Bastia in Naziunale : Thiriez pò sorte u champagne

Bastia averà messu 45 anni pè vultà à u livellu amatore. Certi in Parigi ponu fà a festa. Malgradu a bona vuluntà di i dirigenti è quella di Faruk, ùn si richjappanu micca 15 anni di manghjerie è di carnavalate in 3 mesi...

Dopu à "l'affari" Chimbonda è Kébé, u presidente di a liga francese di futbol Frédéric Thiriez avia dettu vulè sbarazzassi di i clubs corsi.

A Francia di u ballò (sapete, quella di Thierry Roland, Franck Ribéry è Zahia...) hè dunque felice di perde u Sporting.

45 anni dopu a so entrata in u mondu prufessiunale, u club bastiacciu si ne more pianu pianu, malgradu u strasordinariu sustegnu di tuttu un populu, cum'ella s'hè vista contr'à Vannes.

Thiriez pò sorte u champagne. A Ligue 2 perde un club corsu, porta bandera di tuttu un populu, sempiterna anumalia in u mondu di un futbol di più in più bizness, di più in più asettizatu è senza passione.

Da u National collanu Evian-Thonon (un club fantòmaticu fattu cù i soldi di Danone), Reims è Troyes, dui club di u nordu di a Francia, serii è strutturati, puliti cum'ellu ci vole, gestiti da presidenti ambiziosi è dinàmichi chì sentenu bonu a France profonde di u fair-play è di l'andouillette.

Ma si in Parigi nimu face rigali à i club corsi (ultimu esempiu, l'affare incredibile di u macciu Aiacciu - Le Havre), malgradu i risultati strani di i cuncurrenti di Bastia chì si sò tutti messi à vince, malgradu u fattu chì u SCB hè una squadra chì parechji volenu vede falà è chì a dicenu francamente in i media (hè un fattu unicu !) : arricurdatevi Niang o Darcheville : J'aurais bien aimé que le club descende en CFA. Dès lors, il n'y aurait pas de déplacement là-bas (sic), si u Sporting fala ùn si ne pò piglià ch'è à ellu stessu.

Troppu disorganizazione, troppu gattiva gestione, troppu maguglie (da u transfert d'Essien à a manghjeria di u stadiu), troppu amaturisimu, troppu n'importa chè.

Malgradu a bona vuluntà di i dirigenti chì anu ripigliatu u Sporting di dicembre è quella di Faruk Hadzibegic, ùn si richjappanu micca 15 anni di carnavalate in 3 mesi.

Avà principia u cantieru di a ricustruzzione di u club pè ricullà prestu in L2. S'ella ùn si face micca, hè un destinu cum'è quellu di Cannes, Toulon, Mulhouse, u Red Star o Martigues, ex-clubs di prima divisione persi pè sempre chì ci aspetta.

u 5 di Maghju 2010

u webmaestru

Accueil

Envoyer à un ami

Version imprimable

1.mandatu da filidatu u 06/05/2010 09:59

Marti sera sò ghjuntu crosciu intintu in casa, azezu fracicu, è a mo moglia ùn capia perchè chì mi mettia in u statu simule per u sporting, dicendumi chì ci era peghju nù a vita chè una falata in naziunale.
Un vole capì chì a falata di u sporting in naziunale, hè a morte di a mio giuventù.
Aghju cuminciatu à andà in furiani in l'annate 90, tandu avia sei anni, eramu in seconda divisione, ma cun una squadra di leoni (Bianconi , Di fraya etc etc), u publicu venia numerosu è passiunatu.
Eranu l'annate 90 quella di a mo zitellina, i naziunalisti eranu uniti è purtavanu speranza in u populu, I Muvrini cantavanu sempre canzone di Thiers Fusina Rocchi è Acquaviva, in paese si sfrancisava pocu....
Oghje i naziunalisti si spartenu trà duri è molli, I Muvrini cantanu cun Grand Corps Malade, in paese ùn si parla guasi più corsu, è u Sporting hè in naziunale...
Eri mane mi sò discitatu, cun un sintimu stranu, cum'è dopu una sborgna nera, cum'è sì qualcosa s'era spentu intornu à mè.
Susteneraghju sempre u sporting, durante a stagione chì vene, perchè più chè mai, hà bisognu di u so publicu, avemu da ricullà subitu ci vogliu crede.

2.mandatu da U PICCHJU u 06/05/2010 12:10

Quandu vegu certi chi portanu u dolu pè l'affare di falata in divizione sotta, mi dumandu se noi altri corsi un simu micca spapersi. U dolu si deve tene pè è vittime di Furiani, vittime di a scimizia di l'omi. Quessi si chi so pertudi oramai è un rivulteranu più. U Sporting un hè mortu, hè ghjustu indè una gativa seria d'induve sortera un ghjornu o l'altru.

3.mandatu da filidatu u 06/05/2010 12:20

Parlendu di l'affare di e vittime di Furiani, averete rimarcatu chì a liga hà fattu ghjucà a prima divisione u 5 di maghju, nigendu a parulla data à l'epica, d'ùn fà più ghjucà partite u 5 di maghju in memoria di i nostri morti.
ùn rispettanu micca a so parulla, ùn rispettanu micca i nostri morti, sò propiu inculati

4.mandatu da estrimei u 06/05/2010 13:24

un so micca passiunatu di ballò , e ancu quandu u Sporting era in testa di l'Auropa un avia passione (forse un pocu di piecè di vee i nostri nemichi arrabbiati).
mi pare chi quand'ellu si tratta di prufeziunali , ghjocu un ci n'he piu, ci so l'imprese chi maneghjanu assai solli e chi imbriagganu i disgraziati 'ncu "vittorie " chi portanu pocu.
dicenu chi l'A.C.A pueria fallà anch'ella e chi sia cum'ella sie , i frencesi un hanu tantu laziu d'avè corsi tra i pei.
a voi , passiunati di stu "ghjocu" vi vuleria fà una pruposta: perche un fà una "squadra" naziunale corsa 'ncu ghjucaori scelti in tutti i paesi di Corsica .
sta squadra naziunale pueria opponesi a squadre furestere di a so qualità.
mi pare ch'elle ci serianu menu spese ,ch'ellu ci seria piu passione , e ch'ell'un ci seria piu bisognu di vullè entre in una casa induv'elli un ci volenu????

5.mandatu da Pont-Neuf 1769 u 06/05/2010 13:55

U Sporting era u Club di a Corsica avà hè falatu, mà pare certi si so permessi di festighjà a vittoria di L'OM, forse ùn eranu Corsi, a avianu più parentia incu i "marsegliesi " di "quartiers Nord" mà face pena listessu... mancu u rispettu pè i nostri morti.di 18 anni fà
34 anni fà nascia u FLNC, festighjana ellu dinù u so anniversariu, avà pare mortu anch'ellu.....
@ filidatu e Oghje campemu incu a cuscenza chi tuttu si nè và di male..a nostra fine ùn hè tantu luntana........A duri e i molli, li dumandu eo di esse "naziunalisti" indè a so andatura, u so discorsu, e qui dinù dipoi qualchi anni ci si spapersi......Tuttu serà ligatu e irganizzatu dà Pariggi, mi pongu certi volte a quistioni....!!

6.mandatu da Prefettu Bonnetu u 06/05/2010 14:19

A Corsica "Andarà di male in peghju" disse una Voce antichissima.....

7.mandatu da LPF (Li Porci Frencesi) u 06/05/2010 17:06

Dumandemu à sorte di 'ssu campiunatu frencese di merda e andèmu à ghjucà à pallò in Italia,cusi omancu vèderemu l'Inter, la Samp,"il grande Milano",ecc..e micca Psg, l'Om,u Losc e tutti s'inculati di "gaulois".
D'altronde u Sporting ghjè u spéchju di a nostra sucietà ,malata e frencisata.

8.mandatu da U PICCHJU u 06/05/2010 17:59

Iè o Estremei, l'avemu sunniata tutti issa Squadra Naziunale di Corsica, mà temu chi un si ferà mai perchè ognunu vole a soia; hè cume i campi d'aviazione o i porti. L'interessu maio di u nostru populu si sparghje in interessi lucali di vicinanza.

9.mandatu da anto u 06/05/2010 18:08

Cume un ni mi piace mica issu ghjogu vi lasciu discorre tra di voi !

http://anto.over-blog.org

10.mandatu da casinca u 06/05/2010 20:00

Diceraghju solamente chi a falata di u sporting in naziunale hè una disgrazzia pè noi tutti, u sporting face parte di u nostru patrimoniu e tocca a noi di fà ch'ellu sparisci micca. Aghju 42 anni, segnu di destinu, a prima partita ch'aghju vistu in Furiani era Bastia Marseglia in 1977, avia tantu quasi nov'anni.....4 à 0 pè Bastia, purtatu pè Claude Papi, "charlot", Djazic, Zimako, Felix..etc...oghje ne simu in stu ghjornu maladettu di 5 maghju a à morte di nostru club, e Marseglia campione di Francia. E di chi certi corsi supportanu piu l'OM che noi, ch'elli anu avutu u curragiu di festighja stu tittulu di campione di Francia in u 5 maghju.....manc'a vergogna ! incu u sporting so i nostri valori chi si morenu, piu nimu un rispetta nunda....allora muvemucci, truvemu una soluzione pè franca u nostru sporting, omi donne, puliticanti, voi chi site cusi dispuniblili in tempu d'elezione ! fatte qualcosa pè francà cio chi po l'esse ! femu donni di soldi, tutti à u nostru nivellu, tutti i corsi, di quindi o d'altro, a cundizione di mette in piazza una squdra dirigente incu un prujettu valevule.....rifletimu avà, perchi dopu sera tropu tardi, ci vole a principia a prussima stagione in cundizione favorabile, e riculla subitu, sino simu fritti.....

11.mandatu da Traditore u 06/05/2010 20:17

Pudemu sustene l'OM chi Marseglia era 100 anni fà una cità Corsa, e a maglietta di u club porta i Culori di A Madonna (La Bonne Mère) surelladi a nostra "Santa Immaculata" e simile à quelle du i Sporting s'ùn mi sbagliu.....

12.mandatu da estrimei u 06/05/2010 20:22

a disgrazia he ch'ell'un si tratta piu di "squadre "di ballò ma d'imprese , e a piu bella spieggazione di l'impresa he u sollu.forse chi un di sti ghjorni Veolia si cumprerà u Sporting: serrà a piu bella manera di cumprassi ......a Corsica .
o ghjente aprite l'occhji : fiighjate i marsigliesi , so scimiti , ei benefizii di a vittoria qual'he chi l'ha da avè?

13.mandatu da Traditore u 06/05/2010 20:48

Panem e Circem...i Romani guvernavanu cusi... Mà oghje o Estrimei, u Ballò in Marseglia hè assai puliticu e cume a Francia di 1998, e pè fà crede a "un'unità" chi un esiste....."le vivre ensemble" cume li dicenu i Pinzutti..

14.mandatu da linguaccia u 06/05/2010 21:45

Listessa sorte pè u Sporting....u Fronte e u Populu Corsu....?????

15.mandatu da spqr u 06/05/2010 23:20

o traditore, panem et circenses, pane è ghjochi di u circulu

16.mandatu da Lotta finale? u 07/05/2010 08:54

Parchè tutta sta cumedia ? Parchè sta parolla strana "morte" ?... Pà una discesa in National.

Sta Francia cusì tantu vituparata sinu à u puntu di vulè participà à i sò campiunati...cù, pà u più, ghjucatori ...francesi è canti francesi (spechju di i canti intesi nantu à tutti i tarreni di francia).

È stu disprezzu pà Reims, Troyes "de la France proprette, du fair play et de l'andouillette"? Parchè? Sò francesi, tenenu à contu e so tradizione, sò fieri di u so passatu (Reims prima club francese à esse ghjuntu in finale di a copa d'Auropa, chì risusciteghja ...era mortu l'annu scorsu).

Mi pare più assinatu u discorsu chì mette in risaltu i nostri difetti, e nostre magagne, i nostri malfatti...Cum'ellu hè statu fattu à a fine di l'articulu.

È u club di u presidente Orsoni (prisintatu cusì da RCFM), saria un esempiu da suvità da a nostra ghjuventù?

Ci vulemu assumiglià à ciò chì ci hè di peghju è quandu u peghju ci ricusa ci lagnemu è mughjemu ch'ellu hè inghjustu cù i corsi.

Ma chì vulemu à u finale?

17.mandatu da U sole si pesa per tutti ! u 07/05/2010 13:34

Ghjè avà chì ci vole discità u Lione ! Per mustrà quale simu in veru ! Un populu feritu sarà sempre unitu !

Novu cumentu :