U caminu di ferru corsu entre infine innù u 19esimu seculu

A Piazzetta, blog in lingua corsa - blog en langue corse / apiazzetta.com informations, actualité of corsica

un blog induv'ellu si parla di tuttu in lingua corsa, da Britney Spears à Jean-François Bernardini, da Corsica Sera à Jack Bauer... / / / apiazzetta@free.fr

Accogliu

Forum

Ligami

Cuntattu

Newsletter

Quale semu ?

Lingua, Tradizioni, Storia

People

Tennulugie nove

Tribuna libera di i lettori

Moda, Salute, Benestà

Accueil > Attualità corsa

U caminu di ferru corsu entre infine innù u 19esimu seculu

U fiascu di a settimana : I capizzoni di a CTC anu vulsutu piglià u trenu novu trà Ponte Leccia è Palasca.

Prublema : torna appena è ùn ghjunghjianu mai...

L'AMG 800 d'Ange Santini risicheghja di firmà pè pruverbiu.

U racontu u ci face Corse-Matin di u 14 di maghju è ùn s'inventa nunda.

Sta volta, hè tuttu u staff di i capizzoni di a CTC chì anu vulsutu mustracci chì avà sì ch'in Corsica eramu muderni. Ci vulia à festighjà u trenu novu, sapete u famosu AMG 800.

U scopu iniziale era à principiu piuttostu sèmplice : fà u cortu parcorsu trà Ponte Leccia è Palasca.

Ma torna appena è ùn ghjunghjianu mai è a ghjurnata hà giratu à u fiascu.

Perchè hè capricciosu è chjuccutu l'AMG 800. Stava troppu bè in gara d'Aiacciu. Allora ùn hà vulsutu francà à Vivariu... Prublemi tennichi ! Anch'ellu resiste à u "travailler plus" !

Allora i nostri capizzoni anu finitu pè piglià u vechju trinichellu d'un antru seculu... chì si piantava pè lascià traversà e vacche...

Ùn face nunda, u prugressu in Corsica, hè cum'è pè u trenu. Ùn ci vole micca à esse pressati...

In tantu, Ange Santini si rallegra di mette infine Bastia à 2ore è mezu d'Aiacciu cù u trenu. Ringraziemulu, ci face entre infine innù u 19esimu seculu ! Era ora !

Lundi 19 Mai 2008

U Sgaiuffu

1. Posté par estrimei le 19/05/2008 08:09

mi pare chi strada ferrata seria stata megliu.

unepochi dicenu chi stu novu trenu fu una gran scruccuneria , forse he buggia?
vuleria sapè dinnu si in CORSICA si ghjustificheghja ? -sta dumanda un he micca una dinunzia ,he una prova per avè spieggazioni-

2. Posté par circinelludiguagnènativupèliguagnesusosanguaversatu le 19/05/2008 08:53

Tuttu u mondu dice "camìn di farru" parchì circà cinqui zampi à un muntonu ?
strada/caminu, di farru/ferratu... hè listessa, mi !!! ... ùn ci si avanza micca par avà, o pocu !!!

3. Posté par estrimei le 19/05/2008 10:03

a mè , mi paria ch'ellu si dicessi strada ferrata per u parcorsu e trennu per a mecanica;ma si tutti dicenu "camin di ferru " presentu e mio scuse.

4. Posté par circinelludiguagnènativupèliguagnesusosanguaversatu le 19/05/2008 14:12

Ma quant'à me i dui sarani ghjusti, cum'è in francesu: voie ferrée è chemin de fer...
inveci aghju sempri scritu TRENU eu, è da pocu vegu chì certi scrivani TRENNU, qual'hè chì t'ha a risposta ?

5. Posté par IVIU le 19/05/2008 16:19

TRENU HE QUANDE TU SI FOR DI TRINICHELLU
TRENNU HE QUANDE TU SI DENTRU
ACCADE ANCU TRENNNNNNNNNU

6. Posté par estrimei le 19/05/2008 17:52

aghju duppiatu u N ,perch'ellu si sente bè 'nu a prununzia ,ma forse mi sbagliu

7. Posté par Jean Mathieu le 20/05/2008 13:53

Avete a raggiò o ghjente 19esimu secculu bravo Angeot!!!

Nouveau commentaire :