U top 10 di i risultati di dittatori

U situ Slate avia fattu un top 10 des dictateurs les mieux élus. Noi avemu vulsutu vede in chì paesi ci sò stati i risultati i più forti.

È cumu un risultatu di più di 90% ùn hè micca veramente un segnu di bona salute di a demucrazia, purtemu un sustegnu à tutti i resistanti minuritarii :

• u solu elettore di Stéphanie Grimaldi in u paese di A Nuvale

• i 22 elettori di Giacobbi à A Porta

• i poveri elettori chì ùn anu micca vutatu à diritta in Biguglia è à U Borgu

• i 5 disgraziati chì anu vutatu à Angelini in Ciamanacce

• i poveri elettori chì anu vutatu à diritta in Venacu

• u solu elettore di Rocca Serra in Bilia

Si devenu sente belli soli... curagiu !

Ma al dilà di a magagna, cumu spiegà chì in certi paesi semu à 90% è più ? Cunvinzione pulitiche ? Sistema clientelista ? Simpatia pè u merre ? O "sindroma di Stockholm " ? Paura ?

Stéphanie Grimaldi hà fattu campagna cum'è essendu "l'anti sistema", ma in u so paese face 90% di i voti.

Forse serà chì in Corsica ci vole à fà parte d'un sistema, d'una rete, d'un clanu. Sìntimu d'esse prutettu è di sentisi più forte : "ùn si sà mai, si pò avè bisognu"...

1. ORTIPORIU, ERONE è L'ALZI
100% pè Giacobbi

2. A NUVALE
98,3% pè Giacobbi, 1 elettore pè Grimaldi

3. A CASABIANCA
97,9% pè Giacobbi, 3 elettori pè Grimaldi

4. CURRANU
97,5 pè Rocca Serra, 3 elettori pè Angelini

5. I PIRELLI D'ALISGIANI
97,2% pè Giacobbi, 3 elettori pè Grimaldi

6. CIAMANACCE
96,5 pè Rocca Serra, 5 elettori pè Angelini

7. A CRUCICHJA
96,3 pè Giacobbi, 3 elettori pè Grimaldi

8. BILIA
96,3 pè Angelini, 1 elettore pè Rocca Serra

9. SAN GAVINU DI FIUMORBU
96,2 pè Giacobbi, 9 elettori pè Grimaldi

10. SANT'ANDRIA DI U CUTONE
96,1 pè Giacobbi, 14 elettori pè Grimaldi


1a circuscrizzione 2B :
Più forti risultati in Ogliastru (71,5 pè Simeoni), Tuminu (70,7 pè Zuccarelli), U Borgu (67,5 pè Gandolfi-Scheit), Ersa (66,8 pè Gandolfi-Scheit) è Biguglia (61,9 pè Gandolfi-Scheit).

2a circuscrizzione 2B :

• Giacobbi face più di 70% di i voti in... 98 cumune.

• Grimaldi face più di 70% in 14 cumune : A Porta (90,9%), Calacuccia, Campi, E Piazzole, Rusiu, I Castiglioni, Zuani, A Felce, A Stazzona, Pulverosu, I Piazzali d'Alisgiani, A Verdese, A Petra di Verde. Curagiu à elli per a seguita.

1a circuscrizzione 2A :

• Renucci face più di 70% in 4 cumune.

• Marcangeli face più di 70% in 6 cumune.

2a circuscrizzione 2A :

• Rocca Serra face più di 70% in 10 cumune.

• Angelini face più di 70% in 4 cumune (Vighjaneddu, Urbalaconu, Ocana, Bilia).

Tutti i risultati nant'à elections-corse.com