E news di l’UNESCO : ghjè in periculu a lingua corsa Kugùrn
"a publicazione d’un rapportu scentificu « Lingua corsa, un fiatu novu », cummandatu da u Cunsigliu di a lingua, un pianu di sviluppu di a lingua. hè statu vutatu di lugliu u 2007.
Dipoi, n’avete avutu nutizie voi ?" hè dettu u tuttu... in cauda venenum
RINGRAZIEMU U STATU FRANCESE E TUTTI I GUVERNI DA POI A CREAZIONE DI A REPUBLICA RINGRAZIEMU SOPRA TUTTU I CORSI VERGUGNOSI CHI HANNU FATTU IN SORTE CHO NE SIAMU QUI OGHJE E DI QUESSI N'AVEMU IN TUTTE E NOSTRE FAMIGLIE IN TUTTI I NOSTRI PAESI
filidatu
à mè ciò chì mi face ride hè quandu sentu tutti i nostri prufessori di facultà dì à i studienti di studii corsi è ancu nantu à i giurnali chì a lingua corsa si porta bè
Ci vulerebbe ch'elli sortinu di u so mondu è vede a realità in carrughju altore
u statu hè vera hà a so rispunsabilità ma per mè i corsi sò i primi rispunsevuli di u fattu ch'ella smarisca a nostra lingua. è quandu vecu e cunferenze stampa di u FLNC è chì u capimachja chjama à a difesa di a lingua corsa in frencese sò ancu più stumacatu. site digià andati à un'adunita naziunalista basca o catalana? manc'una parolla di spagnolu! oimè! à mumenti si parla più corsu à u scagnu eletturale di Milou cà e ghjurnate di Corti! u corsu tocca à noi à salvalu è prima à quelli chì anu a cuscenza ch'ella hè lingua naziunale! u ghjornu chì i naziunalisti ùn diceranu più una parolla in frencese tandu puderemu forse avanzà...
Claudio Andronico
"u ghjornu chì i naziunalisti ùn diceranu più una parolla in frencese tandu puderemu forse avanzà... "
Bravo !!! Imparate dai sudtirolesi !!! http://www.svpartei.org/de/news/ O Bamo
Certa, certa,...Ma ci hè sempre sperenza...
l'UNESCO ùn leghje micca A Piazzetta, ùn ascolta "Dite a vostra", ùn và micca à e "stonde corse" è altri "caffè in corsu", ùn scrive micca nantu à "u foru corsu", ùn cunnosce micca e scole bislingue (20 % di i sculari di u primu gradu, 30 % di e scole materne, 13 % di i cullegianti), ùn visita micca e ciucciaghje bislingue d'Aiacciu, ùn stà micca in Savaghju una settimana (1000 sculari à l'annu), ùn vede l'attelli di teatru è di cantu in corsu, i corsi di lingua pè i maiò, ùn hà micca esaminatu u Certificatu ecc ecc ... A quale hà inchiestatu? attualizeghja e so date?? O Bamo
Certa, certa,...Ma ci hè sempre sperenza...
l'UNESCO ùn leghje micca A Piazzetta, ùn ascolta "Dite a vostra", ùn và micca à e "stonde corse" è altri "caffè in corsu", ùn scrive micca nantu à "u foru corsu", ùn cunnosce micca e scole bislingue (20 % di i sculari di u primu gradu, 30 % di e scole materne, 13 % di i cullegianti), ùn visita micca e ciucciaghje bislingue d'Aiacciu, ùn stà micca in Savaghju una settimana (1000 sculari à l'annu), ùn vede l'attelli di teatru è di cantu in corsu, i corsi di lingua pè i maiò, ùn hà micca esaminatu u Certificatu ecc ecc ... A quale hà inchiestatu? attualizeghja e so date?? Lingua sfinga o lingua spinta?
O Bamo, ai a ragiò. Hè bella sicura chì l'affari sò scambiati dipoi 30 anni. Ancu di grazia! Ma malgradu e scole, e ciucciaghje è tira avanti è tocca, s'accresce o si ne trafala a cursufunia?
À contu meiu, hè u solu indicatore da piglià in contu. Detta quessa, hè bella sicura ch'ellu ci hè una parte di rispunsabilità individuale. L'animatori di A Piazzetta, quelli di l'ADECEC, di Foru corsu ... ùn anu micca aspettatu ch'ellu ci fussi un statutu per mette e mani in pasta. Cumu serà chì l'alenatori di ballò, di scacchi, di ballu, di judo, di rubbì, ùn fessinu micca e so attività in corsu? A face ancu u Statu! Ma a soluzione, si n'avvede omu incù l'inchiesta di l'UNESCO, passa per a firmazione di e ghjente è una valurisazione sucetale di a lingua è via, per a so ufficialisazione. Hè à ste cundizione custì chì u corsu turnerà à campà, cum'è u sfinge! Piratella
O estrimei, duie cose induve ùn sò d'accordu cun tè : - a multiculturalità, ùn ci la pudemu francà, femune una ricchezza, ma senza essene e vittime...A noi d'inventà sta nova citatinanza corsa in u mondu ughjincu ( a sucetà paisana d'eri ùn hè più...) - U "purisimu" hè à spessu sbagliatu , hè assai dannificu. un vogliu dì cì ci vole à dì n'importa chè, ma ùn ci vole micca à fà una ussessione di i "francisimi" (certi sò naturali) nè di i "talianisimi" (chì ponu esse ghjuvativi Cool, calmemuci nantu à sti punti...Tnata ghjente teme d'apre a bocca per via di 'ssi ghjudicamenti abusivi... heliofobu
Hai bè riassuntu a situazione O Piratella, "A sucetà paisana d'eri un'hè più"... E un ci si po fà nunda, ghjè a storia di l'umanità sana...
Per contu meiu, quand'u pesu di a nustulgia si face troppu forte, è per sentemi appena a l'usu anticu, aghju trovu una suluzione... Aghju appicicatu unu di li mio rittrati d'identità annant'una pagina di u libru "Tempi fà"... E subitu, eccumi a mezzu a li mio antenati ! Piratella
Mi scusu sè t'aghju ammusciatu o Estrimei, ma vulia dì chì st'attitudine di sempre caccighjà u "sbagliu" hà ammutulitu assai ghjente, soprattuttu i giovani, chì si dumandanu sempre s'elli parlanu bè, d'altronde ùn cunnoscu guasi à nimu chì dica "parlu bè u corsu", a ghjente sò tutti intimuriti è cumplessati da qualcosa...riguardu à una "norma" imaginaria.
Piratella
Serai cuntentu d'amparà chì Fr3 anu cumenciatu un pianu di furmazione.... Lingua sfinga o lingua spinta?
à Estremei:
U Sfinge serà u Sphynx in francese. Culomba1
A lingua corsa parlemune di menu è parlemula di più! erica rome
qu- est ce que l'unesco???
 Scrive una risposta
|
|