Manif in Bastia : 4000 persone in carrughju, 70 CRS feriti, 0 interpellazione Paulu
A Cardincu (è micca cardinchu).
Statti in casa chì si più malignu chè l'altri. A difesa d'Yvan è DI l'ALTRI ùn si puderà fà chè incù a mubilizazione. Tuttu e restu sò chjachjare chì facenu u ghjocu di u culunialisimu. Chì speri torna ? Scunvince l'anti naziunalisti o i francesi in mustrandu un visu di bravu è di pacificu ? Ti sbaglii, più calerai u capu è più piglierai colpi. Ghjè ciò ch'ellu face u Statu francese dapoi mesi è mesi. C.BARBIER
O Cardì, ghjè a Corsica chì hà gualantu cù a morte di u prefettu, ci vulia à riflette appena prima di tumba lu!!!
machja
U prublema d'assai corsi hè ch'elli so tropu astutti, e rifletanu tropu !
O ghjente un vi scurdate che simu in GUERRA contra u statu francese chi vole tumba u nostru populu. Alora certi scritti nant'a i muri so menu viulente chi i tiri tesi di i CRS, so parulaccie scrite in furia, arrabiate di pet'a riprissione scatinata,sprupurziunàta di u statu francese. Un cascate mica ind'e a trappula, chi vole fa crede che no simu razzisti, u statu francese dipoi tren'ani a circatu a imbruta a nostra lotta, dicendu pimu che no eramu, "maffiosi", làdri,tarruristi, assassini e oghje ra.zzisti !!! U populu Corsu he sempre statu,un populu fieru e degnu ,accugliente, un vi lasciate mica ingannà, per a prupagànda bugiarda, e u discorsu astiosu di a francia scelerata. I RAZZISTI SO ELLI, L'ASSASSINI SO ELLI, A VIULENZA ARMATA SO SEMPRE ELLI !!!!! Un hè piu ora di raggiunà o di fa discorsi filosoficci cu ghjenti chi cercanu a tumbà a nostra ghjuventu. altore
eiu dicu chì quandu una lotta armata ùn ripone più nant'à une discorsu ideològicu (ch'ellu sia di dritta o di manca ma spergu di manca) diventa viulenza pè viulenza à l'usu "orange mécanique". è tandu c'hè un periculu pè a giuventù ancu più maiò chè duie lacrimò. ùn dicu micca di cundannà a viulenza, dicu d'arimballa à un discorsu chì senta di qualcosa... è pè quessa ci vole à cundannà ssi scritti di manera chjara... ùn capiscu micca l'interessu chè n'avemu à lascià pensà à l'opinione corsa è frencese chè i patriotti corsi sò fascisti.. spiegatemi... a sò chì certi anu da dì "ci ne futimu di l'opinione di i pinzuti" ma e liberazioni di l'astre culunie frencese sò state pussibule perchè chì in francia stessa certi eranu à favore di i ribelli. guerdate l'algeria l'africa negra o ancu più vicinu à noi a canachia.
antò
U CORBU RACHJA ( i nemichi o i falzi amichi ) U BOIE PASCE ( a mossa naziunale ) ( o u toru pasce ) machja
Quale so i francesi chi difendenu a nostra lota, o chi cercanu a capiscella ?
Per disgrazzia un simu ne neri, ne musulmani, ne gialli e per i francesi un simu che ladroni, razzisti,tarruristi e assassini, chi si tecchianu ancu i so soldi. Tutta a storia di a francia e a so pulitica culunianista, he stata fata in lu sangue di i populi sottumesi, ch'ella sia in Algeria, in Africa Nera o in Canachia in duve c'he stati assai morti. Mi dispiacce di parla ti di sa manera, ma u to discorsu hè a prova che tu si cume tanti altri, culunisatu ancu ind'e u to pensamentu, u to discorsu ,hè cume dicenu l'intelletuali francesi e certi corsi inpizutiti "politiquement correct". Spenghje u to postu di televisio, bruggia u torche matin, e cerca a pena di rifleta da per te, e tandu ai da cambia d'avisu. Qual 'hè u piu fascistu ? quellu chi scrive parulaccie ind'e una manifestaziona, o quellu chi ha prugramatu, urganisatu a l'agrottu, pinsatu a morte di un Populu, di una cultura di una lingua ? altore
mi n'impippu di sapè quale hè u più fascistu! sè unu hè fascistu appena è l'astru fascistu à l'anima sò fascisti tramindui! è dunque à cumbatte tramindui. è t'aghju da dì ancu megliu! u fattu di difende cun tanta zerga sti giovani (o vechji appressu tuttu) ch'anu scrittu què mi porta à pensà ch'ùn sì tantu luntanu... ti faci chjamà machja... sappia chì a machja hà prutettu persone ch'ùn t'averebbenu micca lascià dì sprepositi simuli! i Nicoli, Giusti, Mondoloni si voltanu in a so tomba! a libertà sì! ma vogliu sapè u scopu in daretu. demucrazia tulerente (cum'è l'avia fatta Paoli ch'ùn lighjia micca corciu matin ma di sicuru i filosofi frencesi) o regime à l'usu algerianu ? u populu hà bisognu di sapè pè fà a so scelta... è sò ch'ùn sò micca frencese ma ùn vuteraghju micca per un pertitu chì cuntinueghja à difende ciò ch'ùn si pò difende... puntu è basta.
antò
Cumu serà chi altore hà tanta rabbia contru à patriotti manifestanti ?
Sarà u successu di sta mossa tremenda chì u rende ghjelosu ? Avete rimarcatu ch'ellu s'hè scurdatu di parlà di RIBELLU ( LUCCHINI u famosu resistente) Quale hè chì hà scrittu ' français au four' annantu à u muru di a posta: vistu e reazzioni pruntissime à cundannà, pensu chì l'autori di issu scrittu sò di sicuru amichi soi , vene à dì, ghjente anti indipendentista di tendenza PCF( parti communiste FRANCAIS ) per imbruttà i naziunalisti MI RIPETU I CORSI FORA GHJE UNA REALITA , un he micca un scrittoghju nantu à un muru EVVIVA A MOSSA NAZIUNALE INDIPENDENTISTA DI CORSICA LIBERA !!!! Lascemuli rachjà i corbi machja
Iè i tinti , Nicoli, Giusti, Mondolini e ancu Daniella Casanova( un ci era mica chi i cummunisti) si voltanu in a so tomba, ma mica per isse parullaccie scritte nant'un muru per calchi scemi spenserati, ma per che hanu datu a so vita per u STRACCIU FRANCESE.
Aghju sceltu "machja" per che so a pena cume ella: A chi si zinga focu Ci si bruggia A chi ci entre d'amore Diventa Macchjaghjolu Cu noi.... Eccu, fratellu corsu.... altore
Nicoli, giustu nenzu di more scapatu da i fascisti (chì u vulianu mette à u fornu) ci hà lasciatu una lettera chì dicia "pè pensà à mè purterete un fiore rossu è una testa mora". ùn hà mai parlatu di turchinu biancu è negru.
altore
ERRATUM ... ci vulia leghje turchinu biancu è rossu ...A FRANCICA
altore
ùn si pò mancu più ride... francica fracica (jeux de mots dirait maitre cappello..) . aghju fattu un sbagliu scrivendu in furia ma quessu ùn l'ai micca vistu...è ghjè tamantu! try again. in una frasa sola a ti poi fà, a sò...
antò
Quelli chì sò contru à l'indipendenza, o un'evuluzione stitiziunale, ch'elli a dicanu chjaramente senza circà scuse
ch'elli affirminu d'una manera più chjara d'esse per a francia ci vole à falla finita cù l'insulti contru à i militanti vulendu falli passà per fascisti, ladri, scrucconi, sgaiuffi.... Simu in un paese duve i patriotti sò trattati: di fascisti .........da i fascisti di ladri...............da i ladri di maffiosi........da i maffiosi Qual'hè chì và in prigiò ? Sò quelli chì ùn anu mai calatu u capu di fronte à un pudere fascistu è anti-corsu !!! Qual'hè chì a si spasseghja spenseratu senza tastà a prigiunia? Ogn'unu in Corsica a sà benissimu: sò i ladri , i fascisti, è ...i maffiosi R E S I S T E N Z A !!!! machja
A parullacia hè lampata" FACISIMU", e tutti a ripliglianu ,da Rocca Serra, a Bucchini, passendu per a Zucca e u nostru amicu Altore.
Sabatu hanu vistu fala in carrughju " e camigie nere" Attenti o figlioli! a pesta nera hè di ritornu ! Ch' hanu da truva a prussima volta ? henry smart
Eiu à dilla franca ùn capiscu mancu appena sta vulintà simplicista di inchjustrà u dibbattitu trà certi chì serebbenu "mous" è d'altri chì serebbenu "duri", veri cumbattenti di a LLN.
Sò d'accunsentu cun tè altore u fascisimu si dinunzia è puntu è basta !! Hè vera chì carchì tag ùn hè micca u più grave è ch'ùn sapemu micca quale ch'hà scrittu ste cunnerie razziste ma quandu ci hè un dubbitu (m'arricordu sempre di l'integrazione di gruppi clandestini razzisti ind'à detta LLN) ci vole à esse chjari. E pò induve sò i "duri" in Corsica ? quelli chì volenu fà a LLN mi pare ch'ùn hè micca cusì ch'ella si face : appena di viulenza in carrughju cù giovani di 16 anni davanti, un plasticu à M dupont, 60 anni chì stà in carchì paisolu persu, un apperitivu u sabbatu sera, un filmu di culu di tantu in tantu, una serata "culturale ??" cù l'arcusgi...aiò aiò ..fate cum'ellu hà dettu leon allessandri ind'u so libru: falemu in carrughji cù l'arme, dichjaremu a guerra à a francia, dimu ch`è simu una nazione è pigliemu a prefettura sapendu ch'ellu ci serà assai morti... Un dicu micca chì so d'accunsentu cun què ma omancu hè chjaru è si chjama a LLN !! Quandu si vede a strategia in guadeluppa, mi dicu chì simu assai luntani... per finisce, dinunzià u fascisimu ùn hè micca esse mou, avè a brama d'un discorsu puliticu custruitu ùn hè micca esse mou (hè più chè chjaru chì a strategia di u muvimentu "duru" hè d'aspetta i sbagli di a Francia), vulè purtà a lotta contr'à a ghustizia contra terrurista al di là di i naziunalisti è a Corsica ùn hè micca esse mou: à u cuntrariu ci vole u travaglià sempre.. altore
o henry face piacè... nunda à aghjustà... lachemuli fà i so filmi... a machja l'anu vista di sigura più da luntanu chè noi... campu in paese facciu campà (cù d'astri) u mo paese è è u discorsu puliticu hè più chè debbule. una casa ùn si face micca partendu da u tettu. a libertà per esse vera hà da esse pensata capunenzu... certi cum'è machja a volenu è dopu videremu bè ciò chì ne sorte... principianu pè u tettu... ma vecu chì corsi di prima trinca chì pensanu a libertà prima di dumandalla ci n'hè sempre ... basta à circà. mi ralegra u core è mi dà a sperenza in u mo populu è u mo paese.
altore
erratum torna.. manca una frasa... ma averte capitu a mo pensata
circinelludiguagnenativupeliguagnesusosanguaversatu
"francica fracica (jeux de mots dirait maitre cappello..) " : )
u peghju hè chì l'avia pensu 'ssu jeu de mot , ma mi sogu vargugnatu di dumandatti s'è tu l'avii fattu appostu... pà essa più seriu è fà un riassuntu di 'ssu "filu", diciaraghju chi cum'è d'abittudine ci magnemi u fecatu tra di noi, allora chi (à rileghja tutti i missaghji) semi tutti d'u listessu avvisu (fora forsa di culomba 1 qui voit des fachos partout) ghjè sicuru chi certi ind'a LLN ùn saranu micca astuti ma mi sgena chi tutta sta tindenza sia paragunata à i mù, chì so... mù, ch'ùn sanu nè 'nduva elli vanu, nè parchì... in quantu à u discorsu tìpicu "eu sogu contr'à a viulenza ... perchè ùn hè micca abbastanza dura..." Ohimè, ohimè !!! semu in traccia d'intazzacci nantu à una manifestazione legìtima chi finalmente s'hè sciolta bè, è caschemu in a trappula di litigacci senza più parlà d'u restu... altore
perchè chì simu d'accordu nat'à u restu... basta à dì cum'è tù l'ai fatta (à mezzo voce dice u talianu ma l'ai detta listessa) ch'ùn c'era micca chè premii Nobel indè a manifestazione...cumè indè tutte e manif d'altronde... ma sè nimu li dice "guerda quessa ùn si scrive micca perchè chì n'avemu una storia è una cultura chì vanu à l'incontru di sta pensata" sè tuttu mondu dice " i corci ùn sò micca astuti astuti " à ogni manif hà da ricumincià... sè i capimachja naziunalisti dicenu "què ùn ne vulemu più" averà forse un valore d'esempiu... forse... "il faut pas deseperer de billancourt" dicia Sartre... iè o machja aghju lettu l'intelletuali frencesi... quand'è tù serai à u pudere puderai fà "l'autudafè" di i libri chì facenu pensà male.. per tè... ma ùn cuntà nant'à mè pè fatti ghjunghje...
machja
Un aghju mai parlatu "d'autodafè",cume te aghju una dopia cultura, per disgrazzia,un vogliu mette a nimu in li forni, u sogu mica un fascistu o razzistu.
Anc' eiu sogu contr'a viulenza, ma tutte e viulenze, a principia per chella di u statu francese, quand'ellu cacciarà e so forze di reprezzione tandu puderemu piantà e manifestazione. Aghju letu cume te tutti si libri intelletuali, che la sia Sartre o l'altri, ma dino i libri corsi, ma un aghju bisognu ne di pastore ne di omu carismaticu, per pensa da per me. Eiu so Corsu inanzu d'esse o cumunistu, marxistu,maoistu, e un mi lasceraghju mai influenzà per e domme vinutu d'altro. Un seraghju mai a u putere,un hè mica u me scopu,per me bastaria che u populu Corsu sia liberu di sceglie u so distinu. Avale si tu ai un'altra soluzione, famila sape......perchè e cundànne un bastanu...ci si vole dinu pruposte.  Scrive una risposta
|
|