sò d'accunsentu 'ncu Piratella, vuleria aghjustà chi tutta sta traticchjina (a cunfessu , ci participeghju anch'eu) , tutti sti prudutti "identitaires" (caprettu) vinduti a prezzi sprupusitati , facenu chi sta festa chi ci duveria mette tutti a paru , diventa una lotta per esse di u cantu di quelli chi facenu u piu regalli , chi si tratecchjanu , chi un hanu che un laziu: fà imbiglia a l'astri .
per quelli chi hanu a fede , ma ancu puru per quelli chi un ne hanu , u spiritu di Natale un he micca quessu.
forse chi quist'anu chi vene ci vuleria a fà una campagna a prò di u spiritu di Natale, per rimeteci u capu a sennu?

O zì, vi ricurdate voi di l'aranci in i scarpi. Natale era tandu una festa riligiosa. Bastava u pocu per fà festa. Pasqua è a so settimana santa eranu forse più significativi è più forte in valore per i corsi,
Cù u bisinessu di Natale, mi vene in core ch'ella hè stata un'invenzione capitalista (americana), cum'è a festa di e mamme (istituita da Petain è Vichy di manera ufficiale), chì quì dinù sò l'americacu ch'anu principiatu à fistighjà à modu soiu e mamme.
Spinghjite l'urdinatori è e televisiò una volta à mese è urganizatevi una veghja, cum'è l'aghju sempre fatta in u mo castellu di Cuccuruzzu, dipoi più di 3000 anni ...
Chjamate à Papi, ch'ellu venga cù a so ghitarra, ch'ellu canti è ch'ellu fia cantà a ghjente. Pensate à invità qualchì vichjettu chì campa solu. Averà sempre qualcusella à cuntà à sta giuventù. Una volta à mese, pensateci, è pruvate à parlà è à fà parlà corsu, quant'ellu si pò . .