Unu nantu à u blog hà dettu ch’ellu si parlava troppu di Sarkozy, parchè micca ? À tempu ne face tante è più pà ssu pocu, chì vulete ? Tandu aghju da pruvà, da ùn annuià micca u nostru amicu littore, à prisintà vi Corsi di a Spalluzzera (di a diasporà dice quellu) è cusì à ùn parlà micca di Sarko. Si chjamanu Joëlle è Carlu Ceccaldi. A prima hè merre UMP di Puteaux (cità di i cuntorni Parigini) è u sigondu era u merre di Puteaux è hè oghje cunsiglieru di mirria (UMP). L’avete capita sò babbu è figliola. U babbu, anzianettu, cappia a mirria in u 2004, lascendu la à a figliola. Ma ùn hè mancu statu cuntente di a gistione di a mirria tandu a vole ripiglià à a figliola è si prisenta contru. Parenu fole ma hè virità.
Ciò chì face ride in più in ssu drama famigliale hè chì u vechju Ceccaldi privene a Manca, dicendu li chì s’elli ùn volenu unisce si, li tuccarà à assume torna 50 anni di Ceccaldisimu, chì nantu à a lista di a figliola ci hè u so figliolu à ella, vene à dì u poffigliolu di Carlu ? Mi suvitate sempre ? Storie cusì mancu in Corsica ci n’hè !!! ùn hè ? Clanisimu, mirria, contrapartitu, partitu, torna partitu, babbu, figliola, poffigliolu, dinastia, lascita, contralascita…
À mè ciò chì mi inturbidisce hè di sapè ciò ch’elli si dicenu tutti, a dumenica, pà u ripastu di famiglia… Parlaranu di pulitica, siguramente !
Mi vurria scusà avà chì mi sò scurdatu di dì vi calcosa, ma sò ubligatu torna à amintà à Sarkò, torna una volta : Puteaux, hè una cità vicina à Neuilly, è quale era l’anzianu diputatu di u circondu…
L’UMP è a pultica : una vechja storia di famiglia.
Da riflette ci
Ciò chì face ride in più in ssu drama famigliale hè chì u vechju Ceccaldi privene a Manca, dicendu li chì s’elli ùn volenu unisce si, li tuccarà à assume torna 50 anni di Ceccaldisimu, chì nantu à a lista di a figliola ci hè u so figliolu à ella, vene à dì u poffigliolu di Carlu ? Mi suvitate sempre ? Storie cusì mancu in Corsica ci n’hè !!! ùn hè ? Clanisimu, mirria, contrapartitu, partitu, torna partitu, babbu, figliola, poffigliolu, dinastia, lascita, contralascita…
À mè ciò chì mi inturbidisce hè di sapè ciò ch’elli si dicenu tutti, a dumenica, pà u ripastu di famiglia… Parlaranu di pulitica, siguramente !
Mi vurria scusà avà chì mi sò scurdatu di dì vi calcosa, ma sò ubligatu torna à amintà à Sarkò, torna una volta : Puteaux, hè una cità vicina à Neuilly, è quale era l’anzianu diputatu di u circondu…
L’UMP è a pultica : una vechja storia di famiglia.
Da riflette ci
I più belli tweets di François Fillon
