![Quandu Tony vole difende à Fredjy, u Sporting hà da pagà caru... Quandu Tony vole difende à Fredjy, u Sporting hà da pagà caru...](https://www.wmaker.net/apiazzetta/photo/art/default/4972281-7424098.jpg?v=1354150565)
Quandu Tony vole difende à Fredjy, u Sporting hà da pagà caru...
- Site inchieti per u statu di a famosa "plus belle pelouse d'Europe" ? Ùn vi ne fate, cù a suspensione chì Bastia hà da pigliassi, ("sursis" di duie partite è sanzione pè l'incidenti di u derby ancu cascata...), turneremu à ghjucà in Furiani di ferraghju 2013.
- Ùn si sà ciò chì Fredji Harchay, l'assistante di Tony Chapron, s'hè pigliatu in capu versi u quarantesimu minutu. Certi parlanu d'una pezza di 20 centimi o d'un chewing gum. D'altri dicenu ch'ellu saria statu un scarpu, l'ultimu libru di Jérôme Ferrari, un pentone, un fustu di castagnu, un pneu, una rustaghja o ancu una 106 Kid. Misteru.
- Manuel Valls hà reagitu à st'incidente : "Si les Corses savent qui a jeté le projectile sur le juge de touche, qu'ils parlent".
- S'è vo sapete ciò chì s'hè passatu, chjamate dunque a pulizza. U prugettu di Christiane Taubira vi permette di testimunià di manera anònima è u statutu di "repenti" vi prutegerà.
- Ancu di grazia ch'ellu ci hè a crisa à l'UMP, o sinnò "les incidents de Furiani" et "le retour des vieux démons" farianu l'apertura di tutti i JT.
- Aspettemu a surtita di u libru di Tony Chapron "Dans l'enfer de Furiani : seul face aux hooligans corses".
- I direttori di ghjocu di a LFP sò diventati eccelenti cumedianti.
- Frédéric Thiriez ùn hà ancu reagitu, hè normale, in stu mumentu hè in RTT. Ma dumane, faleranu scutrate nant'à u Sporting...
Eccu, sì a LFP face bè u so travagliu, ùn si ghjucherà più à Armand Cesari pè l'annu 2012. Bone vacanze à tutti !