Ci vole a sciappà tutte iss'affisce e publicità ! Mettite un calciu o un colpu di tinta annant'a quandu ne vedite unu ! Un hè nunda, ma un li lascemu piu cummunicà a issi ladroni di venditori corsi e frusteri !

so i corsi chi vendenu a so terra e po tutte st'imprese immubiliare senza fede ne legge chi si dannu dirittu di fa cio ch'elle volenu cun l'accusentu di quelli chi facenu u tempu svegliatevi chi simu a l'orlu di a fine

[Adiu Corsica tanta amata, un si parla di te senza ritornu etc etc]...Simu finiti, chuelli chi annu qualchi terrenu u vi vendenu per pudè un fà piu nunda di a so povera vita e cusi u corsu un
cunosce più u senzu di u travagliu. O babu di a patria guarda a to razza chi si ne va a caternu.
Ma à tutti sti manggioni li vuleria di chi tantu chi un bracciu tenera a bandera nantu a l altare sacru di a patria, a razza un si spenghjera. Allora fade pianu , un ghjornu ....................

GD aperti simu più chè aperti : a Corsica hè spalancata !

U rispettu nè buschemu pocu pocu da i Francesi...Uni pochi sì, anc'assai, ma a maiurità!!

evviva l' hotel nant'à e piaghje, à lingua di mare !

u prublema ùn hè micca a vendita di a tarra ! U prublema hè chì a sola ecunumia pruposta pà oghji è pà dumani hè u turìsimu...
DUNQUA s'è ùn ci muvemu micca da aquistà l'INDIPENDENZA ECUNOMICA, pà sviluppà un'ecunumia muderna è autonoma fendu crescia i qualificazioni è dendu à l'impiegu un "valori aghjuntu", l'avvena di a Corsica hè tracciatu: la costa brava cù l'immigrazioni, i picculi 'jobs', a perdita di una cultura uriginali, i residenzi chi crescini, a giuventù furmata à l'Università chi si ni và in altrò... ecc, ecc...
eu ùn diciaraghju mai cum'è "fiuminale": simu finiti, fritti, cotti, magnati... a metàfora cucinari à me ùn mi garba tantu, ma u piriculu ci hè... hè ùn ci voli micca à DIFENDESI in quant'à me ("Ma à tutti sti manggioni li vuleria di chi tantu chi un bracciu tenera a bandera nantu a l altare sacru di a patria, a razza... ecc. di u stessu fiuminale) ma piutostu ci voli à BÀTTESI è à CUSTRUÌ. L'idealìsimu va bè, ma oghji mi pari chi ci voli à essa pràgmaticu: ci pruponenu un certu mudelu ecunomicu ch'ùn ci piace micca ? Femuni un antru !!!! è libertà !
uskeubeu

A Corsica ùn hè micca à vende HE DIGIA VINDUTA, ùn ci hè chè da fighjà a carta di u padduc per accorghjesine
TUTTU HE VINDUTU
A NOSTRA TERRA SACRA
I nostri antenati anu straziatu per lasciaccila bella è immaculata, l 'anu custruita petra à petra, si sò battuti contru à l'invasori fendu battaglie tremende per prutegela è per trasmettecila.A nostra TERRA hè SACRA, ghjè impastata da u sangue è da l'osse di i sacrifizii di i nostri antichi
A NOSTRA LINGUA
Hè più chè imbasterdita da u francese è da u talianu (basta à sente certi animatori o ghjurnalisti nantu à u postu )
I NOSTRI CANTI
Più và è più i cantadori cantanu canzone tradutte da ..u francese...u talianu...l'inglese.....Bascu.....Brittone.....Catalanu,....
è sariamu rinchjusi?!!!
Canzone corse tradutte in d'altre lingue , n'avete digià intesu? MAI UNA VOLTA!!!!!!
ùn simu micca aperti SIMU SPALANCATI !!!!!!!

hè u soldu che a colpa di tuttu!
si vendennu e terre , ma si so ancu vinduti l'anima:, un videte ch'ell'un ci he piu un palmu di nettu : si scordanu di a so lingua o a 'mbaterdiscenu e a pratecanu u menu pussibile, s'acceganu per un vede tutte ste inghjulie fatte a u nostru Populu e a u nostru Paese. tutti i ghjorni sciaccanu ghjovani i priggiò, a "ghjustizia" e a so pulizza pruvucheghjanu tutti i ghjorni e guasi tutti stanu zitti
ma quale sò elli. : elli site voi, elli so eu, elli simu tutti quelli chi un avemu mancu u curaggiu d'aduprà a parulla per dinunzià tutte ste' inghjuliè.
avemmu tutti bisognu di un bellu riaquistu, un riaquistu chi ci rimetti in lea naturale incu a nostra lingua sputica, un riaquistu chi ci faccia esse cuscenti chi quandu omu tocca a a dignità di u nostru Paese, si mette in pisticciulli a nostra a dignità . e quessa , u soldu 'nu a pò parrà!

à Georges D : mi scusu sè tù ai pinsatu ch'è ti vulia lampà fora o ricusà. Face piacè u to interessu pè a cultura è a lingua corsa è ti poi integrà senza prublema sè tù sì sinceru. Vulia dì ch'ùn sò tutti cum'è tè i ghjunghjiticci, ùn hè chè una minurità à ragiunà cusì. "go to Spain" ùn era micca per tè ma per quelli chì compranu senza primrassi di u nostru paese nè di a nostra cultura.

Eiu sò d'accunsentu cù Circinelluecc...basta a cultura di u lamentu, ci vole à agisce, à sparghje l'idee nove, à battesi per un avvene ammaistratu da noi. Ci vole à crede in e nostre risorze, in a nostra cultura, in e nostre forze, piuttostu chè di marchjà ver di a tomba pienghjulendu...