Elezzioni : road to 2010 ! IFFOPPU
Si dipende o Filidà
Pensu chì tù mi poni una quistione interessante (capimuci bè hè una quistione chè? ) Eiu ti rispunderaghju cusì : dumanda à Biancucci s'ellu ùn salva nunda assuciendusi cù u clan di manca in Cuttoli ... E dopu dumanda à Talamoni s'ellu salva qualcosa in Bastia? E per finì dumanda à i naziunalisti ciò ch'elli volenu di marzu è tandu forse ghjudicherai ... estrimei
o Iffoppu ,
a ringraziatti pè i cumplimenti. a a to dumanda rispondu per un astra: se tu hai 70% d'eletti, se tu multiplicheghji per 100 u "developpement economique de la Corse" senza tene contu ne di u Populu, ne di a terra , ne di a lingua, ti pare ch'o ci surteremu a bè ? he capita chi per a " ligue des droits de l'homme ", per i " progressistes " per "les intellectuels " a mio pruposta serrà capita cume razzista, ma a scrivu e a mantengu : senza prutegge u Populu a lotta naziunale un ha sensu . Marcu
salute,
mi puedete spiega cio chi hè u "clientelismu" e u "clanismu" incu qualchi esempii chjari. A ringrazziavi. IFFOPPU
L'affare pare più chè seriu.
A' Marcu, una risposta per dilli chì Clientelisimu è clanisimu sò duie grande malatie. A' Filidatu (torna), ancu s'è Giacobbi hà sta malatia ch'e parlu quì, ancu s'ellu hè cuntagiosu, ùn vecu micca quale chì dice chì i naziunalisti s'anu da mette cun'ellu. In seriu, l'idea d'un cumprumessu ùn hà sensu ch'è s'è u naziunalisimu passa u primu giru cù à u più pocu 15% di i voti. Parlà capunanzu di ciò ch'elli anu da fà i Simeoni, l'Angelini o i Biancucci mi pare propiu un puttachju bastiacciu ... estrimei
pigliemu u casu, chi a l'assemblea, ch'ellu ci sie una maggiurità fatta di Insemme, di u PNC, di Corsica Libera , di i Verdi.....
serranu tutti d'accunsentu per impedisce Veolia ? serranu tutti d'accunsentu per ricunosce u Populu ?(micca quellu di"la ligue des droits de l'homme" o di Petru Mari") e dalli a priurità nantu a so terra. serranu tutti d'accunsentu per dà a priurità un bene stà a u tutti e scurdassi di e parulle di "developpement " e di "progressistes "ch'elli hanu trovu per sbaglià i nucenti? nu a so? ma per contu meu dubbiteghju chi mi parenu troppu numerosi quelli chi corenu apressu a sacchetta . machja
Marcu
U "clientelisimu" hè di fà crede a l'elletore che u so dirittu hè un privilègiu, e a i corsi i privilègi li piacenu assai. Un esempiu : per imbrancà u telefonu invece di chjama a france telecom, vanu a vere u diputatu o u sgio mere, listessa cosa per un cartularu a l'assiguranza, e cusi pianu pianu u clanistu si face una bella lista eleturale. Ma a sai cume me !!! machja
Cio che tu dice hè vera Estrimei, e di piu un ci si vole mica scurdassi che l'assemblea, hè FRANCESA, e ancu se tutti l'eletti so d'accunsentu, l'ultima decizione si pigliera in Parrigi.
Hè per quessu che no vulemu un "assemblea corsa" e l'avemu cu a CUNSULTA NAZIUNALE, chi pudera piglia decizione senza passa per u statu francese , chi , da per me ' un hè piu leghjitimu per decise di a nostra sorte. Iffoppu
d'accordu cù machja per a definizione di u clientelisimu. Ma ci vole à cumplettà cù tutte e prumesse fatte, l'impiecucciu à a DDE, un pustucciu per accoglie a ghjente in un scagnu induv'ellu ci hè digià trè persone per listessa piazza, una teleffunata per chjamà a banca o l'uffiziu HLM, una per chjamà i giandarmi per un pv, è tira avanti è tocca.
Marbeuf
o machja ti dici naziunalistu è tuttu què allora ùn ti scordi micca ch'un votu in menu per i naziunalisti hè una voce per i clanisti... Po aghju da veda una volta di più un ministru merdosu di sarkozy spiegacci chì "i corsi so attaccati à a republica francese, l'emu vistu à l'ultimi elezzione"... Avà n'aghju una techja di sti discorsi! Dunque ùn t' attaccu micca o machja ma sò sicuru chì ste cunarie t'annarbanu anc'à tè allora pruvi à rifletta per l'elezzione chì ottantu una voce farà a differenza...
U cummentu vale per Marcu dinù circinelludiguagnenativupeliguagnesusosanguaversatu
D'accordu à fondu incù Marbeuf: L'assemblea di Corsica , digià, ùn hè micca un'assemblea francese; basta avà cù 'ssi tuntii ! Tocca à noi di pigliàcci u puteri !
A cunsulta, ch'aghju sustinutu, ùn ci capiscu più nunda: hè diventata ciò ch'aviu à l'epica privistu ch'ella divintaria: una "cosa", tagliata d'u populu, senza ambizione è senza legitimità ! Certi à l'epica avianu dettu: Attenti o figlioli, s'ell'hè par fà un "assemblea pruvisoria" i corsi ùn ci suvitaranu micca... hè ciò chi accade oghje ! Ci ne vulia à fà piutostu un locu "virtuale" di scontru di naziunalisti, pà rigruppalli è pà fàcci sundaghji giganti da alimentà u partitu... mi paria à me più fàciuli à metta in piazza. estrimei
furmazione, rispunsabilisazione, he vera ch'elle he di quessa chi u muvimentu naziunale ha bisognu.
machja
Marbeuf e Circinellu, capiscu u vostru ragiunamèntu, ma ditemia, qual'hè u scopu di a LLN ? di piglia duie piazze d'eletti in un assemblea chi ghjè u "simbulu di a francia" in Corsica, una trappula induve caschemu dipoi anni ,e anni ? o di ritruvà una suvranita naziunale, e di strappà e catene cu u statu francese ?
Un ci sbagliemu una volta di piu di nemicu, eiu l'assemblea di corsica a laccia vulinteru a i clanisti, che un hanu nissun putere, perche e fune so tenute per sarko e a so squadra. E po una volta di piu simu pronti a fà una lista cummuna cu l'autonomisti e l'altri, un si po accuncia u focu e l'acqua. Circinellu dice che i corsi un hanu seguitatu a Cunsulta, ma un seguitanu mancu Corsica Libera (4% chi vargogna) e dipoi trent'anni aspitemu sempre e so prove. Cio che no vulemu cu a Cunsulta hè di purta u prublema di a Corsica in lu piànu internaziunale,che a francia un hè piu leghjitima per ricunosce u nostru populu o no. Ma per quessu ci si vole che a Cunsulta diventa a casa di u nostru populu, ch'ella un sia piu un "locu virtuale" cume tu dici, ma u locu di dicizione, chi sola pudera impone nostra voglia d'esse un populu liberu. Per voi quesse so "utopia" o sogni , ma u mondu se fattu cu l'utopisti, per i nostri antenati, marchja nant'a lunà era piu che un utopia,una pazzià, eppuru.... Fratellanza estrimei
deraghju u mio parè nant'a ste prussime ellezzioni:
per cummincia vuleria dinunzia so ch'elli chjammanu i "sondages". i facenu a modu soiu e quand'elli so fatti, l'acconcianu cum'ella li pare. d'altronde vuleria sapè, un vi pare micca stranu chi Corsicà (induv'ellu ci he assai publicità di a ctc e di i dipartimenti), fr3 e rcfm si sienu adunitiper paggalli ? e in tempi d'ellezzioni n e facenu assai ! vuleria sapè chi he un' nterressu di sti " sondages" in tempi d'ellezzioni???????? avà ,nepochi dicenu l'assemblea he frencese, a maggiurità un l'avemmu, e reggulle un so micca fatte per noi e e 'impeghjuriscenu tutti i ghjorni di piu : he verità. ma una campagna fatta a prò di a terra , di a lingua, chi spieghi a u Populu ch'ellu ci 'ole ch'ellu sie unitu, chi a dimarchja naziunale he fatta per pruvà a salvallu, chi in piu di a Francia avemmu a guilluttina di VEOLIA chi 'ncu u solu volle ammaestrà oghje i trasporti e l'acqua, dumane u mulizzu, l'eletricità , i casali, per suttumetteci a u solu, per un lascia in Corsica che ghjente chi hanu i mezzi, po esse un fattu di mubilsazione militente chi deve ajutà a lottà. ma per ch'ella si passi cusi ci'ole chi i naziunali di dienu di rimmenu per cuntrastà nant'a i fori , i carughju e in ogni lochi. un so micca sempre d'accunsentu ma vi ringraziu a tutti di praticà u cuntrastu puliticu: he una di e manere e piu ghjuvevulle di difende u nostru PAese estrimei
guilluttina=>ghilliuttina
Marbeuf
Capiscu ciò chè tù dici, è eiu à a dilla franca ùn sò micca innamuratu di sta CTC, ma cosa hè un votu... D'apressu à mè i militanti UMP et PRG ùn ci anu da micca aspiità per andà à vutà... Avà tocca à voi di veda chì eiu ùn sò micca un puliticu dunque arrestu a mo "campagna" quì... A dopu è vi ringraziu chì mi campu cù discuzzione cusì
machja
A leghje " la mort de la nation corse" nant'u situ di www.jeanpierresantini.com, hè scrittu in francese, ma quantunque cio ch'ellu dice fa riflette, e ci porta a pena di chjarificazione anant'u muvimentu naziunalistu, e sopratuttu nant'i capimacchji.
estrimei
aghju lettu so ch'ellu scrive J.P.Santini , stu vecchju militente di a manca internaziunale ha un gran difettu : dà piu valore a a riflessione intellettuale che a a pratica oghjinca di a vita.
ancu so li rimproveru di un avè mai fattu u sforzu d'ammaestrà a nostra lingua , l'omu he sinceru, he onestu-u cunoscu dipoi 75 - . so d'accunsentu 'ncu ellu quand'ellu dice: "A ce jour, si l’avenir apparait radieux pour tous ceux qui rêvent de cogérer le système colonial français, il est particulièrement sombre pour l’avenir de la nation corse. " ma quand'ellu mette in opposizione l'independentisti e l'autonomisti e i cursisti , custi face un sbagliu maiò.(ci so di l'autunumisti chi hanu una vita di naziunalisti chi si merita piu che u rispettu) quand'ellu dice l'assemblea di Corsica, u sistema elletturale , so frencesi , he ghjustu ! ma quand'ellu dice he per via di quessa ch'ell'un ci vole micca a andà a l'ellezzioni , custi l'affare un va piu. o Jean Pierre si statu stitutore e a scola he frencese! si statu merre di Barrettalli , ere nu u sistema frencese! maneghji -'ncu assai finezza-a lingua frencese, un he micca a nostra, ma ti ne servi , postu ch'ella he piu pratica per te . l'ellezzioni , so un ci participemmu , un cambierà nunda ! i nemichi di u Populu corsu si senteranu piu forti La composante « Corsica Nazione indipendente » s’est suicidée deux fois, ce qui n’est pas banal ! La première en 2004, en offrant aux autonomistes l’opportunité de reprendre idéologiquement et politiquement le dessus (ce qui s’est traduit sans ambiguïté aux dernières municipales) et en 2009 en s’alliant à des groupuscules « souverainistes » pour une dérisoire « lutte de places » au sein de l’assemblée territoriale. Le nouveau seuil d’éligibilité fixé à 7% ne pose pas de problèmes insurmontables à des autonomistes prêts, par ailleurs, à s’allier tous azimuts (les déclarations de Gilles Simeoni, leader de a Chjama naziunale, sont édifiantes). En revanche, Corsica Libera n’a aucune certitude d’atteindre ces 7 % et d’avoir des élus. D’où, l’amorce des jeux habituels de la pulitichella pour tenter de « sauver les meubles ». Voici quelques semaines, un représentant de Corsica Libera déclarait de manière péremptoire que son mouvement irait seul aux territoriales. Changement d’attitude du même représentant qui semble vouloir prendre en considération « l’offre » de Gilles Simeoni. La dérive électoraliste du mouvement national depuis 28 ans, favorise ainsi tous les opportunismes au détriment d’une vision stratégique, c’est-à-dire d’une perspective de restauration à terme des droits de la nation corse. estrimei
a i rispunsevulli di a piazzetta :
a pertita in frencese di u mio scrittu m'he scrucchjata , fate u piacè cacciatela! e scusatemi! circinelludiguagnenativupeliguagnesusosanguaversatu
ùn aghju più nunda à dì dopu à i dui ùltimi missaghji di Estrimei...
Hè un'anàlisi chjara, sincera è senza cuncessioni di ciò chi ci voli à fà: andà à l'alizzioni, certu, ma cù l'ochji aparti ! machja
A seguita in marzu 2010................
 Scrive una risposta
|
|