Omàgiu à l'UMP di Corsica

Dopu à 20 anni di putere à capu di l'Assemblea di Corsica, hè ora di rende omàgiu à a dream team di a diritta corsa.

Siamu franchi. Cun Paul Emploi Giacobbi dettu dinù "The Brain" à u capu di a CTC, a diritta pò dì à vedeci à l'assemblea di Corsica per una bella stonda.

Femuli puru cunfidenza à u venachese. L'omu ci capisce. Ùn vi scurdate ch'ellu hè statu elettu presidente di u Cunsigliu Generale di Corsica Suprana allora chì a diritta era magioritaria, in u 1998. Oghje, a magiorità Giacubbista hè di 2/3.

Per quelli chì anu cunnisciutu i petits fours è e lasagne à u Palazzu Lantivy, l'anni à vene risicheghjanu d'esse quelli di a traversée du désert.

Senza offiziu, senza postu à l'esecutivu, ch'anu da diventà ?

Per Jérôme Polverini si parla di fà "Koh Lanta". Antò Giorgi hà ripigliatu u club di "Des chiffres et des Lettres" di A Sarra di Farru.

Anghjulu Santini s'hè messu à u Prozac. Camillù hà da participà à "Lost".

Rendemu dunque un omàgiu à quelli chì anu fattu avanzà a Corsica st'ultimi anni.

u 1mu d'Aprile 2010

U Sgaiuffu

Accueil

Envoyer à un ami

Version imprimable

1.mandatu da So eiu u 01/04/2010 08:10

Bellu omagiu, nunda a di...

2.mandatu da ortifocu briziu u 01/04/2010 08:17

Vengu d'imparà chè Gandolfi prupone chè a piazzeta sia dichjarata d'interressu publicu, da quì à quattru anni certi di i sceffi di a piazzetta averanu à so piazza à l'assemblea.
Felicitazione sincere

3.mandatu da nul u 01/04/2010 11:20

à chier

4.mandatu da dmè u 01/04/2010 12:09

pare katsumi daretu!

5.mandatu da estrimei u 01/04/2010 12:10

attenti:
Antò Giorgi=> he un sbagliu: s'omu chjamma si dice o 'ntò , forse in certi lochi o Antò.
s'ellu si ammenta a qualchissia un s'ammozza micca u nome: Antone (o 'ntone) ha persu l'ellezzioni .

6.mandatu da Paul Jackobb u 01/04/2010 14:14

(da un teleffuninu)

RIP a diritta corsa

7.mandatu da anto u 01/04/2010 15:31

Attenti cum'ellu si vède nantu a e strade ferrate in cuntinente , :"un brain peut en cacher un autre " .Ava l'avemmu a vèdè a l'opera cu i sindicalisti di a SNCM amici di Dumènicu !

http://anto.over-blog.org

8.mandatu da gaspar u 01/04/2010 16:32

i tinti, ma ch'averanu da diventà senza u so ghjoculu preferitu : a CTC, i so soldi, i so posti, e so lasagne....

da quì à 4 anni ùn cuntate micca nant'à Giaconni per lascialli mancu una "chance" di ripiglià l'assemblea

9.mandatu da l'opportuniste u 01/04/2010 20:04

U tempu di Giacobbi finisce oghje (,da qui a 4 anni ) o allora a da duvinta un naziunalistu arrabiatu

10.mandatu da pulenta u 01/04/2010 21:11

O i naziunalisti hanu esse giacobbisti prugressisti

11.mandatu da Rossetu u 01/04/2010 21:42

Face un bellu pezzu chi i Naziunalisti volenu "prugrissà" incu Giacobbi o altri...so cume u "Modem" in Francia, nè a Diritta nè a Manca, e ancu più grave Nè Patriotti....tuttu què pè ghjunghje a L'Affare......Eo mi nè vulteraghju a vutà pè a diritta francese.cume a maio parte di i citadini francesi chè no simu sempre stati.. O allora ùn vuteraghju più...

12.mandatu da ARC.. u 01/04/2010 22:31

Bon viaghju dinù a Edmondu Simeoni..chi ghjè Sempre statu più vicinu ad a Diritta Burghese ( a peghju du tutte...) chi di u veru naziunalisimu... Purtantu si hè fattu 3 mandati in quantu elettu dettu di u "Populu corsu" ed avà lascia à piazza à u figliolu.... Allora pè criticà l'altri so forti, mà elli dinù ùn facenu pulitica pè ideale o patriuttisimu..

13.mandatu da luna bianca u 01/04/2010 22:56

Femu so ch'ellu ci pare u megliu ,u fighjemu micca so chi ugnunu face ,ch'elli sipianu di diritta ,di manca,o naziunalisti ,simu corsi , u nostru paese dev'esse a nostra priurita.

14.mandatu da ARC.. u 01/04/2010 23:01

Mà u tuttu hè chi a Corsica fermi u "Nostru Paese" e pè u mumentu ùn hè a strada ch'ellu si piglia.. a nostra priurità averebba dà esse u "Nostru Populu" e qui dinù pigliemu una strada periculosa..difesa dà i Capizzoni Naziunalisti.. e a parè meiu ci vole à fighjà..perchè ghjé un affare impurtantissimu...!!

15.mandatu da Maguy manghjaràlasposa u 02/04/2010 13:08

M'anu dettu chì Anne Marie Natali s'avia dà prisintà à Secret Story mà ùn si sà anc'avà chí sicretu ci vulerà induvinà chì ci n'hè parechji : • ch'averà dettu o fattu à Nicolas S per esse siconda di a lista. • ch'averanu avutu dà sparte cù Stephanie G...

16.mandatu da Zeruffu u 02/04/2010 15:26

A manca un vale megliu, o amici.
Un emu fattu chi i dui terzi di u caminu : aggiornamento e vittoria contr'a dritta. Ava ci tocca a fa crolle a manca.

17.mandatu da u picchju u 02/04/2010 16:50

m'indirizzu à ARC : à pena di rispettu pè su grand'omu chi si chjama Edimondu Simeoni ch'ha passatu a so vita à cumbatte u statu francese e chi riprisentava u veru naziunalisimu (cume tu dici). Pè quant' à u so figliolu, s'hè fattu dà per ellu.

18.mandatu da Ahmed Zavìa u 02/04/2010 17:14

Oghje simu u veneri santu e si deve manghjà pesciu...ùn ci ferà male ch'hemu ingullitu abbastanza serpi 'cù a diritta...

19.mandatu da ARC.. u 02/04/2010 18:23

O Pichju pe me ùn ci hè grand'omi (Fora di Paoli, Sampieru e Bonaparte..) ci so patriotti...... Mà face un pezzu ch'ellu un hè più naziunalistu, ùn difende mancu più u so populu....avà ùn ci parla più chi di "Droits de L'Hommes", a parulla "culunialisimu" li bruggia e labre.......basta a sente i so discorsi.....!! Si hè ghjuvattu di a lotta tuttu què pe esiste..e dopu hè scapattu....Indè e "Loges" pè dà lezzio al'altri si piglia pè u "Père la Morale" di a Nazione Corsa...U figliolu hè statu aiutattu dà tutti i "réseaux" di u babbu, si prepara dipoi parechji anni, sempre a l'ascosa dipoi 20 anni, aspettandu chi a piazza sia liberata...Dopu a fattu una prova in 2001 incu a "Diritta Burghese" in Bastia, allora ùn si hè fattu...Ghjé un erede.....mà un ci vole à criticà l'altri allora, ci vole ad esse onestu incu certi affari...Pè Edmond ùn hè un "Icône"...Hè ghjustu un corsu chi a apertu l'occhji a un'epica, la fatti apre a corsi, e dopu ha preferitu vede incu l'Occhju du u putere francese...

20.mandatu da U PICCHJU u 02/04/2010 19:22

Ai raggio o ARC , aspeteremu ch'ellu diventessi "post mortem" pè rende omaggiu à quess'omu ch'ha sacrificatu quarant'anni di a so vita pè i so cumpatriotti. Tantu, da qui à cinquant'anni u puderemu paragunà à d'altri omi ch'hanu fattu avanzà stu paese.

21.mandatu da ben Sbarcà u 02/04/2010 21:28

Hè troppu faciule di scrive ciò ch'ellu scrive ARC. A sentelu parlà hè forse un gran' patriottu. Hà u sguardu ghjustu è l'analisi fine. Averà forse un destinu naziunale s'ellu cuntinueghja cusì à criticà à unu è à l'altru. Mettimu a colpa à a so giuventù, chì si vede bè ch'ellu ùn hà cunnisciutu l'anni duri è pessimi di a lotta... Infine chì aghju amparatu chì i Simeoni eranu sott'à l'ordini di u putere culuniale. A' ringraziatti o amicu per "stu rinsignamentu" preziosu.

22.mandatu da ARC.. u 02/04/2010 21:36

Iè O Ben !! a ridicu francamente.....Elli e d'altri So indirettamente sotta l'ordine di Pariggi, defendenu principii culuniali incu i so alletati F-M chi volenu ch'ellu smarisca u populu corsu..

23.mandatu da ARC.. u 03/04/2010 09:50

O picchju!! ùn mi piace a mè "l' idulatria"...L'eroe so quelli cha anu dattu a so vita, micca quelli chi l'anu fatta incu u "Muvimentu"....e avale chi ùn anu mancu più l'onore di u sangue chi core indè e so vene....

24.mandatu da U PICCHJU u 03/04/2010 12:47

un parlu nè di idulatria nè di eroe mà di rispettu è di ricunniscenza.

25.mandatu da ARC.. u 03/04/2010 13:40

Rispettu iè !! Mà pè l'Edmondu naziunalistu di u 70..... micca quellu d'oghje chi batte incu Pacou e Avà Basta.....!!!

26.mandatu da estrimei u 03/04/2010 14:29

postu ch'omu l'ammenta, u mio pare he chi E.Simeoni he un omu puliticu 'ncu e so qualità e i so difetti .
he vera chi l'affare e u prucessu d'Aleria , fubbenu assai primurosi 'nu una presa di cuscenza di u Populu .
he tandu , ommancu per me , chi E.Simeoni fubbe l'incarnazione di u nostru populu .
dopu a u prucessu, aghju scupertu un omu puliticu , chi , cume guasi tutti , mette troppu passione per fassilla vallè!

27.mandatu da A voce di Culombu u 03/04/2010 23:01

A arc è à tutti, sara megliu un omu chí hà circatu tutt'a so vita una manera di salvà u Populu Corsu o tutti quelli chì si so messi in d'avanti per vince soldi, cumprà affari è scurdassine di tutt'u restu? Se tu cunnosci a vita di tutt'u mondu hè chè tu si un cruchot o qualchi fliccu di i rg mà vistu cio chè tu scrivi ùn devi ave chè pocu spiritu corsu è sarei piu vicinu di u fn chè di a lln. Quand'omu si batte pè u so paese è micca pè i so intiressi, si deve rispittalu è micca inbruttalu. Mà ti lasciu chì devi esse assai assai occupatu per e feste di Pasqua chì tutt'e campane - ùn scrivu micca e closcie - anu u travagliu

28.mandatu da ARC.. u 04/04/2010 09:35

O Voce, si peghju che u "Prefettu Bonnet", ùn si po più dà u so parè,
chi ghjé ??"l'Inquisition" .
Aghju dettu chi ED ùn era più naziunalistu, micca ch'ellu avia fattu i soldi incu a lotta...U peccatu ghjè ch'in Corsica si suvItanu l'omi e micca l'idee, e quandu l'omi scambianu d'idee, è bè u suvitanu listessu eo no !! In quantu à i Flicchi e i Rg, avà ùn anu più bisognu d'infiltrà i muvimentu cume indè u 70 o l'80, piglianu rdv indè una Osteria (Restaurant scusa...) pè chjachjarà incu capizzoni, e patriott elli si facena anni e anni di prigiunie.... Eo e campana ùn mi diaspiacenu (ùn so ebreu...) mà invece d'insultà a corsi chi dicenu u so parè (Incu tè a Corsica sarà forse una Dittatura..) Tù ti piatti darettu un screnu micca pè scambià mà pè insulta, sarai ghjuntu in Corsica incu u Pinnatu apesu a u fiancu..?!

29.mandatu da estrimei u 04/04/2010 11:17

so d'accunsentu 'ncu tè o ARC , quand'omu si he un omu puliticu , si he suttumessu a u paeè publicu di l'astri. e di u so parè un he micca inghjulià.
ARC pensa chi E.Simeoni he affiancatu a a squadra di Pacou , chi prupone a citadinità , per fà ch'omu lasci core a naziunalità , e ch'ellu c'he una dimerchja prufonda in stu sensu.
a pensu anc ' eu!

30.mandatu da estrimei u 04/04/2010 11:19

....si he suttumessu a u parè publicu di l'astri. ..

31.mandatu da A voce di Culombu u 04/04/2010 12:07

M'ai ricunniscutu o arc so eiu, u prefettu Bernard Minet, capu maestru di l'inquisitori di a jirs. Facciu un inquiesta chì l'arc hè a prima struttura pubblica di l'accolta di u Populu Corsu. Se t'ùn la sai simu nant'a Piazzetta, ghjè qui ch'ellu si macagna a ghjente, micca à imbrutali. Un mi piattu micca daretu à nimu è se tu voli, puvemu discore inseme ti lasceraghju u me numaru di teleffonu.

32.mandatu da ARC.. u 05/04/2010 18:45

o Voce, i numeri di telefonu ùn pigliu chi quellu di e donne (So un arcaicu...)... e po cquale hè chi mi dice chi un cascherebbi indè nantu à una ligna "DCRI" o "Rue Cadet".
A mè dinù mi piace a macagna......
A ripettu, ùn aghju mai dettu chi ES avia fatti i so affari cume certi di u MPA o A Cuncolta indè l'anni 90, dicu chi oghje ùn si sente più e ùn si risente più primura Naziunaliste e Edmond (Mà ùn serà u solu hè vera....)averà a so parte di rispunsabilità intantu che "Mentor"..

A prestu, amicu Prefettu Papon...

33.mandatu da Spampeghju u 06/04/2010 17:56

Pocu fieru nò ! O Arcu, certi anu fattu "i so affari" ? Dimmi qualessi postu chì l'affare pare più ch sicuru. Tù sì u "veru" naziunalistu" è l'altri ch'anu patutu tante volte a ripressione culuniale nò ? Cumu faci per quantificà ? Ti piace a macagna ? A mè dinù, ma qu l'affare ùn hè più di macagnà o tandu ùn sai micca ciò ch'ella hè a macagna in Corsica. Ne sì à parlacci di Simeoni, di MPA o di Cuncolta. Parla tandu, ma parla in veru. Chì ciò chè tù scrivi, si pò leghje dinù nant'à d'altri fori, forse più arcaichi (cum'è tè). Aghju capitu: sì di quelli chì cappianu ciò ch'elli sentenu è chì dopu a credenu. Bravu, cù ghjente cum'è tè a Corsica avanza. Forza o amicu, ma passa di l'arcu à u fucile. Ma dimmi, a sai ciò ch'ellu hè "un fucile" ? Eviva a lotta...

34.mandatu da ARC.. u 06/04/2010 21:08

O Spampeghju Evviva si scrive cusi... Pè l'affari a sapemu tutti, e po ne parlu di manera libera perchè eo tandu era di a Cuncolta...

35.mandatu da ARC.. u 06/04/2010 21:51

U "Fucile o a canna à piscà" avia dettu unu...dopu Aleria...ùn si era sbagliatu..!!
Un so che un patriottu, micca più veri che l'altri, mà eo so ricunosce i mo torti e so cuscente di e dibulezze di a "Lotta" a causa di pratiche di certi "Bastiacci" o "Aiaccini". Eo disgrazia cume quelle di u 90 ùn nè vogliu più...Mà un vogliu dinù vende a corsica pè un piattu di lentichje e u populu corsu pè qualchi piazze a l'assemblea o in altrò
...Avà ti lasciu o "Ponce Pilate", tu sarai un veru patriottu a l'occhji ciosi, e pè che tu a sapii, indè mè dinù avemu suffertu di a ripressioni in quelli tempi (arcaichi...)
u mo tempu m'hè preziosu ti lasciu a prestu....!!!

36.mandatu da spampeghju u 07/04/2010 06:31

Sò 30 anni è più chì u tempu ci hè preziosu à tutti. Ma fideghja chì noi dimmu eviva, micca evviva in i nostri paesi. Cambia tuttu, iè, cambia propiu tuttu...

37.mandatu da ARC.. u 07/04/2010 12:04

U tempu fila e ùn si po richjappà.....e l'affari in Corsica un puderanu cambià che male...Allora evviva cio che tu voli...!!!

38.mandatu da CFR u 07/04/2010 14:52

A Corsica fermarà francese e u populu corsu smariscerà, e tantu megliu...
A Corsica deve andà a "razze nove".... LiBertà Ugualità Fiscalità.......!!!!!!!

39.mandatu da polamilcar u 07/04/2010 17:49

site i piu forti ...................

40.mandatu da zuzzicabugnu u 14/04/2010 14:54

Mi so campu lighjindu tutti sti scritti chi mi portani a prova chi i Corsi so sempri primurosi di a patriaè di u populu!

Mà quantu mi hà fattu mali a niscentria di i "nationalistes modérés" chi ani crettu che andendu à Damas pudariani tuccà o piutostu buscà qualche bedda piazza!
Un pudaremu strappà che cio che strapparani i nosci lotti! Rigali ùn avaremu mai!Saria ora che ugni corsu capissi à u minimu quissa! E suvitemu i 'dei è micca i capizzoni di qualunqua sorti !

41.mandatu da ARC u 14/04/2010 20:36

O zuzzi' certi muderati o micca ùn so andati soli in Damas, so andati à Canossà, per mè ùn ci hè ch'una lotta, quella di a sculunizazzioni tutale e glubale...è ne simu di più in più luntani...peccatu murtale pè i nostri figlioli e figliulini....Populu corsu "ùn avrai mai bene"..

42.mandatu da spampeghju u 15/04/2010 13:08

EVIVA I PURI, EVIVA I DURI, EVIVA I MURI

43.mandatu da ARC u 17/04/2010 11:27

Evviva a Repubblica di Francia...O Spampè...!!

44.mandatu da CFR u 17/04/2010 16:38

A franciaccia ùn po campà senza noi altri, allora fate la finita incu e vostre pulitiche automiste o independandista, eo so favurevule a une Francia appena più corsa...!!

Novu cumentu :