali è di terreni agrìculi.

- a cumuna di A Sarra conta più di 75% di residenze segundarie

Purtantu, u so merre avia dettu ch'ellu ùn ci n'era abbastanza nant'à u so cumuna nant'à l'onde d'Alta Frequenza, qualchì mese fà.

U PLU era attaccatu da l'associ di difesa di l'ambiu U Levante è u GARDE, è dinù a Camera d'agricultura di Corsica Suttana.

S'ellu ùn era attaccatu in ghjustizia, nimu ùn averia impeditu a bettunizazione. È durante stu tempu, chì face u Statu pè fà rispettà e lege d'urbanizazione è di rispettu di u liturale ?

u 6 di Lugliu 2011

U Webmaestru

Accueil

Envoyer à un ami

Version imprimable

1.mandatu da BTP u 06/07/2011 19:25

Di chi partidu hè stu merre di a Serra di Ferro..??

2.mandatu da naziunali u 06/07/2011 20:53

quale chi vende u beton in corsica? quale chi face travaglia i rumani? quale chi ha l' agenze imubiliare? simu fritti si un femu nunda!!!!!!!!!!

3.mandatu da Alexferox u 06/07/2011 21:58

So d'accunsentu ch'ellu ci vole à parlà un corsu d'oghje, e scrive à u megliu (facciu u mu pussibule per un struppià micca troppu) mà quantunque... Leghje "conta purtantu" O webmaestru ghje 100% francese di spritu e du parolle. Un picculu sforzu per piacè !!

4.mandatu da Paisanu u 06/07/2011 23:30

Stu merre Giorgi riesce a caccià a ghjente da generazione in Sarra di Farru pè fà custruisce i so amichi pinzutti, cusi si chi è piu facile à piglià i voti. E u Statu puru lascia fà... Un dispettu cusi forte... complimenti a Giorgi. O ghjenti un vi basta micca, vuteti torna st'omu sinceru e fieru di so lochi !

5.mandatu da Cupabia u 07/07/2011 00:18

I Francisci, Giorgi, Santini, Leccia, Rocca Serra, Polverini... SETI U CANCARU DI A CORSICA

6.mandatu da in cauda venenum u 07/07/2011 07:04

CH'ELLI STERPINU QUELLI CHI VENDENU A TERRA E A CORSICA , TUTTI I SCRUCCONI CHI PRUFITANU DI A MISERIA E DI A MAGUGLIA PE EMPIESI E STACCHE , VERGOGNA A TUTTI ST'ASSASSINI A I MULLIZZI STERMINATORI A L'ELETT'INFAMI CU E SO SCIARPE DI MISERIA .

7.mandatu da estrimei u 07/07/2011 07:56

so d'accunsentu 'ncu Alexferox ,ci he troppu francorsu.
francorsu di quindi , italcorsu di cullà ; he cusi chi a nostra lingua (a nostra cultura, a nostra manera di pensà ) si strughjenu pianu pianu.
in l'annate 70 dicianu ch'ell'un ci vulia micca fà rimproveri a quelli chi si sbaglianu chi doppu un facenu piu sforzi per praticà a lingua .
mi pare ch'ellu he un sbagliu maiò. a lingua si deve praticà ,ancu male s'omu principia , ma si deve rispettà .... for che si no' a vulemu strughje e fà una lingua "multiculturelle " , fatta pe una sucetà "multiculturelle " ( a quelli chi si primureghjanu di stu fattu , prupongu a lettura di u rapportu di u "cumitatu scientificu di a lingua " ) chi diventera a long'andà una suceta chi un cunoscera che una sola cultura : u sollu .
ci simu guasi.
he per via di quessa chi d'inguernu ci so piu case che ghjente e chi ci so corsi chi cercanu un tettu per cherità

8.mandatu da Homo economicus........ u 07/07/2011 11:13

@ Cupabia , Iè so veru baschicci di diritta , Mà ci hè dinò quelli chi si scordanu ch'elli si di manca : Vendasi ; Castelli ; Orsucci (Bonifaziu..) Padovani etc etc... è di qui à ci pocu (Prussime municipale..)serà ancu peghju.. viderai !!

9.mandatu da U Vagabondu u 07/07/2011 13:08

(da un teleffuninu)

Eppò ci hè dinù Natali è Gandolfi-Scheit, ùn ci scurdemu d\'elli!
O Homo econimicù, questi quì ùn anu di manca chè u cartellinu.

10.mandatu da gandolfi-chèque u 07/07/2011 13:26

di Vendasi, Gandolfi Scheit, Natali è José Galleti nimu ne parla, ma cio ch'elli anu fattu hè un SCEMPIU

centinaie è centinaie di case chi spuntanu cume funghi, tutti "lotissements" per pinzuti, closce è ghjunghjiticci

UN GHJORNU PAGHERETE PER CIO CHE VO AVETE FATTU A STA TARRA

11.mandatu da Homo economicus........ u 07/07/2011 14:56

@ Vagabondu .. Di galleti è Ganfolfi ùn mi n'era scurdatu mà i mettia incu Santini è R-Serra......
@ Gandolfi-Scemu...Elli ùn pagheranu micca, hanu dà incascià..... simu noi chi l'avemu dà pagà..... mà pè cumpletà u "panorama" so dinù culpevuli quelli chi sanu è ùn dicenu nunda.....

12.mandatu da Talavesu u 07/07/2011 15:29

(da un teleffuninu)

Tuttu que hé troppu vergogna pe noi altri,quandu leghju tutta sta vituperia mi vene a noia,u schiffu di a pulitica.Ch'emu da diventa,un "St trop'" o cume a Spagna?Lampemuli tutti in mare i pulitichi manghjoni,scrucconi,splutattori.Un ghjornu tuttu sara messu a palesu,tandu s'anu da caca adossu 'ssi sciamanelli.

13.mandatu da lingua di puttana u 07/07/2011 15:46

E di i naziunalisti chì custruiscenu à buzeffu è chì vendenu à pinzuti ne parlemu?
ùn ci hè chè da vede ciò ch'elli anu fattu in Moriani o per i Fulelli.
Cumu o Jean Guy? ah, ùn sò micca speculatori, sò travagliadori onesti.
Muralità : s'è vo vulete speculà entrite à Corsica libera a puderete fà ma senza favvi insultà.

14.mandatu da spalintatu u 07/07/2011 16:08

aveti scurdatu alfonsi zuccarelli mosconi (conca)giovanangeli (lecci) roccasera '(zonza)
vergogna a voi chi aiutate avende a terra tuchendu cummissione cume u merre di conca e di zonza e d'altri !!!!

15.mandatu da Homo economicus........ u 07/07/2011 17:19

Hè più che verità O lingua, più che verità....

16.mandatu da estrimei u 07/07/2011 18:12

si lingua di puttanna , o lingua di verità ?
i cunosci i fatti ? ne si sicuru ? l'assicureghji ?
eu nu i cunoscu , ma m'accunsente a cunoscelli .
se tu certificheghji u to scrittu vole di chi Corsica Libera he buggierda. e un pertitu puliticu buggierdu he un periculu!
chi quelli chi sanu , scrivinu : a demucrazia un si po fa 'ncu e buggie.

17.mandatu da Homo economicus........ u 07/07/2011 20:25

A stampa n'ha detta appena o Estrimè....(Anci si ghjè vera chi per certi nè dice di più che pè l'altri....)

18.mandatu da U Vagabondu u 07/07/2011 21:38

(da un teleffuninu)

O lingua di puttà, mi pare ch'è tù porti bè u to nome ma ne ci vole.
Quelli chì custruiscenu per s'empie e stacche sò manghjoni cum'è l'altri, ch'elli si dicanu naziunalisti o nò.
Sai, per contu meiu, ùn pensu micca chì a ghjente chì a face hè naziunalista.
Esse naziunalistu hè una attu militante è hè in cumpletta cuntradizione incù 'ssa manera di fà.
Dopu in quellu casu, mi pare chì avemu avutu duie visione caricatturale di u sughjettu, a stampa -forse tenuta da certi pulitichi- ne hà fattu un mafiosu à l'usu "Mafiosà" imbrutendu à tempu u naziunalisimu stessu, è Talamoni -chì, à parè meiu, averebbe pussutu piglià a so carta à u FN s'ellu ùn avia tantu odiu contr'à i francesi"- ne hà fattu un eroe per tene i so voti è a credibilità di u so partitu.
Sè vo vulete u mo parè, dicerebbe chì u soldu hà straviatu (currottu) st'omu cum'è tant'altri postu ch'ellu era in leia più o menu direttamente cù a speculazione, ancu s'ellu ùn era ch'un sociu è ch'ellu un capitanava micca u prughjettu, ch'ellu fussi pastore o cummercente (ancu s'elli ùn mi piacenu tantu), travagliadore onestu o scruccone.

19.mandatu da Sampiero u 07/07/2011 22:32

FORZA VESUVIO !!!

20.mandatu da Paisanu u 07/07/2011 22:41

ghjè una bella cosa di parla di lingua pura ma intantu a nostra terra si ne scappa incu ghjenti cumè stu Giorgi chi ci vende...

21.mandatu da U Vagabondu u 07/07/2011 23:09

(da un teleffuninu)

O Estrimè, sò à spessu d'accunsentu cun tè ancu sè a ghjente ti piglia per un azezu è chè tù sì certe volte appena radicale, ma quandu leghje i to scritti ùn mi possu impedisce di vede Matteu Ceccaldi parlà. Eppuru, ùn era micca cursistu..

22.mandatu da U Vagabondu u 07/07/2011 23:43

(da un teleffuninu)

Anzi chè di parlà per nunda, tenì : mairie.de.serradiferro@wanadoo.fr
Hè l'indirizzu electronicu di a cumuna.Scrivite puru, l'affari anu da cambià, a vi dicu! Ghjastimate puru, a si meritanu.
Pigliate què dinù : http://www.serra-di-ferro.com, u situ hè statu finanzatu da a CTC serebbe vergugnosu d'ùn andà à vedelu.
È per i fanaticchi, eccu a risposta di u capu di paese, u sgiò Antoine Giorgi : http://www.alta-frequenza.com/l_info/l_actu/residences_secondaires_en_corse_du_positif_aussi_pour_antoine_giorgi_43534

23.mandatu da estrimei u 08/07/2011 08:28

o U Vagabondu,
aghju cunisciutu a Matteu Ceccaldi (chi , ellu , andava 'nde i vechji , 'nde i pastori per circà e parulle ghjuste) chi era appassiunatu di a nostra lingua e un omu chi i avia u so caràttere , ti ringraziu di u paraggone , ma un aghju ne a so passione di a cultura (si n'avede omu quand'omu leghje i mio scritti) , ne a so struzzione, ne a so vuluntà.
a mio natura un he micca d'esse un rompi stacche (ancu s'ellu mi piece u cuntrastu democraticu) ma so troppu numerosi i corsi chi viaghjanu a ochji chjosi ; e quessa he un periculu maiò.
aprimu l'ochji : so numerosi i corsi chi si so stampati a merca di naziunalistu per fà i s'affari (i soi) .aemu datu e chjave a quelli chi vulianu essene i porta bandera , e oghje a nostra lingua diventa so ch'o chjameraghju " un parlatu culuniale"
ie so azzezu, chi a nostra lingua , u nostru Paese, u nostru Populu , pianu , pianu si strughjenu.... e chi l'ochji si stanu chjosi

24.mandatu da Pumata u 08/07/2011 11:40

Pulitichi fragighi di tutti scorni, statu fragigu, fiumara di ghjundidicci: flichi prefetti a mministrazione, ricconi, people, closce, stranieri appiccicati a "l'alloc", francesi di basa appressu a u "cadre de vie" in piu di que corsi beauf pe l'om cunsumeristi impinzutiti aculturati assistiti pieni di pretenzione e senza cerbellu... Anderemu a parla di lingua di cultura e di nazione a st'imbuleghju basterdu ch'hé diventada a sucieta corsa...

25.mandatu da ANTO u 08/07/2011 11:42

Pè difende a nostra terra contru a i speculatori ci so chi ricèvenu minacce di morte ,e sta difesa averebbe da esse fata da i nostri riprisententi ,ma so tutti piu o menu a manghja di capu ind'a sacchetta !

http://blog-anto.be

26.mandatu da estrimei u 08/07/2011 11:56

ma quelli chi ci " ripresentanu" , simu noi (t utti insemme ) chi li demmu a piezza e po dopu i lascemu fà .
a chi vota per chi u figliolu appie a so piezza (qui o in astrò) , a chi ha bisognu di a pensione , a chi a bisognu di pigliassi u mercatu , a chi vota u culore puliticu (l'aghju fatta anc'eu: aghju vutatu Corsica Libera chi era u pertitu per l'indipendenza) quand'ell'un c'he piu che culore
c'he u votu,c'he dinnù a manera d'esse , a manera di fà!
i culpevulli simu noi tutti.
ma un sbagliu si po curegge , basta a vulella?

27.mandatu da U Vagabondu u 08/07/2011 12:30

(da un teleffuninu)

Sò azezu quant'è tè o Estrimè, ma ùn basta à vulè lu u cambiamentu.
Prisentati puru, ai u mo votu è tandu l'affari puderanu cambià.

28.mandatu da Sampiero u 08/07/2011 12:45

@ Vagabondu, si sempre indè u mitu di a prse di u putere eleturale......e tandu chi cambierebbi... legge è spiritu francese ùn ci permetteranu mai di fà cio chi abisogna..

29.mandatu da Sampiero u 08/07/2011 13:01

* Presa

30.mandatu da estrimei u 08/07/2011 14:11

u capatoghju he chi pe piglià i voti , ci 'ole a esse "spalli lergu" (c'he forse una manera piu nustrale di dilla ? )
u putere elletturale , s'ell'he adupratu sottu a u cuntrollu di u Populu , he capita ch'ellu po cambià e cose

31.mandatu da Sampiero u 08/07/2011 14:42

à Estrimè....Credi chi una CTC à 100% naziunalista puderebbe impedi un pinzutu di custruisce.....a custituzione ùn a permette....ùn ti né scurdà...

32.mandatu da U Vagabondu u 08/07/2011 15:41

(da un teleffuninu)

È chì ci vulerebbe fà à parè toiu? A lotta armata s'hè venduta è oghje ùn hè più abbastanza chjara è diafana.
Sè no simu cusì numerosi à vulè cambià e cose, u votu ùn ci duverebbe micca pientà.

33.mandatu da estrimei u 08/07/2011 16:17

o Sampiero (perche micca Sampieru ?)
a parè meu , a ctc a 100% naziunalista un cambierebbe tante cose , ma un Populu corsu a 100% ochji aperti , cambieria tuttu. un ci seria , ne legge, ne cunstituzione , ne regulle e l'elletti (in Bonifaziu, Porti Vecchju , Lecci , Zonza , Conca e in tutti sti lochi vergugnosi ) serianu i primi a mette i termini .
cumu vulete avanzà , quand'elli so i merri chi suttumettenu a maghjurità elletturale? (es : Conca , ultime ellezzioni regiunale e di u cunsigliu generale)

34.mandatu da Sampiero u 08/07/2011 16:19

Chi fà quessa ùn la so...a lotta ch'ella armata o eleturale si hè vinduta...è fatti piacè in vutendu.. dipoi un annu ùn hè cambiatu nunda....è e vittorie ci si state....

35.mandatu da Sampiero u 08/07/2011 16:22

à Estrimè. Sampiero Corso era u so nome veru (a quelli tempi..)

36.mandatu da Sampiero u 08/07/2011 16:24

* Vulia di : vittorie (eletturale) ci so state...

37.mandatu da estrimei u 08/07/2011 18:50

a Sampiero ,
he capita ch'ellu si scrivia cusi , chi si scrivia in talianu ma si dicia Sampieru Corsu.
Petralba u scrivenu Pietralba , Pedicroce, Piedicroce....

38.mandatu da Sampiero u 08/07/2011 21:11

Mà qui si scrive più chi si parla o Estrimè.....

39.mandatu da estrimei u 09/07/2011 07:26

a sapia , eu , chi a scrittura era periculosa; ma i mio maestri un mi vulianu capì !

40.mandatu da permessu di custruicce u 10/07/2011 01:06

santa giulia in portuvechju, pinarellu, pinetu, ghisonaccia. se vo bi pruminade nata ste piaghje bederede u schempiu. chi fagenu i meri? quale da i permessi?

41.mandatu da permessu di custrui u 10/07/2011 08:54

in conca u merre ha datu un permessu di custruisce in favona (175 villa).u prefettu l'ha rifusatu 3 mese fatti benche mosconi fussi un cusginu di giacobbi per a so mamma venachesa !!!!

42.mandatu da estrimei u 10/07/2011 10:09

Foni , oghje , ha piu case che Ponte Leccia e he guasi viotu , passatu l'estate.
....e custi i corsi so schersi

43.mandatu da Sampiero u 10/07/2011 14:42

a VOX POPULI dice ch' in Santa Giulia u prugettu cuntestatu dà l'associi di difese di l'ambiente sarebbe intrapresu dà un famosu avucatu naziunalistu ?? quale hè chi nè sà di più ??

44.mandatu da vox dei u 16/07/2011 00:25

tù , ne sai troppu... Postu ch'è tù ci sì, bellu caldu, parlaci dinù di Muriani... o di'Alistru, o di Cervioni...

Novu cumentu :