Accolta > TERRITURIALI 2010

Naziunalisti : "la bataille des AG"

V'era piaciuta "La bataille des chorales" cun Patrick Fiori ? Allora avete da campavvi cun "La batailles des AG" di Jean-Chri, Gilles è Jean-Guy...

Chì tanti Amel Bent, Dany Brillant è Patrick Fiori ! Ancu i Corsi anu i so curisti. I capimachja si chjamanu Jean-Chri, Gilles è Jean-Guy.

E battaglie si passanu a maiò parte di u tempu in Corti, in l'anfiteatri di l'Università a dumenica.

Ogettivu : avè u più pussibule di mondu nant'à a fottò chì passerà u luni in Corse-Matin.

A battaglia ùn hè ancu à compie è ùn si sà quale di u PNC, d'Inseme o di Corsica Libera averà da vince. Invece, sapemu digià chì senza unione, i naziunalisti averanu da perde a guerra.

Mentre ch'elli si bàttenu i militanti per fà vene u più pussibule di mondu "per u ritrattu" à colpi di SMS è di messagi nant'à Facebook, u populu cummencia à stancassi. Più và, menu l'unione si ferà.

È si nisuna di e trè liste francava a barra di i 7% per esse à u segondu giru ?

Camille è Paupaul ponu dorme tranquilli... serà bella a CTC di marzu prùssimu !

u 27 di Dicembre 2009

u webmaestru

Accueil

Envoyer à un ami

Version imprimable

1.mandatu da yes, we can't u 27/12/2009 18:30

quandu i capimachja averanu da capisce CHI NIMU PASSERÀ A BARRA DI I 7% ???

tre liste, tutte à 6,9 è tuttu u mondu si sterà in casa soia !

2.mandatu da Ghjovanu pumuntincu u 27/12/2009 18:41

Par via di tuttu issu cumbugliu ch'elli facini, tutti i nostri spiranzi pà un avvena sfarenti è custruitu d'un antra manera, ani à essa lampati à caternu....Povara à noi, ci intazzemi torna trà di noi, è emi à perda a battaghja...

3.mandatu da jean-ghitarra tralasciata u 27/12/2009 18:42

"bataille des AG" o "bataille des égos" ???

4.mandatu da sunatelucornu u 27/12/2009 20:05

ùn seraghju quì à intazzà à unu o à l'altru. Sò rispunsevuli tutti, dicu bè tutti. Li dumandu solu di riflette à ciò chì si pò passà dumane s'è no perdimu. Ch'anu da lascià i nostri capi à i nostri figlioli, dopu à più di 40 anni di lotta? Hè opiù chè ora di fà l'unione per a salvezza di a nazione.

5.mandatu da zeruffu u 27/12/2009 20:53

C'era a pussibilità di vince qualcosa, di ghjunghje infine à e rispunsabilità è di principià à mustrà chi u naziunalismu un hè solu un partitu d'upposizione o un gridatoghju, ma un partitu di gestione, capace d'esercità u pudè è di cambià e cose partendu da l'iniziu, vale à di da u cuncretu, da i cartulari, l'unu apressu à l'altru, iniziendu una dinamica nova, cum'è a facenu e rughjoni di Spagna. Eccu una perspettiva assai più difficiule da cumbatte pè u Statu, perchè publica è legale.

Ma u fattu si stà chi ci n'hè chi ùn so pronti à fà i sacrifizii necessari, è chi pensanu piuttostu à u so interessu persunale à u mumentu duve un'esitazione paghjesa hè ancu peghju che un attaca nemica. Grazia à elli, a naziunalismu hà da smarisce. Bravu !
Un so militante à u livellu puliticu ma vi possu di chi avà ne so cuntentu. E mi dumandu se un aghju micca da stallami in Sardegna : i Corsi m'addisperanu. Corsica, u paese di i tonti, di quelli chi volenu sempre un'affare è so cuntrariu, chi so incapaci di decide qualcosa, chi stoffanu sempre a ghjuventù, chi danu u pudè à i peghji, à i vechji centinari chi s'imppipanu di i zitelli è di l'avvene, è chi pratendenu di vulè battesi pè salvà u so paese, ma chi in veru si n'imppipanu cum'è di l'annu 40 di riesce qualcosa è chi si rallegranu di pudè fà cascà quelli chi ponu vince, pensendu cum'è tutti i patriarchi dicadenti : se un possu eo esse u capu, allora feraghju cascà tuttu u mondu à è cusi saremu à paru...in u rumenzulu !

So addisperatu !

6.mandatu da PERTU SANTU u 27/12/2009 23:05

E ghiunta l'ora di fa l'unione per a salvezza di a nazione..Saria ancu u momentu di scioglie sta situazione chi per mé un n'hé micca..... Per u fattu, tuttu ghié affari d'omi.Tuttu ogn'unu volé u capu.Ma si scordanu di accurda l'idéè.L'idéè so listessé.Un manca più ché messesi d'accordu,chi hé vinuta l'ora di guverna a Corsica,a nostra gjienté,u nostru populu,hé di lappa fora tutti si manghioni,chi ci portanu a caterna, noi altri ghienté di u populu...Aio o fratelli ,curagiu,ripigliému a nostra lotta,u momentu si presta..

7.mandatu da Igor u 28/12/2009 00:57

Jean chri e Gilles se vo ci leghjite, ci addisperate.

E lezzio di u passatu un so micca ritenute

un vinceremu mai

u populu si ne morre, vi ne infuttite

ci stumacate

8.mandatu da estrimei u 28/12/2009 08:28

a mè mi pare chi u periculu he chi i partiggiani un sò micca militenti pulitichi , mi pare dinnù chi i pertiti " naziunalisti " (ommancu u pnc e inseme - chjama) hanu piu laziu di fà eleghje nepochi d'amici ( stampati:"competents" , o chi portanu (o si pratendennu purtà) i voti).
oghje ,u penseru di sti pertiti e di avè u piu eletti pussibile ; micca a stabilisce una puliticà chi piglia a difesa di un Paese e di un Populu chi si ne more .
mi pare chi una vera campagna seria stata di fà pruposte , di falle cuntrastà da reunione publiche . chi s'ella c'era una differenza tra pertiti ch'ella fussi pulitica .
oghje a chi ne simu?
c'he una pruposta corsica21 (quelle di u pnc o di inseme, oghje un si cunoscenu !) sta pruposta, un he ne criticata , ne ammentada da l'astri .
a a fine di tutte ste intrapullate , si vuterà "naziunalistu" (senza avè edee chjare) cum'ellu si vota pertitellu o pertitone . un sò quale serrà chi vincerà , so chi he sicuru he chi a Corsica l'averà in l'organi!

9.mandatu da Joëlle u 28/12/2009 10:02

I militenti pulitichi di l'UNIONE, o di a CUNVERGENZA, chjamate la cum'ella vi pare... ci sò.
S'ùn avete micca lampatu tutti i ghjurnali di quist' annu à u "recyclage" fin'ora, circate appena quale hè u partitu chi prova sempre à fà la, l'unione, parlendu cù tutti senza piattà si, è senza lascià cascà ne cunvinzione ne sperenza.
Bon capu d'annu à tutti, è prima di tuttu à i prighjuneri chi ci aspettanu in marzu. Per francà u "marzu catarzu" bisogna à agisce AVÀ!

10.mandatu da machja u 28/12/2009 12:26

Si liticanu tutti per vince, per ave una piazza d'elletti a l'assemblea, e po dopu ?
Chi pudera fà una magiorita di naziunalisti a l'assemblea, cu una sumiglia di putere, sempre tenuti da Parigi e u statu francese.
Liber Bou diccia che mancu 300 000 naziunalisti un puderianu cambia a pulitica di a francia.
Alora invece di liticassi per un ossu a russica, un ghjocculu, invintattu per u statu francese per mette a puzza tra i corsi, un andemu a vuta ne per l'unu ne per l'altri, issa elezione hè francese, e fata a l'usu francese cu e so trappulle, e e so regule,per sottumette u nostru populu per u sempre.
Per me a francia un hè piu leghjitima per decide di a nostra sorte, ritruveremu nostra suvranita naziunale da per noi, senza passa per u statu francese.
L'elezione si devenu fà, inde a nostra custituzione; a CUNSULTA NAZIUNALE, sola riprisentànta di u Populu Corsu davanti e forze internaziunale.
ASTENZIONE REVOLUZIUNARE

11.mandatu da Lonzificazione di a sucetà u 28/12/2009 15:52

Ciò chì ghjè bè hè chì s'è tù pigli 50 voti à a Cunsulta Naziunale, faci 100% di i scritti... Ùn hè cusì ?

O machja, o hè magagna, è tandu sì veramente bonu, o parli in seriu è tandu ci hè da pienghje... Aiò piantate appena cù e vostre scimità, ùn piccia micca a cunsulta, ùn vedi micca chì ùn andà micca à vuta, vale à lampà per Rocca Serra o Zuccarelli ? Ùn ci hè nunda di revuluziunariu à ùn andà micca à vutà à st'elezzioni. "Astenzione revoluzionare" po po po, n'importa chè....

Ci n'hè una techja di tutti 'ssi scemi chì ùn votanu micca perchè li si pare di sapenne sempre di più chì quelli chì s'impegnanu in pulitica. A dicu ancu più vulenteri chì ùn mi sò mai prisentatu à un' elezzione, ùn sò scrittu à nisun' partitu è ùn sò micca per quale aghju da vutà di marzu. Puru ciò ch'eo sò, hè chì vuteraghju naziunalistu perchè tutti l'astri, di a Corsica, ùn ne anu nunda à futte. Ùn dicu micca chì tutti i naziunalisti sò santi, ma ghjente veramente imprimuriti di u nostru paese, ci n'hè di più ch'è nant'à l'altre liste.

Simu in traccia di more, è ognunu tira a so vescia cum'ella li pare, ci n'hè una techja.
Andate è vutate naziunalistu, à qual'ella vi pare, ma vutate Corsu. È BASTA !

12.mandatu da fratellu ficatellu u 28/12/2009 16:57

L'eletti sò criminali, è l'elettori li so cumplici. A demucrazia hè sola una dittatura di li più numarosi (è dunque i più coni) annant'a una minurità. Quandu pensu chi e closce du u mio paese hanu u putere di sceglie l"elite" ch' hà da esse a u capu di a nostra cummunutà, quandu pensu che 3 nerpie, incu stu sistema, averanu sempre raggiò di pettu à 2 caponi... Mi dicu simpliciamente chi l'elezzioni so ghjustu un arrubecciu tamantu... Un daraghju cunsigli à nimu, ognunu face cio ch'ellu vole. E po, i cunsigli, sò sempre i sputridi "demucràtichi" chi li dannu : "Ouaaaais tu comproonds, y'en a qui sont moooorts pour le droit de vote !" ò "Si tu t'expriiime pas, c'est quelqu'un d'autre qui le fera à ta place !", ò megliu "C'est un devoir",, senza parlà di u magnificu "C'est le moins pire des systèmes !" :-D Pover'a noi !

13.mandatu da machja u 28/12/2009 16:58

O lonzificaziona di merda, si tu chi ai da pienghje u mese di marzu, quandu i muvimenti naziunalisti hanu da smarisce, si un si mica daccordu cun me, tene a to lingua, un ci hè bisognu di traparla, po po po ,un si mica natu di l'altra parte di u mediteraniu no ?
Ghje cu ghjente cume te che rocca sera e zuccarelli so sempre in piazza, e un site pronti a cacciali.
Partiti naziunalisti= partiti francesi

14.mandatu da Corfatex u 28/12/2009 17:04

u più felice

http://www.youtube.com/watch?v=TdjZbrjaRu8

15.mandatu da pneu u 28/12/2009 17:04

eccu, 10 messagi è ci tazzemu trà di noi.

ùn meritemu ch'è cio che no avemu

16.mandatu da circinelludiguagnenativupeliguagnesusosanguaversatu u 28/12/2009 17:42

ùn hè unesta a fiura di quissu l'articulu: a fottò di Corsica Libera hè quidda di a so fundazione micca di l'alizzioni !
pà u mumentu i soli "AG" so stati di pnc è chjama, Corsica Libera, edda, si hè urganisata una riunioni di travagliu in Corti, invittendu à ognunu... è chjama è pnc ùn ci so andati...

17.mandatu da Cumpalliols u 28/12/2009 18:36

In riassuntu tuttu ormai quì hè à rinnuvà, a storia cusì, ùn deve firmà (hè una citazione).
Pensu chì tutti serete d'accunsentu

http://cumpalliols-in-corsu.over-blog.com

18.mandatu da Lonzificazione di a sucetà u 28/12/2009 18:41

qt[O lonzificaziona di merda [...] si un si mica daccordu cun me, tene a to lingua]qt

Bella quessa ! o mancu hè chjara !

Bon, vecu ch'è tù maneghji megliu l'insulte ch'è l'argumenti, ma ùn hè mancu quessa chì mi dirangia, l'insulte facenu vive dinù u forum, ùn face nunda, per mè a qualità di a to risposta vale à conclusione. Mi dispiace quantunque, pensu chì a discussione si meritava una seguita...

Alè, ti pregu pace è salute listessa scerì !

19.mandatu da machja u 28/12/2009 19:00

Eiu aghju datu u mio pare e tu m'hai tratatu di "scemu", t'aghju rispostu di stessa manera.
Un si po cuntrasta cun ghjente chi hanu sempre raggio.
Che 2010 vi mette a pena di sale in zucca.
Pace e salute a tutti

20.mandatu da sunatelucornu u 28/12/2009 19:29

Iè per tazzà ci sapemu tazzà. Basta à leghje quì sopra. E' dopu?
Intantu l'altri avanzanu è ci anu da compie. Dumane Giacobbi dice a soia. S'è vo ùn avete capitu avà, tutti quant'è vo site, ùn capiscereta mapiù.

Per ch'ella campi sta lotta di u populu corsu, ci vole l'unione. Micca per fà piacè à unu o à l'altru, ma per ùn abbandunà e generazione à vene. Un prugramma solu: " ùn vulemu diventà l'indiani di u Mediterraniu !" Allora diceraghju a meai dinù per l'annu chì spunta:

Per u 2010
ch'ella volta trà naziunalisti l'amicizia
a vulintà di fà è a franchizia
cusì turnerà a vittoria è a divizia

21.mandatu da Orezzincu u 28/12/2009 19:40

Povera Corsica! Poveru paese... Clanisimu, clientelisimu, pulitichella! Un stumacheghju!!!

22.mandatu da estrimei u 28/12/2009 20:24

o ghjente,
cuntrastà he un bisognu ; so nu a femmu a di per noi, un so micca i muvimenti pulitichi chi ci feranu cuntrastà .
cume so , di sicuru , u piu vecchju di stu foru , vi lampu una chjama :
dimu u nostru parè , u piu scimatiggu he utule per facci avanzà . ma femmulu 'nu u rispettu di noi stessi e di l'astri.
avemu un liggame : a lingua , pruvemu a aduprane un astru u rispettu . so ci ghjunghjimmu a riflessione pulitica piglierà a suprana nantu a pulitichella.

23.mandatu da Cumpalliols u 28/12/2009 20:36

Forse podasse averiamu bisognu di morre per rinasce sempre più forti.
Eiu, ùn sò.

http://appuntamentu-corsu.forums-actifs.net/

24.mandatu da Joëlle u 29/12/2009 10:59

Ò Cumpalliols,
"Forse podassi" chi tù sè buddista puliticu mediterraniu...
A reincarnazione??? Eiu??? ... Mancu morta!!! :D)))

25.mandatu da machja u 29/12/2009 11:30

O Estrimei, ti dice u piu vecchju di su foru, po d'esse, ma anc'eiu, un socu mica un piulellu, socu un militante di a prima ora, aghju cunnisciutu tutte l'unione, disunione, i tradimenti, i rinnegamènti, i pentuti di l'ultima ora, chi facianu u so"mea culpa" in publicu, e chi oghje ci danu sempre cunsiglii.
Ma vuleria fà apenuccia di storia;l'assemblea di corsica hè stata messe in piazza per u piu gran banditu di marsiglia; Gaston Defferre, cu i cunsiglli di i so amici corsi di Pariggi o di Marsiglia chi cunniscianu be u spiritu e a mentalita di i nostri paesani.
Issa assemblea hè stata a piu granda "bomba" lampata annanta a corsica per issu vecchju scruconu, chi sapia cio ch'ellu facia.
Ha fattu piu disguasti che e milai di bombe di, u Fronte in quarant'anni.
Dipoi, i corsi si so scatinatti, tutti vulianu un pizzatellu di u biscottu, u nemicu un era piu u statu francese ma u fratellu di lotta, u vicinu di u paese, e famiglie si so spicate per a pulitichella, tutt'ognunu vulia entre in issu "santuariu francese".
Un ci vole a sbagliassi, un avemu nissun putere in issu locu stranieru,quandu l'assemblea avia vutata a ricuniscenca di u Populu Corsu, u statu francese a dettu" inno" e tuttu u mondu hè rientratu in casa soia, u patronu avia parlatu.
E po, eletti naziunalisti ci so , chi facenu, e ch'hanu fattu dipoi anni e anni, ch'hanu cambiatu in Corsica, NULLA,ié hanu e so piazze a u caldu , ben pagatti per u statu francese" u nemicu"ch'elli devianu scumbatte.
E poi eiu un possu piu da fede a ghjente chi, hanu per ambizione d'appiccicassi nant'u pettu issu "stracciu,azuru, biancu e rossu".
E ghje per quessu chi un anderaghju a vuta, ancu se a Cunsulta un"piccia micca", oghje, picciara dopu a l'ultima scunfita di i muvimenti, chi si dicenu naziunalisti.
E veru chi u votu hè un diritu, ma un hè mica a francia chi ci la datu ma Pasquale Paoli, e inde a ripublica francese avemu u diritu di vuta, ma per quelli chi u putere a sceltu.
Amicizie e fratellanza

26.mandatu da ghjacumu u 29/12/2009 12:33

micca d'accordu cun machja.

avà basta di stà in l'opposizione è di mughjà, ci vole à ghjunghje à e respunsabilità, o allora ùn si face pulitica.

a cunsulta ? bunissima idea ma ùn piglia micca...

hè cusì, hè u ghjocu di a demucrazia (cù i so difetti !) sò d'accordu, a demucrazia hè una cunneria, hè a dittatura di i conni. ma per avà ùn avemu trovu che quessa.

2 liste : 1 "dura", 1 "molle", saria più logica nò ?

27.mandatu da machja u 29/12/2009 14:19

E respunsabilita l'avemi dighja, ma u putere e e decizione appartenenu a u statu francese.
Perchè duie liste, basta una lista Corsa.

28.mandatu da ghjacumu u 29/12/2009 16:47

perchè trà partigiani di a lotta armata (chi purtantu ùn esiste più dipoi un pezzu...) è anti-viulenza ùn ci hè mezu di cuntrassi.

hè più ch'è cunnisciuta : si face più voti cun 2 liste ch'è cù una sola.

Gilles è Jean-Chri, FATE L'UNIONE

29.mandatu da ZIU ANTO U PURCAGHIU u 29/12/2009 17:26

Femu vuta i morti...E vutemu naziunalisti...

30.mandatu da estrimei u 29/12/2009 17:59

o machja,
so so d'accunsentu nant'a parecchji punti , ci n'he unu ch'o vuleria cuntrastà : u[he quellu di rispunsabilità .]u
si i muvimenti naziunalisti avianu insignatu u militentisimu a a piezza di u muntunisimu , di sicuru , l'affari anderianu megliu .
oghje , avemu i fori corsi , avemu dinnù u foru di rcfm . so i sapemmu aduprà , puderemu, forse, ghjunghje a cambià u muntunisimu in riflessione pulitica , e u votu di parentia , d ' amicizia o d 'interressu in un attu puliticu

31.mandatu da filidatu u 29/12/2009 19:52

o Machja,
sò d'accunsentu cun tè natu à parechji punti, ma ci sò chì mi scumodenu:
parli d'astenzione revuluziunaria, ùn ci hè nunda di rivuluziunariu à astenise d'altronde a revoluzione ùn avemu mai vulsutu falla.
Sò d'accunsentu cun Lonzificazione di a sucetà quand'ellu scrive chì ùn vutà micca hè vutà per zucca o rocca serra.

Eo vuteraghju, micca per l'omi, per e m'idee, perch'elle ùn perdinu fiatu, hè sicura chì anch'eo vulerebbe vede i naziunalisti à e respunsabilità, ma à chì patti? E cun quale?? Cun Giacobbi?? O zitelli da u cumprumessu à a cumprumissione ùn ci hè tanta differenza. L'aghju digià detta quì, Giacobbi hè u peghju affare chì possi accade à a Corsica allora o ghjente riflettite

32.mandatu da machja u 29/12/2009 20:04

Hai raggio, Estrimei, i muvimentu l'hanu fattu a u principiu e dopu hanu piantatu, perchè ?
Ci vuleria pone a quistione a tutti quelli chi cercanu torna a burlà u nostru populu.

A Ghjacumu diceraghju, ci si vole a sape so che omu vole: cambia l'avvene di a Corsica o fà piu voti chi u vicinu ?

33.mandatu da machja u 29/12/2009 20:36

Filidatu, un vogliu cunvinsce a nimu, ma sciarisce a me pusizione.
Quest'annu sera a prima volta che un anderaghju a vuta, e ti vogliu spiega e mio ragio.
Dopu piu di trent'anni di militentisimu attivu, aghju fattu un'arrestu, e aghju fighjattu u bilànciu, un era mica bellu:
una generazione sana , d'omi e done,sinceri, patrioti, pronti a da a so vita per a Corsica, burlata, sacrificati, imprigiunati, inghjuliati e u peghju, tombi, per u scimuchjine, l'orgogliu e a pritenzione di certi capimachji abbagliulatti per u putere e e so ambizione persunale.
Quessu hè un primu puntu, u sicondu hè chi oghje a francia un hè piu leghjitima per decide di a nostra sorte e dunque piglia l'assemblea o lacciala a rocca sera un cambiara nulla, u Populu Corsu sara sempre perdente a issu ghjoccu francese.
L'avvene di u nostru populu, da per me,e qualchi altri, deve esse sceltu e cuntrastatu democraticamentu,in un locu, un spazziu fattu da i corsi pa i corsi,per me issu locu hè a Cunsulta Naziunale.

34.mandatu da simeon angelini è angelin Simeoni u 29/12/2009 23:12

o Filidà,
Voli ancu tù chì un ghjornu, u più prestu pussibule nò? , i naziunalisti possinu participà à u guvernu di stu paese. Eiu ùn ti vogliu nè scunvince, nè pigliatti per un niscentre. In tante merrie, ci sò naziunalisti. Dumandati perchè? S'è u naziunalisimu, cù un discorsu di rumpitura riguardu à u discorsu tradiziunale soiu (vechju di più di 40 anni, è simbulizatu per u più da u simeunisimu) ùn pò, cun pattu chjaru, accimà st'ogettivu (ci hè un bellu passu da u cumprumessu storicu à a cumprumissione), tandu piantemu tuttu o turnemu à mette u focu à l'isula sana.
Eiu sò di a generazione ch'hà urganizatu a nostra cultura d'uppusizione à u sistema. Un' rinegu nunda, sò sempre listessu, i morti sò dinù i mo morti, i prigiuneri, sò dinù i mo prigiuneri. E' ùn mi vendu à nimu, ch'ellu sia Giacobbi o u merrichju di u mo paese o puru à qualunque cunsigliu generale d'un cantone di muntagna..
Parli di l'ambiziosi. Ma guarda bè , n'ai più di centu ingiru à tè, quindi è custine. Eiu per compie, sò invechjatu in tutte ste lotte è vecu invechjà avà l'altre generazione. Sin'à quandu?
L'affare si passa quì è oghje. Senza suttumissione, forti di ciò chè no simu è di ciò chè no speremu. Hè per quessa ch'ùn stò à sente i puttachji à nant'à unu o l'altru.
Hè ora di fà l'unione per cambià dinù l'andatura di u naziulisimu di pettu à a cultura di u pudere. ùn ci hè più tempu à perde, nè à perdesi in chjachjare.
A cunsulta, chè no a voglimu o nò, hè l'assemblea di Corsica. Piace o ùn piace, ma hè cusì. E liste eletturale, ùn sì micca tù à falle, hè u statu è i merri corsi. Avanzemu inseme per a nazione. S'è fendu què aghju peccatu, averaghju sempre u tempu à cunfessammi.

35.mandatu da filidatu u 30/12/2009 08:51

Forse sò eo chì mi sbagliu, sò giovanu ùn aghju micca a vostra sperianza ma per parlà torna di Giacobbi ( postu chì hè cun ellu chì una allianza si ferebbe à u terzu giru ) ùn u ghjudicheghju nant'à puttachji ma nantu à i so fatti, Giacobbi hè un pistellu di u clientelisimu chì mantene a Corsica in u coma economicu, Giacobbi hà in giru à ellu eletti antinaziunalisti à l'anima ( Nicolai u merre di Cervioni) per mè sò duie ragiò impurtante per ùn vulè vede un allianza trà quelli chì portanu e m'idee è ellu

36.mandatu da estrimei u 30/12/2009 10:35

o filida' ,
Forse sò eo chì mi sbagliu, sò giovanu ùn aghju micca a vostra sperianza
tu si giovanu , eu so vecchju , l'astru ne sà troppu , quilastru he un imbecile......
un 'nteressu di u cuntrastu he chi ognunu dicà, 'ncu sincerità e rispettu , so chi li pare . a riflessione d'ognunu c'ajuta a tutti e si dumane (oghje mi pare troppu vicinu) u Populu diventa rispunsevulle 'nu e so scelte , vinceremu.

37.mandatu da cazanova u 03/01/2010 20:15

i nostri capizzoni ci piglianu per CONNI. ascultemu li parlà!!! , e parlà torna cu infrasate bellissime e girate bè , cu idee chi parenu ricche e muderne, cu parolle belle girate e chi ci facenu piace (micca a me). UN EMU MICCA BISOGNU DI QUE!!!!!!!! a vemu bisognu di 5 persone cu un prugettu di 1 paggina (micca di piu puttana gobba!!!) e ch'elli arrestinu e so AG di merda.
A corsica un he tantu grande. ci vole una squadra pronta di 10 parsoni qualificate per rivultà a situazione. INDUVE SO??????? un l'avemu micca. allora cuminciemu a rifeltte: c'he un prublema custi o ghjenteeee!!!!!!!!!!

38.mandatu da Test u 15/01/2010 12:00

Test

Novu cumentu :