Com'è me,avareti lettu dui articuli stampati in u Corse Matin di u mesi d'uttrovi scorsu natu à u fundariu inCorsica.
St'articuli,unu di Alain Spadoni( prisidenti di i nutarii di Corsica ),l'altru di Jean-Marc Guillot( spertu à u Tribunali Administrativu di Bastia )m'ani spavintatu!
Si sapia che a robba corsa era ricircata da tutti i ricconi è spiculatori di u mondu sanu mà à stu puntu!!!!!

Quache ramenti di st'articuli:
In u 2009,solu 12% di i casi o appartamenti vinduti sò stati compri da pasoni campendu in Corsica ( micca tutti Corsi ben'intesu ).
Ceri casi di lussu in Porti Vechju, Calvi o Aiacciu si sò vinduti à 400 millionid'£ ( in franchi anziani fariani 2 Milliardi è mezu )
1 m2 costa più di 10 000 £( più caru che à Saint Germain des Prés,quartu u più caru di Parigi)
A maiò parti di i nutarii di Corsica ani, in i so studii, cartulari dipusitati da sti ricconi chi sò pronti à cumprà à qualunque prezzu, senza nisun'limita.
Par buscassi un creditu di 1 millionu £ da una banca una famidda corsa devi vince 23 000£ u mesi
Faci chi ùn ci hè mancu più un Corsu chi pò cumprà !!!

Mentre stu tempu, i nosci merri dani pamessi di custruì à più pudè par fà entra solda in i so cascia; nutarii è agenzi immubiliarii si rallegrani chi più i prezzi sò alti è più u so percentuali hè maiò!
Eccu a noscia situazioni!! è ùn mi faciu manc'un suppulu d'illusioni nantu à u risultatu di u dibattitu di a CTC!