Pensu chì u Sgaiuffu vole parlà di i rughjoni Bastiacci,Aiaccini,Purtivechjacci,Balanini è forse di Prupià ancu s'è ci falgu pocu.

Campà cum'è in Tourcoing? vale forse à dì chì a ghjente ci passa oramai u sabbatu è a dumenica tra u centru cummerciali,i magazini di vestiti è "deco",u Quick è l'Hippopotamus...

Senza vulè passà per un Ayatollah pensu chì l'anima di u nostru Populu u truvemu in PAESE ò forse in certi carrughji anziani di e cità ma micca à Magic Stock ò King Jouet...

Pensu chì ghjè una bona d'avè a mudernità à a manu ma ùn ci vole à scurdassi di a filetta....


Emu vulsutu

Eccu, MM ha dettu ghjustu. Noi a sapemu e un ci scurdemu nè di a filetta nè di u pastizzu.Ma u prublema hè : cumu integrà i numerosi ghjunghjiticci chi sbarcanu à a nostra sucetà ? Hé quessa a sfida tamanta di a corsica.Un i pudemu micca evità, un si pò chjode e fruntiere, ma cumu integrà tutta sta ghjente chi campa in sti lochi senza un suppulu d'anima corsa ? Hé custi ch'ella cresce a populazione... In i lochi i più francisati...

Tutti i ghjorni, c'hè un corsu chì si ne và in cuntinente ò in altrò è sette pinzuti chì sbarcanu in Corsica.
Ùn hè micca un affare di razzisimu ma ciò a sapè chì a nostra Corsica ùn hè più quella di l'anziani è a nostra cultura, a nostra lingua, a nostra terra sò in periculu.
Pensu chì hè colpa à noi perchè ùn sapemu micca integrà sta ghjente in a sucietà corsa.

A meziornu aghju vistu cun piace, nant'a televisio francese,Elie Domota, raprisententu di u LKP, risponde , inde a so lingua materna U CREOLE,a un ghjurnalistu francese chi faccia a traduzione.
Eccu un bellu esempiu a seguita per i nostri "capimachji" chi si facenu un piace di parla francese, in ogni loci e sopratuttu inde i medias inpinzutitti.
Hè dinu un esempiu per tutti quelli chi parlenu a nostra lingua, ma si vergognanu d'aduprala cu i frusteri.
L'integrazione di tutti si ghjunghjiticci deve passa per l'amparera di a lingua corsa, s'elli vi parlanu francese ,rispundite in lingua nustrale, in ogni loci, a ogni mumenti di a vita, e cusi pianu pianu, tutti si frusteri seranu ubligati di fà u sforsu d'amparà a nostra bella lingua.

ùn sò micca s'è no simu lecchi, ma a to rimarca hè più chè ghjusta.
Ma ti scordi di : "inseme parte solu ...." Povera Corsica.