U paese induve Sarko è Le Pen anu fattu 0% Eviva à Gavini !
Beuh ! Certi cummenti ! O "à fond la droite" megliu di ralegrassi di i risultati in certi paesi à più di 90% per Paul Emploi !
Lasciateli in pace sti pochi paesi di diritta chì facenu resistenza ! À certi cacciateli u giacubbisimu di capu piuttostu ! Paulu Santu Marboeuf
Aeh a sapia... Basta da macagnà appena a manca, è i capizzoni di u pulitacemente curettu vi sciachenu subitu u custume di Waffen SS... O mansa di bobo pritenziunuti parvinuti, ùn avete ancu capitu che se l'abuminevule LePen hà fattu stu risultatu hè colpa a voi è a vostra arrugenza clanista ?! Un avete ancu capitu che se sta nerpia di Marine hà fattu tombula hè a cunsequenza di u vostru dispettu altieru di u populu adisperatu ?! A manca-caviar hà suminatu u FN, dipoi 81... Avà ch'ellu hè fiuritu, pudete puru pienghjulà (ciò che vo sapete fà u megliu), mà di sta situazione a colpa hè vostra, è sola vostra...
Casalta
So i to cummenti o Marboeuf chi so pieni di pretensione, mi pari bellu sicuru di tè.
Appena di mudestia un ti ferà micca male ! eiu un mi sentu mancu appena rispunsevule di sta grossa closcia di Le Pen, un cerca à culpabilizà a ghjente per contu meu st'elezzione cun tutte ste closce chi votanu à quandu per un naziunalistu corsu, à quandu per un naziunalistu frencese, ghjè a prova chi in stu paese ci vole à supprime a demucrazia, a ghjente he veramente troppu conna Paulu Santu Marboeuf
Sò cumpletamente d'acunsentu cun tè O casalta, sò pritenziunutu è un pocu di mudestia mi farebbe prò, ma cosa voli, ùn la facciu micca di scambià... Per ciò chi ghjè di supprimà a demucrazia, ghjè vera chi sarebbe u principiu di u ghjudiziu. U populu hè stupitu, è ùn vale nunda... U dirittu di vutà hè una calamità, tutt'i sumeroni di a creazione ponu sceglie da quale emu da esse guvernati, hè n'importa chè... E pò a demucrazia hè solamente una dittatura di i più numarosi (dunque i più stupidi) nant'a minurità, è ci sarà sempre qualchi manipulatori (è qualchi rumantichi) per difendela...
Maria
Un anderaghju à vutà à u segondu giru ma quandu vecu chi certi naziunalisti ghjustificà u so votu FN "oui la FRANCE" mi dicu chi u nostru paese hè veramente futtutu !
Maria
Impiegu ? Chômage ? Cultura ? Lingua ? Crisa ? Educazione ? Francesi chi venenu a stallassi ? Foncier ?!!
No, u prublemu hé u halal.... GWM
Dopu à u primu giru di u 22 d'Aprile, Marine Le Pen, cuntentissima, ha ringraziatu à tutti quelli chi avianu vutatu per ella. Ha dettu anzituttu ch'ellu ci vulia à gratificà spezialmente "tous les amoureux de la France". S'è vo site dunque cusi namurati di a Francia, tantu megliu per voi, è hè ancu di più nurmale ch'è vo avessite vutatu "OUI LA FRANCE". Maritate la ancu, a Francia, s'è vo vulete!
Ulongu
U peghju nemicu di u naziunalisimu corsu (di liberazione) ùn pò esse ch'è u naziunalisimu francese (di un statu nazione cù un passatu culuniale).
Cumu si ferà ch'è no siamu sempre à spiegà quessa à u XXIimu seculu ? Qualcosa ùn và più... Paulu Santu Marboeuf
Un naziunalistu corsu ùn vota micca, ne a u primu, ne a u sicondu giru... Quandu sentu parlà di resistenza di manca mi scappa a risa... Bon, è o ghjenti, ùn scurdemucci chi simu quì per a macagna, nunda di più ! Un pocu di pruvucazione ùn face male à nisunu, sè per certi hè troppu duru a suppurtà, ci vole micca da vene nant'A Piazzetta...
Palmito
Un aghju vutatu à u 1u giru. Ma quandu vegu i naziunalisti di ch''ellu ci vole vuta Le Pen, quandu vegu u SILENZIU di Corsica Libera e Angelini chi dice "c''est rien il faut pas dramatiser", mi dicu che no simu veramente peghju che i Francesi
Palmito
Un aghju vutatu à u 1u giru. Ma quandu vegu i naziunalisti di ch''''ellu ci vole vuta Le Pen, quandu vegu u SILENZIU di Corsica Libera e Angelini chi dice "c''''est rien il faut pas dramatiser", mi dicu che no simu veramente peghju che i Francesi
Paulu Santu Marboeuf
Un naziunalistu chi vota per l'elezione francese, digià, hè un' assurdità... Ma allora un naziunalistu chi vota per LePen... A sola spiegazione sarebbe chi simu ghjunti a u puntu stremu di i disguasti di a cusanguinità !
Mi puzza l'ansciu
Ma chi serebbe u missaghju subliminale di st'articulu ? Per esse un bon Corsu è un bon naziunalistu, accorrerebbe à vutà pè Hollande, Mélenchon, Joly o Poutou ? Ah bon, dunque i patriotti serebbenu tutti di manca, prima nutizia po quessa... Spergu di core ch'ella hè solu macagna, o simplificazione vulsuta, perchè osinno ghjè assai grave...
Eiu so naziunalistu (corsu, preciseghju !), piuttostu "cunservadore", d'altronde un vecu micca cume un naziunalistu puderebbe esse prugressistu/mundialistu à l'usu st'Unione Aurupea ultraliberale è senza fruntiere, è un mi cunsidereghju micca menu Corsu chè voi... Vi rammentu chi u naziunalistu hè quellu chi face passà A SO nazione prima di tuttu u restu, micca quellu chi si sottumette à un sistema di merda chi ghjust'appuntu abulisce fruntiere quant'è nazione, cio ch'ella face esattamente l'attuale Unione Aurupea. Videte chi tuttu un hè micca cusi semplice... Issa storia di l'Auropa di e nazione cun l'Unione Aurupea oghjinca, dunque, hè a piu grossa fola cuntata in Corsica dapoi omancu 10 anni, è l'onore ne rivene d'infatti à ghjente cum'è u PNC (partitu chi avia quantunque previstu, in casumai, di scambià di nome fendu sparisce u "N" di "Nazione", à chi vole capi capisce...) è à tutta sta robba di "naziunalisti di manca". U fascisimu ghjè male, malissimu, anc'assai, ma l'umanisimu cecu, stupidu è cullaburadore porta ancu ellu à caternu... A videte torna, un hè micca cusi semplice... Per chjode, un site micca piu Corsi chè l'altri, piantate appena di fà ride o ghjente. Ah, ultima cosa : u veru naziunalistu corsu un vota micca à l'elezzione francese, è ricusa dinu di participà à e manghjarie eletturale ch'elle so, per esempiu, E LEGISLATIVE CHI PORTANU A I PUSATOGHJI DI L'ASSAMBLEA NAZIUNALE FRANCESE !!! A bon entendeur, salut... Avè Maria
A mè un mi garba propiu di manghjà halal è basta! Prestu c'infasciularemu nò?Ma certi un ci vidarani nisciun prublemu, hè Vera, un hè mica gravi.Da quì a pocu c'hè pocu!
GWM
"sta robba di "naziunalisti di manca""...
Eccu ci semu. Quaranta anni di naziunalisimu corsu chi ùn duvia esse nè di diritta nè di manca mà sopratuttu micca di manca perchè ùn ci vole micca à deccunnà quantunque. Avà nè custatemu e cunclusioni. Un naziunalistu di manca hè per forza un tippu chi infatti si n'impippa di u so paese perchè à l'appiattu hè sottumessu à un sistema mundiale (di merda, aspessu), invece chi u naziunalistu di diritta campa cume l'ultimu prutettore di a so patria, perchè ha sempre tenutu l'ochji aperti contru à l'umanisimu "cullaboradore"... Cullaboradori dunque, à l'imbuleghju: James Connolly u Partitu Naziunale Scuzzese (SNP, à u putere, ste rubbacce) la Esquerra catalana u STC ben intesa u PKK u Fatah i Bulivaristi Batasuna etc. Un hè micca cusi semplice, hè vera. Ci vulerebbe dunque fà la finita incù l'accurtatoghji sempliciotti "naziunalisti di manca" (hè pussibule di scrive què?) = sbirri di l'Auropa ultraliberale",di a stessa manera chi ùn si po mantene di manera seria un parallelisimu sistematicu "naziunalisti corsi per u FN = nazisti traditori impinzutiti sin'à u pulpone". Cucunellu Arrabiatu
@u Sgaiuffu "a Piazzetta c'est des bobos gauchos sionistes barbouzes francs-macs" :-D "c'est la faute à la Piazzetta si la Corse est fachiste" :-p "ci vole à mette i ricconi d'a Piazzetta chi sfundanu u tafonu di a Secu in prigiò !!!" ahahaha
Cheminatistu
@Mi puzza l'ansciu : ci hè sempre statu un naziunalisimu "di manca" (FRC) è un naziunalisimu cunservatore, di diritta (ARC)
"di manca" vole dì anti-culunialistu è regiunalistu. ma cum'è tù sì astutu sai ch'elle ci sò parechje manche (republicana è jacobine). esse di manca vole di cumbatte l'ultra-liberalisimu. i so sbirri lucali so quelli chi ùn pensanu chè à u soldu, u prufittu; in Corsica sò i patroni di u turisimu, di u BTP, quelli chi facenu tuttu pè custruisce ùn vole micca di sustene à Giacobbi è Zuccarelli. d'altronde si puderia discorre assai assai per sapè si sti tippi so veramente di manca dunque iè, si po esse di manca, patriottu è anti liberale, è ùn ricunnoscesi micca nè à u PS è ancu menu à u PRG fà un sforzu, a realità pulitica hè più cumplessa chè cio chè tù dici. ghjè per quessa ch'ùn vuteraghju micca à e prussime elezzione, presidenziale e ANCU MENU a e legislative avà, forse u muvimentu naziunale deveria infine sceglie s'ellu hè di manca o di diritta, liberale è à prò di i patroni o piuttostu di u cantu di i precari, chi mi pare so i più numerosi in stu paese ? ma quessa, ùn hè pigliemu micca a via. Corsica Libera cume i Simeoni cercanu di chjappà tuttu (cume u PRG), è in fine di contu ùn sò nè carne nè pesciu. è quale prufitta di u sistema ? u soldu è i patroni. Mi puzza l'ansciu
U pluralisimu di u naziunalisimu corsu hè un fattu STORICU, è ghjè un affare chi a sapete bè un po micca scambià cusi, quessa digià hè tempu di capilla, nanzu chè di fà crede chi i soli veri naziunalisti so internaziunalisti di manca strema... I risultati di stu primu giru, credu, so per disgrazia abbastanza chjari, è ch'ella ci piacessi o no.
A verità hè dunque assai di piu cumplessa chè i "slogans" primarii "FASCISTI FORA", "HITLER DEMISSION" è tutti quanti... Hè megliu à pruvà à capisce, quandu s'hè appena intelligenti... Dunque per circà di analizà un suppulu e cose, un tippu cum'è Poutou, o una donna cum'è Joly, forse simpatichelli (è quantunque assai megliu chè l'altru ghjacubinu scemu pazzu di Mélenchon), cio ch'elli vi danu da una parte, u vi piglianu da l'altra cu u sistema unione-aurupeista murtale ch'elli portanu... U naziunalisimu corsu, senza chjodesi bestiamente à u mondu, un si po micca nun piu snaturà accettendu u sistema liberale è ultraimmigraziunistu impostu da i ricchi patroni di st'Auropa di u sollu. Un picculu populu cum'è u nostru, pè cuntinuà à "fabricà Corsi", deve firmà maestru di i so flussi migratorii, osinno ghjè u principiu di a fine pè noi tutti, è què saria un'andatura DRAMATICA. Preciseghju chi ammaistrà i so flussi, vale à di frenalli è cuntrullalli in modu astutu, un vole micca di piantà ogni immigrazione o apertura (necessaria) à u mondu, un vole micca di nun piu "diventà cum'è Le Pen", ma piuttostu truvà un mezu paru ghjustu da chi u POPULU CORSU pudessi cuntinuà à campà nant'à a so terra, integrendu è assimilendu à u megliu e nove pupulazione, affare chi oghje à l'evidenza si face SEMPRE DI MENU. E di pensà cusi, o ghjente, un hè nè razzisimu, nè fascisimu. Prublema : i naziunalisti si tacenu nant'à stu sughjettu chi tocca assai a ghjente (a prova !), incheta di perde a so identità in mezu à tuttu stu sistema impostu è sfrenatu, è fendu cusi, pigliendu a famosa "girata à manca" (GC Angelini), facenu in fatta fine avanzà assai u FN in Corsica... Vi pare una riescita ? Eccu torna una bella cunneria di u naziunalisimu nustrale... Trattà sta situazione, tranquillamente è bè, diventa a videte piu chè necessariu. Ghjè un affare di bon sensu, di sennu, di sale in zucca... E si po fà ancu di manera assai umanista, inde l'interessu di tutti, ghjente "di ceppu" quant'è scalaticci "di frescu"... Un ci vecu micca nazisimu o altre cunnerie... Ma s'è vo preferite i slogans bestii, o cuntinuà à sunnià un'opposizione sucialo-cummunista à un miticu "naziunalisimu fascistu", ebbè a figliola Le Pen a prossima volta cullerà à 30... APRITE L'OCHJI. Cheminatistu
à manca JC Angelini ?!? nant'à Alta Frequenza hà dettu di u FN "il ne faut pas dramatiser". hè d'una famiglia di cummercianti chi campanu di u turismu, hà sustenutu u prifettu pè u PLU di PV (cume CL d'altronde) per appughjà i so amichi cummercianti, patroni (chi piglieranu i pulunesi è i rumeni nant'à i chantiers) è artigiani chi volenu sempre di piu turisti.
per mè ùn hè micca esse à manca quessa. in quant'à l'immigrazione, ùn so micca siguru chi cù un chomage à 2% ci saria statu listessu risultatu. u prublemu hè chi a sucetà corsa un fabricheghja più Corsi per cuntinuvà à fabricà d'altri Corsi, ci vuleria chi i Corsi cummencinu per esse elli stessi Corsi : amparà a lingua à i so figlioli, e so tradizioni, a so cultura... ma hè megliu di circà u prublema inde l'arabi chè inde noi stessi. i Corsi so più pinzuti che i pinzuti, neganu a so cultura, si vergognanu di a so lingua, un pensanu che a i soldi è a prufità di a vita, vendendu terreni a i francesi, campanu in lotissements à l'usu banlieue francese... ma ai ragio u prublema hè u halal viderai, forse ci la ferai in l'anni à vene à regulà l'immigrazione, chjode e fruntiere, è impone un "test de français" à quelli chi venenu. e dopu ? camperai in una sucetà chi serà sempre di più francese tù voli mette l'arabi fora, eiu vogliu custruisce una sucetà chi cuntinuveghja à esse corsa. passa pè a cultura, a lingua, l'educazione e a ti dicu torna : un vuteraghju a e prossime elezioni e facciu campagna per nimu Michè
"Ma s'è vo preferite i slogans bestii, o cuntinuà à sunnià un'opposizione sucialo-cummunista à un miticu "naziunalisimu fascistu", ebbè a figliola Le Pen a prossima volta cullerà à 30..."
u tippu hè forte: trova manera in a stessa frasa di "criticà" à Le Pen è di aduprà una di e so spressioni dilette, i famosi (o piuttostu l'infami) "sucialo-cummunisti"... Pichjate puru "socialo-communistes" nant'à Google, viderete qualessi so l'ultimi da parlà sempre cusi... Mi face pensà à quelli chi dicenu chi ancu s'elli ùn votanu micca à l'elezzioni francese, è chi u FN hè un nemicu di u populu corsu, almenu hè un nemicu onestu, dichjaratu, puru, in somma simpaticu... Cacciate puru e maschere. A questione di i flussi di migranti ùn hè ch'è un aspettu di quella di u statutu di risidente. E questu puntu, hè un puntu puliticu chi dumandu appena di più ch'è di tazzà sempre à l'immigratu, chi, cum'è tuttu ognunu a sà, face a droga, tomba à i Corsi à mitragliate, vende i so terreni, mette in piazza in ogni amministrazione capizzoni francesi, cuntribuisce à spiccià a sucetà corsa trà ricconi (sin'à quandu d'altronde?) è disgraziati, etc.  Scrive una risposta
|
|