Oghje, ci vole à esse bravi Beni oui-oui..
A trovu "Troppu brava" a piazzetta in stu mumentu... à mè mi piace quella più ghjattiva.
appinzapalu
ed eiu trovu chi certe infurmazioni un si leghjenu che qui, nanta apiazzetta
si seriu o oui-oui ? perche esse troppu gattivu per nunda trovu ch'ellu ghjova a nunda.ghjè bè, cuntinuvate cusi forza apiazzetta!!!..... corsu
bravo !!!!! a a piazzetta
Feligiascu
Sgaiuffu presidente, Sgaiuffu presidente !!!
per ride
Iè, sò d'accunsentu, ci vole à rifiatà appena, è po ne aghju una techja d'esse sempre gattivu. Calchì volta mi pare d'esse un funziunariu di a gattivezza.
Oghje vogliu esse bravu, una volta à l'annu ci vole à piglià risichi, "ciò chì ùn tomba ingrassa" pruverbiu nietchtzeanu (quessu dinò pocu gattivu...). Hè tantu difficiule à dì ma tengu cari à tutti quanti (sò falzu a sò, ma oghje hè a ghjurnata di a bravezza è basta). È po mi n'arricordu quand'eru à u liceu tra di noi ci dumandavamu "o, è a quessa, cumu a trovi, hè bella?", è tandu ci n'era unu chì rispundia "ah hè brava!". Par finisce mi dumandu s'è esse bravu in Corsica, ùn hè micca una gattiva cosa! Beni oui-oui..
Eo so pè un ghjornu mundiale di gattivera...mà unu solu..!
Beni oui-oui..
F. Nietzsche ùn avia (è hà sempre) che un tortu maiò...esse tedescu..!!
A filusufia porta à a Saviezza O per ride...ci ghjunghjerai pocu à pocu.. Ghjustu pè risponde à a t'ultim'affirmazione, In Corsica simu indè una sucietà arcaica, esse bravu hè debulezza, più si gattivu è più si temutu...mà forse micca tenutu...!! estrimei
ma qual'he qualchissia di bravu? he quellu chi s'ingolle tuttu? chi piglia per verità : - e parulle di Colombani e di quelli chi hanu e "vaches a primes " e chi mughjanu , , in frencese , ch'elli so elli chi facenu campà " l 'interieur "? - e parulle di tutta sta ghjente di a pulizza e di a ghjustizia chi mughjanu onesta ! e chi svianu u rispettu umanu per ghjunghjene a e so fine? - quand'elli ci dicenu che no simu tutti listessi e chi tutti i ghjorni - a a cullettività , a i cunsigli generali , nu e merie e ancu nu u privatu - l'impieghi e e prumuzioni so fatti a quelli chi so 'nu a manica? quandu , a Francia mughja ch'ella he a "patrie des droits de l'Homme " e chi u parlamentu e u presidente di a republica vannu a l'incontru di a vuluntà pupulare di scantassi di l'Auropa? quandu u pertitu sucialistu frencese face a critica di l'ump e chi tutti i ghjorni face un novu passu a diritta. quandu i pertiti naziunalisti corsi mughjanu ch'elli volenu difende u Populu corsu e in listessu tempumettenu da cantu a naziunalità. quandu RCFM ci cunsiglia di parlà corsu e chi in listessu tempu permette a i so ghjurnalisti di struppiallu e quand'ella face un cuntrastu un accetta che u frencese ? quandu a LDH corsa riceve a Leila Shaid e , a tempu , scumbatte per chi u Populu Corsu si strughji ? s'ell'he quessa d'esse bravu , eu so gattivu ! ma chi quelli chi sò sinceri , onesti , rispettuosi sianu puru sicuri chi a mio gattivezza nu i tuccherà mai. Beni oui-oui..
Analisa critica è sincera o Estri...d'accunsentu incu tè, simu in Corsica in piena schizufrenia..!!
per ride
O ESTRIMÈ, scusa ma tutte e to gattivezze l'avii pussute scrive dumane!
Oghje ci vole à esse bravu...sinu à mezanotte (più cà 5ore à tene!) NIETZSCHE a palisatu di vulè vene à campà in Corsica, ùn hà pussutu, piccatu, saria statu u prima people. Hà compiu a so vita "scemu". Ma eiu, paragoni ùn ne facciu, ...sinu à mezanotte. anto
U mondu in duvè no simu hè di piu in piu cattivu sopratuttu pè noi altri corsi ,dunque s'omu vole campa ci vole a esse cume tuttu u mondu e pè tagliala a l'accorta hè megliu a mustra i so pugni chè u so culu !
Predator..
Iè anto, hè vera.. mà qui cume in altrò.. fassi la valè ghjè un ubligu pè sopravive..!!
Assaigattivu
Chi goia, stà mane possu odià u mondu sanu !
Eri, stavu messu à a turtura. Un era umanu. Un averaghju tinutu una ghjurnata di più. estrimei
eu, un aghju micca vulsutu fà cume l'astri, e a ghju vulsutu fa a rubbaccia nenzu a eri.
oghje l'affari so cambiatti , e c i 'ole ch'o mi palesi: so bravu , so qualchissia di bè e a dilla fanca: - e parulle di Colombani so ghjuste: " les vaches a prime revitalisent l'interieur " . gratune a elli e " stations e essenza " ponu campà ; a Safer po funziunà, e e terra duverà aspettà 10 anni per esse vinduta a l ' "agents immobiliers" (sapete st'impieggu famosu chi passiuneghja oghje a nostra ghjuventu ) - ancu di grazia ch'elli ci so a pulizza e a "ghjustizia " chi hanu che un poenseru : fà chi tutt'ognunu campi bè nu u rispetti di l'astru . - evviva a cullettività , i cunsigli generali , n e merie e ancu u privatu : l'impieghi e e prumuzioni di a nostra ghjuventu so assicurati. - a Francia he a "patrie des droits de l'Homme " e quelli chi dubbiteghjanu 'n'anu che andà a vee in astrò. - a grande maghjurità di i frencesi chi votanu si spertenu tra pertitu sucialistu e 'ump e s'opponenu tra di elli , d'altronde unu he a "gauche" e l'astru a diritta - so i pertiti naziunalisti corsi chi difendenu u Populu corsu e certe scelte , ancu s'elle so difficile, so quelle chi ci volenu. - RCFM he a ra diu induv'ellu si parla corsu . ognunu face cum'ellu pò.; e so vulemu salvà a lingua piantemu di fà e critiche chi un ghjovanu a nunda e participemu a a pratica a sta lingua corsa muderna chi rimpiezza quellu vechju parlatu chi un he micca di i nostri tempi - s'ella un c'era stata a LDH corsa per fà vena a Leila Shaid in Corsica, qual'he chi l'averia fatta ? e a i ghjorni d'oghje u nostru Paese deve "evolua " (a quess a parulle un vi c'aspettavate, che?)e apresi a d'astra ghjente e a d'astre "culture" . un s'he pussutu impone l'esperanto, pruvemu a fà una razza - no razza no he una parulla inghjuliosa -, una "cummunità "duve ognunu puera amparà a lingua e a cultura di l'astru e per chi tutt'ognunu si capische si parlerà americanu - no , americanu no , - si parlerà chinese postu ch'elli so elli , oghje i piu ricchi di a pianetta. e per compie , vi vuleria salutà e basgiavvi a tutti : che vo siate bravi o gattivi , ricchi o poveri , scrucconi e appasci o ghjent'onesta . simu tutti ghjente..... e po u sapete, u dettu : tuttu l'amore vende da l'utule. Predator..
O Estrimè, ai appaspatu a Cucaina..,??
per ride
O Estrimè, ti guasti u sangue! Fà pianu, à rombu di frasturnati t'ai da piglià calchì male (ti facciu e corne).
Aghjà ch'è no semu pochi pochi à discorre in corsu, s'è tù ti ne vai tù (à cent'anni!) saremu ancu più pochi. Tandu appaciati è leghji A PIAZZETTA senza pigliala in seriu. Campemu un sunniacciu è basta. È prestu ci spataremu ...pà u sempre. estrimei
a ringraziatti o per ride.
ma ti sbagli, so pienu di sperenza. 'ncu tutti sti solli dati pe a "culture corse" da a ctc ( di piu che 400 OOO€ per 2009 ), tutta sta ghjente chi lotta per difende u nostru Populu ..... simu beati! per tene contu di i to cunsigli, feraghju cumu unu , mezu intrunatu , di i nostri paesi , a u quale annunziavanu a fine di u mondu , e chi rispose "campi mi e a figliola di Curneriu" Mayà
A tutti, ùn vi nè fatte, in 2012, tutti i nostri guai seranu compie una volta pè tutte...è po sperenza o Estrimè, u Guvernu Fillon II ci salverà..sina tandu..
per ride
s'omu vole campa ci vole a esse cume tuttu u mondu ...a dice antò
A Piazzetta ùn hè cum'è tutti...finu à quandu, iè, finu à quandu... ma ogni porta chì si chjudi da u bughju centu ni caccia torna... È a me penna s'infiara... Madamicella
Solu l'omi so, è ponu esse gattivi.noi altre, ghjustu qualchi volte....
 Scrive una risposta
|
|