Cun Sarko, a Francia diventa clanista !

Un scàndalu, a candidatura di Jean Sarkozy à l'EPAD ? Bof, in Corsica noi semu abituati...

A Francia scopre cun stumacheghju u sistema Sarkozy.

Cù a candidatura di Sarko Junior (baccu +2 !) à l'EPAD, a stampa si scatena : "népotisme... Prince Jean... république bananière... Dynastie Sarkozy..."

Fora di u MEDEF chì sciaccamaneghja, a storia face ride sin'à a China !

Purtantu, Ghjuvanni Sarkozy-Culioli (ramintemu chì a prima sposa di Nicolas Sarkozy hè di Vicu) ùn face ch'è appiecà un sistema cunnisciutu è tracunnisciutu in Corsica dapoi millaie d'anni : u clanisimu è u piston !

Quandu ne cunniscite in giru à voi, ghjente chì anu travaglii è "piazze" perchè "cunnoscenu" ? Siguramente micca i più diplumati, i più astuti o i più cumpententi, ma chì "qualchissia hà fattu entre"...

In quant'à u putere chì si trasmette da babbu à figliolu, semu noi chì l'avemu inventata ! In Cucuruzzu è in Filitosa digià, i sceffi si chjamavanu Cameddu o Ghjuvanpaulu.

Si puderia d'altronde praticà un test ADN nant'à i nostri omi pulitichi per verificà chì i so antichi eranu i capimachja di i castelli di l'età di u ferru...

Allora per una volta chì a Francia si cursizeghja appena, ùn avemu micca da lagnacci, nò ?

u 13 d'Utrovi 2009

u webmaestru

Accueil

Envoyer à un ami

Version imprimable

1.mandatu da community of destiny u 13/10/2009 22:43

lasciatelu in pace à Jean Sarkozy-Culioli, anch'ellu hè corsu !

2.mandatu da Heliofobu u 14/10/2009 00:18

Ghjè vera, Jean-Jean gloria à tè !

3.mandatu da estrimei u 14/10/2009 08:36

" Cun Sarko, a Francia diventa clanista ! "
o u webmaestru, si imbambuccitu ? u clanisimu he una pratica internaziunale chi un pianterà che quandu l'ellettori seranu piu rispettuosi di se stessi.
he vera chi qui , avemu u di chè ! o so i figlioli di i so babbi , o so quelli chi intrappuleghjanu di tutte e manere chi si piezzanu.
u ghjornu ch'elle seranu l'edée-chjare- chi supranisceranu, clanisimu unn ci ne serà piu!
a A PIAZZETTA:
a quandu un bellu un articulu , fattu incu tutti i so duveri , nant'a a Véolia e Kyrnolia? mi pare ch'ell'he oghje l'erma a piu periculosa di a culunisazione di u nostru Paese .

4.mandatu da Jean Valjean u 14/10/2009 09:39

e A Piazzetta, ùn so micca clanisti ?

5.mandatu da U webmaè u 14/10/2009 11:56

(da un teleffuninu)

Di siguru ch'è no semu clanisti, ancu di grazia d'altronde !

6.mandatu da ZIU ANTO U PURCAGHIU u 14/10/2009 12:08

U clanismu ghiè statu puri un bé pé a Corsica.Pensatè a penà, si in piazza di Rocca Serra c'era Mr Martin.In piazza di Giacobbi c'èra Mr Dupont o sino Mr Dupond,a chi nè sarèbbumu???In paèse meiu c'era u babbonè merè è po doppu u figliolu è oghiè u figliulnu;;;;;

7.mandatu da pazzurgu u 14/10/2009 16:54

Sarko mette in valu a Sarkozysation di l'impieghi

8.mandatu da statassentamè u 14/10/2009 20:15

Ci sò chì stanu troppu à pusà nant'à a piazzetta. Sunieghjanu ... Hè sempre stata cusì, ancu in tempu di Paoli. L'avemu in u sangue è face parte di ciò chè no simu...
U clanisimu hè statu un bè per a Corsica. Iè, arricurdatevi chì u clanisimu hà permessu in quell'epica a so cursisazione di l'impieghi, quellu paisanu pulizzeru in Parigi, quellu impiegatu di prefettura in Alençon, tira avanti è tocca.
Per disgrazia, oghje quì sò i prefetti chì facenu a so prefettisazione di l'impieghi, mettendu a pinzutia à u capu di tutta l'amministrazione francese.
U clanisimu hè un bè quand'ellu si tratta di PISTUNA' i corsi, nò ? Ma u clanisimu oghje hè in situazione de morte, cum'è u populu corsu. I clanisti ùn ponu più prumette ch'è posti di categuria C. L'altri sò di a cumpetenza di u statu (cadres A et B). Avà, ancu i francesi facenu cum'è noi. U prussimu presidente di a republica si chjamerà Sarkozy.
Allora, o zitè, femu qualcosa per salvà u clanisimu à usu corsu.

9.mandatu da heliofobu u 14/10/2009 21:10

O cari amichi clanisti, alora arrestate di parlacci di demucrazia, è di face perde u nostru tempu a dumenica per andà à vutà per sumeroni arivisti... Piantante incù e "profession de foi" schiffose di falsità è di prumesse mai tenute... Cume l'hà detta quellu "U populu un vale nunda, nurmale ch'ellu vutessi per eletti ch'un valenu nunda"...

10.mandatu da Küg u 15/10/2009 09:42

un grand omu chjamatu Alexis de Tocqueville disse un ghjornu, vultendu d'America: " u suffraghju universale ghjove solu à leghjittimà u putere di quelli chi u tenenu digià" (à poccu pressu)

11.mandatu da Küg u 15/10/2009 09:42

un grand omu chjamatu Alexis de Tocqueville disse un ghjornu, vultendu d'America: " u suffraghju universale ghjove solu à leghjittimà u putere di quelli chi u tenenu digià" (à poccu pressu)

12.mandatu da filidatu u 15/10/2009 09:49

Mi si pare di sunnià! U clanisimu serebbe un bè per a Corsica ?
U clanisimu hè a ruvina di a Corsica hè quellu chì ci mantene ind'un "coma" economicu hè quellu chì impedisce u sviluppu di a nostra economia, aiutatu ci vole à dilla da noi altri corsi chì simu ghjente troppu distinte per andà à fà i muradori o i zappaghjoli " què sò travaglii per l'arabi" quantu volte l'aghju intesa quessa , hè vera chì hè megliu à sottumettesi tutta a so vita à un elettu per avè una piazzarella à u cunsigliu generale o à a ctc .
Per contu meiu preferiscu strazià tutti i ghjorni chè d'esse un mez'omu vindutu

13.mandatu da nurbertu paganelli u 15/10/2009 12:35

L'altru ghjornu aghju scontru un tipu, era tristu, pienghjiia quasgi. S'era missu à pusa nant' à une muradda ed era pinsirosun u codu tordu è l'ochja lacrimosi. Mi socu avvicinatu, aghju ricuniscutu à Sarkho.

- Sangu la madona, chi fetti qui o Sgio prisidenti ?

- Asculeti, socu vinutu à ripusami un pocu in Corsica, ma ùn diti à nimu qual'è socu !

- T'aveti à me parola o Prisiden ma ùn sapiu micca chè vo parlaiati corsu !

- Un a diti micca quissa dinon osino ci hà da essa u trambustu et Stu curriscio di Villepin hà da fà corra chè socu di FLNC è quissa ùn hè vera.

- Iè, iè ma comu hè chè vo seti cusi afflitu ?

- Porca miseria hè u me fiddolu, hè in sicond'annata di drittu ma dopu...chi pudarà fà ! A sapeti hè un strampalatu, ùn sa fà nudda chè di lacassi pussà i capeddi. Un n'aveti vistu com'iddu hè ciuffutu ! Chi ani da di l'aghjenti ? Ch'ùn aghju solda ?

- Ma ascultemi ghjà un pocu, sapeti bè chè qui u più picculu di i mera hè capacci di truvà un impiegu di buro à u so asinu ...parchi ùn feti com'è iddi...Un picculu impiegu di merda è l'affari hè fatta...U vosciu stronzu si toccarà dui o trè solda è vo ùn sareti più in rimisciu ....

- Picculu impiegu ùn aghju eiu, ci so solamenti i travadda di merda pagati deci milli euro u mesi è quissa l'aghjenti ùn a pudarani micca supportà chè ci hè a crisa oghji..

- Circheti bè, une piazzaredda miserosa è qusgi micca pagata....Aio....

- Avali chè a mi ditti...ci hè calcusedda chi pudarà fà l'affari....Hè un impiegu di merda
micca pagatu ma pudarà sempri fssi un pocu di blacu stu ritrosu....Iè iè...a vecu bè st'affari.

Socu eiu u futivu, eiu è micca u Prisidenti, l'omu hè com'è no, a vi dicu eppo hè di i nosci loca , allora....!

http://www.invistita.fr

14.mandatu da polidori claire u 15/10/2009 19:23

U piston !!? dumandate appena in Corti à u PCEM1, è dopu emu da parlà di Sarko ! stemu ci zitti, chi simu à a vergogna !

15.mandatu da estrimei u 15/10/2009 20:18

a polidori claire ,
pe cumminccia PCEM1 chi he? una scola di l'universita ? una cumpagnia di i spenghji foghi?
nant'a stu foru , c'he ommancu un 'gnurente (eu) e mi pare ch'ellu ci'ole a piglialu in contu.
"stemu ci zitti, chi simu à a vergogna ! "
"quessa he bella a passata"! eu un so a a vergogna e nimu mi pò dumandà di sta zittu!
ai qualcosa a dì? rimprovari a fà ? sie chjara e viota u to saccu , di so chi un và , e tandu , forse serai capita.

16.mandatu da annie aliberti u 16/10/2009 08:14

estremei u pcem1 hè a prima annata di medicina! è pè viuta u saccu ci vulerebbe chì i studienti stessi d'inunciessinu certi fatti è faccende di certi prufessori!!!

17.mandatu da Zeruffu u 16/10/2009 14:12

Jean Sarkozy un hà micca un BAC + 2, hà un BAC + 1 ! A so siconda annata di dirittu ùn l'hà ancu uttenuta. Li firmanu parechje materie à validà. Ma hà diggià dettu chi avia avutu 19/20 in dirittu immubiliare. Felicitazioni ! Quessa ghj'hè un incurigamentu pè tutti quelli chi t'hanu boni risultati à l'Alte scole... l'aspetta una carriera scucugnata, fatta di successi in successi !
Mi so dettu allora, postu chi diplomi n'aghju eo più che ellu : mi tocca à presentami à u postu di direttore di France Télévision. E a prima volta che feraghju sarà di prumove a lingua corsa. Cumminceraghju pè fà traduce in corsu i primi episodi di Star Trek, di I Misteri di u Punente, è forse un vechju filmu di Brigitte Lahaie...*
Allora, mi sustenite voi ? Dite mi !

18.mandatu da Laurenç u 16/10/2009 14:18

Té, ne vaqui un d'estudiant que l'estàgi de fin d'annada es ja trapat.
(Cool ! Voilà un étudiant qu'a dejà trouvé son stage de fin d'année)
Se vòl cambiar e far mètge, lo paire li poira plan nomar ministre de la santat
(S'il veut changer et devenir médecin, son père pourra le nommer ministre de la santé)

http://lacabraelolop.canalblog.com/

19.mandatu da Zeruffu u 16/10/2009 14:23

" Pè riesce, ùn hè più bisognu d'esse bè natu. Ghj'hè a fine di u privilegiu di a nascita " Nicolas Sarkozy
http://www.dailymotion.com/video/xaspb1_sarkozy-pour-reussir-il-ne-faut-plu_news

20.mandatu da piratella u 17/10/2009 01:25

O Zeruffu, sò digià dilusa nanzu di vedeti à quellu postu. ùn ai nisun gustu (Brigitte lahaie, aiò aiò...) LOL

Prima ci vole à duppià "i pirati di i Caraibbi", è dopu dammi un postu à a prugrammazione, aghju assai idee di divertimenti di lingua LOL

Basta chè tù mi lasci un mp nantu à u foru corsu...S'è tù ai un bellu "piston" ...

21.mandatu da GWM u 17/10/2009 02:59

(da un teleffuninu)

Endettez-vous INCULATI

22.mandatu da PERTU SANTU u 17/10/2009 11:52

C'est l' piston,,,piston ,,,qui fait marcher la machine,,,,,, cusi dicenu si "gaulois"......Ancu Piratella marchia cusi . A colpi di "piston"in lu so c...hè quellu un' sia ancu in altri loghi.Per falla corta quellu chi un n'a mezzi da fa qualcosa un' si nè po sortè in' ogni manèra.Quellu sia pè impiegui o ancu pe fa da scioliè un fattu par esempiu un permessu di contruisciè o un billettu d'avio ,hè per tuttè altrè cosè per arrangià i s'affari.Ecusi a vita o gjientè........

23.mandatu da Cumpalliols u 18/10/2009 10:35

O Estrimei, cuncernendu Veolia (o Kyrnolia, u nome ch'elli anu sceltu per ingannà appena qualchi indisgeni troppu conni), aviu scrittu, qualchi tempi fà, un'articulu nant'à u sughjettu.
U solu prublemu, hè ch'ùn aghju micca avutu u tempu di traducellu in corsu.

Ma prestu prestu, à vi possu dì un'solu esempiu : Veolia compra à l'Uffiziu Idrolicu l'acqua (dighjà trattata è pronta à beie) di u barraghju di Codole in Balagna (0.60 € u m3) per rivendella à u paese di Santa Riparata (3.50 € u m3) senza fà nunda.

http://cumpalliols-in-corsu.over-blog.com

24.mandatu da cecu di boziu u 19/10/2009 09:43

alora verite ch'ellu è corsu postu chi tiapa i nostri usi antichi di esse elettu da babu in figliolu forse dopu dara una piazza ind'è l'administrazione a qu'alchi disgaziatu

25.mandatu da stefana u 19/10/2009 23:12

A a faccia di u mondu sanu,'ssu sarkozy elettu cun passione dà ghjente niscentrona,dà un travagliu in oru à u so'figliolu chi un si nè vergogna mancu appena!torna 2anni e mezzu à tene e pate 'ss'omu scherzosu.

26.mandatu da estrimei u 29/10/2009 07:39

o Cumpalliols,
mi scuserai ma era pertutu a sbarrià for di u nostru Paese , e un aghju scupertu u t'articulettu che sta mane.
dinunzià Veolia , mi pare un duvere maiò , he ancu piu periculosa che u guvernu frencese.
a mio peura he chi assai eletti sienu cumprumessi 'ncu st'impresa chi he sempre stata spezializata 'nu u riempiimme di e sacchette di i i partiti pulitichi (nenzu si chjammava "Generale Des Eaux ")

27.mandatu da Cumpalliols u 31/10/2009 10:16

Ùn ci hè bisognu à scusàssi per què.
Cusì, m'averà lasciatu u tempu di scrive in corsu, in un'articulu,

Ecculu : http://cumpalliols-in-corsu.over-blog.com/article-piccule-chjachjare-senza-pritenzione-38500181.html

http://cumpalliols-in-corsu.over-blog.com

Novu cumentu :