PONTE LECCIA

Dicenu ch’in Ponta Leccia
Face un fredu chi si secca
Chi ci si creba di callu
Ripete u pappaghjallu
Postu ch’ell’hé maldicente
Un state a sente a ghjente

Ne vogliu piglia pretesa
Ch'in stu paese modernu
Ci si sta bè ben intesa
D’estata cume d’inguernu
E si u logu hé ghjalatu
Hé chi u celu hé sporgulatu

Di statina c’hé l’arietta
Chi soffia e ci rinfresca
E po ci n’andemu in fiume
A ciottacci in ne so schjume
Dite quant’ella vi pare
U fiume vale u mare

U ventu nun ci si para
Mancu ci copre a neve
E u sole un c’infiara
Dipiù che un altra piève
Postu ch’ell’hé maldicente
Un state a sente a ghjente