u forum di u rinnovu diventa un rumenzulaghju circinelludiguagnènativupèliguagnesusosanguaversatu
s'omu pò pinsà chì u forum di u Rinnovu hè statu invaditu da tonti ss'ultimi mesi è chì hè un rumenzulaghju, ùn vegu micca u prublema cù stu filu quì. Sta discursata intorn'à presidenza è l'università hè dura ma sò custatti è pusizioni chi si difendenu... pà illustrà u to tittulu avaria pussutu piglià mori asempii, ma micca quissu.
Liunardu Grimaldi
S'omu ricunnosce chì à livellu di u sviluppu di a struttra universitaria, c'hè pocu affare à dì annantu à a presidenza aiello (scenze pulitiche, polytech, iut...), si deve dinù mette à palesu a gistione più chè clientelaria di st'università.
Si di nò si pò stà mutu è cusì avanza l'affare... Riguardu à st'idea, a piazzetta dinù hè u rumenzulaghju quandu chì u bloggu stuzzicheghja i naziunalisti ? Orsoni, Pieri, Santoni ecc per l'articulu d'oghje, o l'articulu nantu à u fronte di pochi ghjorni fà... Da riflette dicia quellu. L. Grimaldi
Chì vergogna, ai a ragiò !
http://www.ghjuventupaolina.com/ (vede i dui ultimu articuli) Francescu (militente gp)
Avete a raggiò, annant'u nostru situ (ghjuventupaolina.com) ci sò articuli annant'u st'affare. Mà un ci piattemu, u testu di l'ultimu articulu hè statu lettu dà noì in l'ultimu C.A. Ci era u presidente di l'Universtà è tutta a so squadra. A nostra lotta un sta micca annantu l''internet' mà ghjè tutti i ghjorni che noi ci vergognemu di a presidenza di l'università perchè un seguita micca l'idee di ghjustizia è di demucrazia di P.Paoli.
Chi vergogna, cume tu dici... Esteban Saldana
Salute à tutti,
Prima, mi prisentu per quelli ch'ùn la sanu micca, sò statu u candidatu di a Paolina à a Vizia Presidenza Studientina (VPE) di l'Università è sò u Presidente attuale di a Paolina. Aghju da pruvà à schjarì unepochi d'affari. Prima, ùn avemu micca vutatu u Presidente Aiello di farraghju per parechje raghjone. Ùn hà mancu cercu à scuntracci per pruponeci in u so prugramma misure à prò di i studienti. Di più, era u solu candidatu dunque ùn ghjuvava à nunda di vutalu o micca. U fattu d'ùn participà à u votu era a nostra manera ch'ellu capischi ch'è no simu un sindicatu liberu è chì noi, ùn simu micca appressu à e piazze à l'Università. Ma l'avemu pricatu bona furtuna è ci simu dichjarati pronti à travaglià inseme ma sempre per l'interessi di l'Università è di i studienti, micca per e so cumbriccule o e so amicizie, è ghjè dinù per quessa ch'è n'avemu vutatu per i so viziipresidenti (CA, CEVU, CS). D'altronde, ci vole à piantà di dì ch'è no eramu contru ad ellu, per esempiu ùn aviamu micca vutatu di lugliu scorsu per l'elezzione di l'UFR Scenze è Techniche duve ci era un candidatu d'Aiello contru à Papi, basta à piglià dinù i prucessi verbali di i sfarenti cunsiglii per vede sè no simu contru... Ma sè n'avemu da cuntinuà à travaglià cù elli per u benestà di i studienti è in u filu di ciò ch'è no faciamu per l'interessi di l'Università, ch'ellu ùn aspetti micca ch'è no votimu per ellu o per i soii ad altre elezzione universitarie, postu ch'ellu hè ellu chì hè andatu contru à noi di modu chjaru, mettenduci ancu un ricorsu à u tribunale amministrativu per l'elezzione di e nostre persunalità sterne in UFR Scenze è Techniche in u scopu di mette e so persunalità è permette l'elezzione di u soiu (Tomi si chjama) à capu di l'UFR. Avà, v'aghju da spiecà perchè hè propiu un scandalu st'elezzione di u VPE. U mo sindicatu, a Ghjuventù Paolina, hà vintu tutte l'elezzione universitarie quist'annu senza l'aiutu di l'amministrativi o di i prufessori di l'Università chì, micca tutti anch'assai, anu dumandatu à i studienti di vutà a CSC. Di più, per l'ultime elezzione universitarie avemu fattu 60% di i voti studientini. Ci vole à sapè chì a CSC oghje ùn esiste più, sò à pocu pressu 5 à esseci à veru in u sindicatu, dunque ùn ci vole micca à stunassi ch'ella ùn fia nunda nantu à u terrenu. A CSC benefizieghja di u votu di i chinesi di l'Università chì sò à pocu pressu 400. Ùn avemu nunda contru à u fattu chì i chinesi vutessinu per l'elezzione universitarie, hè nurmale ma ciò ch'ùn hè nurmale hè ch'elli votinu a CSC perchè hè un prufessore di l'IAE chì a li dice, dopu ci stunemu chì certi chinesi si chjappinu diplomi à l'Università senza dì duie parole di francese... Per tutte l'elezzione universitarie, avemu prisentatu un prughjettu glubale à i studienti, ci simu battuti per tutti i punti di stu prugramma è cuntinuemu à falla invece chì elli ùn parlanu chè di vita cara, ma ùn facenu nunda in stu sensu, ne pruposte in i cunsiglii ne azzione di terrenu. Farraghju rimarcà per quelli chì dicenu chì u sindicalisimu hè mortu ch'è n'avemu dighjà uttenutu à mette in opera più di 50% di u nostru prugramma in sei mesi, ci ferma un annu è mezu per u restu. Noi ùn cuntemu micca fole à i studienti è a sanu. Per l'elezzione di u VPE, aviamu un veru prughjettu di VPE à prò di l'Università è di i studienti. D'altronde, aviamu mandatu u nostru prughjettu à a squadra d'Aiello di marzu è Aiello avia presu in contu tutte e missione ch'è n'aviamu attribuitu per u VPE. U nostru prugramma prisentatu à i membri di u CEVU ripigliava tutte ste missione è spiecavamu ciò ch'è no feriamu per mettile in ballu. U prugramma di a CSC trattava cum'è di farraghju di a vita cara in l'isula, ma ùn prupunia nunda nantu à e missione date à u VPE da Aiello. Di più, u prublema di a vita cara si tratta cù u CROUS nurmalamente micca cù l'Università. Qualchì ghjornu dopu st'elezzione di u VPE di l'Università, si tenia un Cunsigliu d'Amministrazione di u CROUS, pruposte di a CSC per a vita cara nunda, invece chì noi avemu prupostu misure chì sò in stu filu quì è ancu cumu fà. D'altronde, ancu u Rettore hà dettu ch'elle eranu misure intelligente è chì sò in u filu di a lotta contru à a precarità di i studienti, ci vole ghjustu à vede cù i servizii ghjuridichi cumu mette in ballu ste misure senza andà contru à a lege (sè vo vulete truvà ciò ch'è n'avemu prupostu è ciò ch'è n'avemu fattu quist'annu: ghjuventupaolina.com). Altru fattu di stu CA di u CROUS, l'elezzione di u Viziu Presidente Studientinu di u CROUS. Ma quì Aiello ùn hà micca influenza è dunque a CSC chì avia persu l'elezzione ùn s'hè micca prisentata, dicendu ch'ella era contra parechje vizie presidenze. Hè sopratuttu chì Aiello l'hà dettu d'ùn prisentassi perchè ùn avianu micca da vince. Anu fattu ancu megliu, a CSC hà vutatu per a GI è i dui riprisententi di l'Università (o d'Aiello hè listessa postu ch'elli sò Tomi è Moracchini, dui di i so vizii presidenti) anu vutatu anch'elli per a GI, mentre chì l'altri membri di u Cunsigliu vutavanu per noi, rispettendu a scelta di i studienti. Pensu à contu meiu ch'ella hè una manovra d'Aiello per facci crede ch'ellu s'hè intesu cù a GI contru à noi, ma ùn ci lascieremu intrappulà da e so cumbriccule. Difatti, a GI s'hè prisentata cum'è per u VPE di l'Università in u listessu filu è ùn era micca contru à noi. I soli chì sò contru à noi sò tutti quelli di a squadra Aiello, ùn li piacenu a ghjente unesti è chì travaglianu per l'Università è micca per i so interessi persunali. Dopu, mi permetteraghju di risponde à qualchì cumentu, micca à tutti sò troppu numerosi. U militentisimu hè mortu, quessa hè vera, ci sò di menu in menu militenti. Ma u sindicalisimu studientinu è po ellu ùn hè micca mortu, andate à pena nantu à 'ghjuventupaolina.com' è viderete tuttu ciò ch'è n'avemu fattu dapoi un annu, pensu ch'ùn averete micca u curaghju di leghje a centina d'articuli ch'è n'avemu scrittu. È ùn ci hè micca un resu contu di tutte e reunione ch'è n'avemu ogni settimane, ùn hè micca pussibule di scrive tuttu, ci piglieria troppu tempu è troppu piazza sopratuttu. Vi dumandaraghju dinù, sopratuttu à l'anzianni militenti di i sindicati, di circà sempre à upponeci trà di noi. Travagliemu tuttu l'annu cù a GI, e sfarenze sò pulitiche sopratuttu, à a Paolina, ùn pigliemu micca pusizione per l'elezzione municipale o altre, è ind'è noi ci sò independentisti è autunumisti. Difatti, avemu militenti di Corsica Nazione, di u Rinnovu, di u PNC, di a Chjama, senza partiti, è per noi hè quì a nostra forza, di riesce à travaglià tutti inseme senza prublemi pulitichi. Per ciò chì tocca à a CSC, simu pronti à travaglià incù elli ma per quessa ci vurria ch'elli si mettisinu à u travagliu, à un veru travagliu fendu pruposte in i cunsiglii per l'Università o i studienti, aspittemu sempre una sola pruposta. È ci vurria dinù ch'elli piantessinu di fà sempre cum'ellu dice Aiello o cum'elli dicenu l'anziani di a CSC chì sò amministrativi o prufessori di l'Università. Dopu, per risponde à Cassandra. Prima, sè aiello ci avia pussutu cumprà l'averiamu avutu noi ciò ch'è tù chjami un postu. Dopu, ci vole ch'è tù sappia chì paca ùn ci n'hè per u VPE. È u postu di VPE ci averia permessu di fà piantà unepoche di pratiche chì si passanu à l'Università, cum'è i ricrutamenti per via di l'amicizie (ma dinù per assicurà a so reelezzione dopu) è micca per via di e cumpetenze... ne passemu seria troppu longu. Difatti, u VPE hà accessu à tutte e reunione è à ducumenti ch'è no cuniscimu noi chè quand'ella hè dighjà troppu tarde. Dopu, postu chì mi pare ch'è tù mi cunosci, ti rispundaraghju ch'è tù mi poi cuntattà per via di u mo mail quì sopra. Ma dinù chì Aiello hà dettu ch'ellu ùn mi pudia micca impone à i membri di u CEVU perchè li ci vulia una persona di cunfidenza. Ci vole à capì ciò ch'ellu hà dettu, vole dì ch'ellu vole di qualchissia chì hà da fà ciò ch'ellu hà da dì ellu o di qualchissia ch'ùn hà da capì nunda à e so cumbriccule, pigliu què per un cumplimentu. A sai perchè? Perchè hà capitu chì eo, cum'è i mo cumpagni di u sindicatu, ùn simu ne sumeri ch'ùn anu micca da capì e so cumbriccule, ne ghjente chì si lasciaranu cumprà per fà i so affari, è ancu s'è ùn mi poi micca sente (mi pare assai chjaru), ne sò cuntentu perchè sò qualchissia d'unestu, t'aghju i mo difetti anch'eo, ma unestu è drittu sò. Infine, u mo mudellu ùn hè micca Angellini postu chì ùn sò micca d'accunsentu cù certe di e so pusizione pulitiche ne cù certe di e so manere di fà, ma prima di casticalu cusì lascialu avè un postu à respunsabilità chì hè sola quì ch'ellu si viderà u valore di l'omu. Aghju da compie quì chì sò dighjà statu abbastanza longu, ma s'è vo mi vulete cuntattà mandatemi puru un mail nantu à : ghisonesi@gmail.com. È ùn vi sbagliate micca, Simeoni ùn hè micca Aiello ancu s'elli sò tremindui di a Chjama, è ancu sè eo ùn sò mancu à pena di a Chjama. Hè una risposta ch'aghju fattu nantu à u foru di u Rinnovu, a mettu quì dinù postu ch'ellu si tratta di u listessu sughjettu. S'è vo credite chì u nostru situ hè un rumenzulaghju, tandu ùn sapete micca ciò chì si passa à l'Università. Ciò ch'è n'avemu scrittu ùn hè chè a verità, perchè credite chì ùn sentite micca a Presidenza di l'Università nantu à st'affare... Da riflette... da rende !
quandu vecu affari cusì :
http://rinnovu.com/index.php?action=forum&subaction=message&id_sujet=55454&PHPSESSID=83fb1aa808c94b8af653e6f7974857b6 mi dicu chi u forum di u rinnovu UN HE MICCA UN RUMINZULAGHJU, HE UN VERU CACATOGHJU ![]() |
|