U razzisimu di l'unu ùn scusa u razzisimu di l'altru. Sò d'accordu cun tè chì u razzisimu, cum'è a scimità, sò belle sparte in u mondu è in tutti i populi.

*Sò e generalità chì mi sgenanu : "i musulmani", cum'è altri dicenu "i corsi"...

E da veru ùn pensu micca chì a religione musulmana porti di più , in sè, à a guerra o à l'intullerenza chè l'altre religione . Eiu religione ùn ne aghju, e mettu tutte à paru, tuttu studiendule appena cun interessu, perchè à l'iniziu, anu tutte listessu scopu, appuntu : rende l'omu più bonu, mettelu in leia (religere= lià) cù l'altri umani è cù u mondu, u celu, ecc....
Dopu diventanu strumenti di putere (clericale o nò), d'ideulugie, di naziunalisimi, è merzanu ...