Vogliu fà una pruposta, eccu :

Pensate è ghjè leghjitimu, ch’ellu ci vole à prumove l’Arte sott’à tutt’e so ripresentazione è pensate dinò chi l’affissu di l’opera hè appena dispettosa, ma ch’ell’ ùn hè micca inghjuliosa, nè mancu inghjuriosa.

Tandu, fate qualcosa per aiutà l’artistu, cumpratevi une poche di st’affissi, ne fate rigalu per Natale in famiglia, o à i vostri clienti è l’azzingate in casa à mezu à mammone è i vostri figlioli.

Sè vo site più furtunati, andate à fà tigne l’opera nant’à a vostra vittura, paghendu i so diritti à l’autore, di sicuru.

Dopu, pigliate i vostri figlioli o figliulini à a scola, andate à fà dui pruviste in cità è vi ne cullate, di ghjornu, in paese.

U lindumane, andate in merria à buscavi i liste eletturale è fate sapè che vo site candidati à qualch’elezzione.

Soppratuttu, ùn cumprate micca troppu casgiu per e fritelle, o aspettatevi à fàli invecchia appena…