S'ellu ci pudia fà vene un pocu di di francesi (e l'altri dino) in menu, saria un gran' successu...

Hai ragiò o Muammà! Fussi la puru… E hà ragiò ancu Franz, l'amicu piemontese, i francesi ùn ponu pate quelli ch'elli chjamanu i Ritals, ma mancu l'altri, s'elli sò sfarenti, cum'è i Portos, i Bosch, è tutti quanti… troppu longu da allisitinà!

mi scusu, mi dumandu perchè e lettare "saltanu" ...

Contru à i Corsi si ponu scatinà... Chì scianza...eccu ciò chì ci vulia à leghje...

Che li c'intrenu a quellu locu 'sse patècce di francesi,pocu m'imprème di sapè so que li pensennu di noi.U peghju e di perde e baruffe in prigio contra a quèlli.

Stumacanti :S U filmu di Audiard hà ricevutu u Gran'Premiu di u Festivali ...

Eccu un "filmu" ch'ellu ùn ci vole à cumprà...
Postu chè no' simu latri (frà altre cose) cum'elli dicenu, è bè... u telecarcheremu annant'à emule à l'occasione.

o sgio audiard andate a chincina a vostra musica per canabaghjola (cumé la dicia a mo zia,)

Bravu o denti doru! Mi pare anc'à mè ch'averianu pussutu ricusà, almenu ch'elli sianu famiti...? lol

L'aghju vistu. Rifusu di qualificallu di "capu d'opara". Hè un filmu bè fattu, certa, ma micca un capu d'opara, nò. Audiard vole imità l'Americani, ma megliu u mudellu chè a copia, in stu generu. (per esempiu, u mezu corsu ùn hè a Maffia siciliana, ch'ellu u voglia o nò)

I "Corsi" ci parlanu corsu cum'è vacche spagnole, cù un vucabulariu pocu credibile dinù, ùn "sentenu" à nunda. Guasi quellu chì parla u megliu hè Arestrup, ci hè da ride.

Ci hè un mischiu di rialismu (a prigiò, l'ambiente di a prigiò, i lochi, l'amparera di u crimine in prigiò, a viulenza) è di poca credibilità in u scenariu da u principiu à a fine : u tippu hè solu, entre à 19 anni senza cunnosce nunda di nunda, guasi niscentre, ùn hà nimu daretu à ellu, a prima simana tomba un tippu pè i Corsi, è servendu "i Corsi" po servendusi d'elli, per passà dopu à u "campu" di l'Arabi, sta volta sottu à a pruttezzione di i "musulmani" (tuttu denduli cunsigli per piglià u putere in a prigiò, pigliendu mudellu nantu à i Corsi), diventa à pocu à pocu un Caidu di a droga : pare bella faciule. In quantu à "i Corsi", à a fine sò pagliacci chì u so regnu hè finitu è ellu si vindicheghja.
I "barbuti" (musulmani), anu una spezia di "muralità" strana (da dumandassi ciò ch'elli facenu in prigiò , lol), sò prutetti da un "Imam" da fora, provanu à mantene "l'ordine" trà i prigiuneri arabi, rifusanu "i soldi brutti" ouaf ouaf.
I "Corsi" sò antipatichi (for di Arestrup, persunagiu cumplessu, u solu un pocu zeppu, credibile, l'altri ùn sò guasi chè figuranti) , razzisti, sputriti, è si capisce ch'elli sò quì per malfatte "naziunaliste" tuttu sendu maffiosi putenti : cunnoscu un pacchettu di prigiuneri "pulitichi" chì e so famiglie strazianu in a puvertà a più assuluta ch'anu da esse stumacati. L'avucatu corsu (chì si chjama Sampiero...ouaf ouaf) hè sputritu ben intesa, serve d'intermediariu per tutte e malfatte, i crimini,...

Assai ditagli senza interessu ch'ùn arrecanu nunda à u filmu : u primu omu ch'ellu tomba pè i Corsi, un antru arabu, diventa un fandoniu chì u spiriteghja longu à u filmu, ma hè cum'è un "cheveu sur la soupe". Hà una o duie "visione" chì facenu chì un arabu dice " tù ùn serii micca prufeta"? ouaf ouaf...

CIò chì face u filmu hè u ghjocu propiu attalentatu di i dui attori principali : u giovanu Arabu è Arestrup. A musica bof.

Nò, nò, aghju incalcatu nantu à un aspettu, quellu di a presenza di un gruppu di musulmani attivi frà l'Arabi in a prigiò, è chì pratendenu d'esse auturità "murale", ma ùn si pò micca dì chì l'Arabi sianu mustrati "megliori" o "virtuosi", sò pessimi anch'elli, ùn ci hè chè gattivi in u filmu!! LOL

Di sicuru l' imaginariu messu in ballu in u filmu ùn pò chè rinfurzà i preghjudicati trà i "Corsi" è "l'Arabi" è nantu à 'sse cumunità in u restu di a pupulazione. I bisogni di u scenariu ùn anu lacatu nisun spaziu di riflessione, di cumplessità : tuttu hè bellu semplice, troppu!